TƏ́DA 33
33
Loo gə̄ ń ngán Israel gə̄ dəban̄ tū tə́ ní
1Loo gə̄ ń ngán Israel gə̄ dəban̄ tū tə́ dan ń Moijə nin̄ kə Aaro̰ teēnəń sedə́ kɔ̄ɔ́ kem ɓē kə́ Ejiptə tə́ kə gō naá ní n toó. 2Loo gə̄ ń nin̄ dəban̄ tū tə́ kə gō ndū Kɔ́ɔ̄ɓēé ō, ɔrə̄n̄ dɔɔ́ tū tə́ kə gō ndū Kɔ́ɔ̄ɓēé ō ní Moijə ndang makətūbūú. Rī loo gə̄ ní n toó.
3Ndɔ̄ nge ko̰ kutə gidə i mí yā nāā kə́ ta kəga dɔ. I teē gidə gō ndɔ̄ nāā Pákə n ngán Israel gə̄ teēnəń kɔ̄ɔ́ kem ɓē kə́ Ejiptə tə́ ní. Nin̄ teēn̄ i kə́ kɔ́ɔ̄ rɔ̄də́ gə̄ tə́ ta kum de kə́ Ejiptə gə̄ tə́ malang. 4Dan ń noō tə́ ní de kə́ Ejiptə gə̄ ra a dubə̄n̄ i hágə́də́ gə̄ ń Kɔ́ɔ̄ɓē tɔ̄l̄də́ malang ɔjəń tɔ́gən dɔ ɓesə̄ yādə́ gə̄ tə́ ní. 5Ngán Israel gə̄ ḭḭn̄ Ramses aw̄ ndin̄ Sukot. 6Ḭḭn̄ Sukot aw̄ ndin̄ Etam ta ngóy dəla loo tə́. 7Ḭḭn̄ Etam tél reēn̄ bátə́ ugə̄n̄ Pi Hahirot ń sɔɔ̄n̄ ta naā kə Baal Sepon ní ba ndin̄ loo ń sɔɔ̄n̄ ta naā kə Migədol ní tə́. 8Ḭḭn̄ loo ń sɔɔ̄n̄ ta naā kə Pi Hahirot ní tə́ gāngə̄n̄ bā bo ba aw̄n̄ kem dəla loo tə́. Nin̄ njə̄rān̄ kem dəla loo kə́ Etam tə́ ndɔ̄ mətá tá ugə̄n̄ Mara. 9Ḭḭn̄ Mara aw̄ ndin̄ Elim loo ń ta kəɓa man̄ kə́ tū tə́ gə̄ i kutə gidə i jōó ō, kāgə̄ túmbur kə́ tū tə́ gə̄ i kutə sīrí ō ní tə́.
10Ḭḭn̄ Elim aw̄ ndin̄ kadə bā tə̄ɓā gə̄ tə́. 11Ḭḭn̄ noó aw̄ ndin̄ dəla loo kə́ Sin tə́. 12Ḭḭn̄ dəla loo kə́ Sin tə́ aw̄ ndin̄ Dopəka 13Ḭḭn̄ noó aw̄ ndin̄ Alus. 14Ḭḭn̄ Alus aw̄ ndin̄ Repidim loo ń kósə de gə̄ əngen̄ man̄ kə́ yā ka̰ȳ tū tə́ aĺ ní tə́.
15Ḭḭn̄ Repidim aw̄ ndin̄ dəla loo kə́ Sinai tə́. 16Ḭḭn̄ noó aw̄ ndin̄ Kibərot Taaba. 17Ḭḭn̄ Kibərot Taaba aw̄ ndin̄ Haserot. 18Ḭḭn̄ noó aw̄ ndin̄ Ritəma. 19Ḭḭn̄ Ritəma aw̄ ndin̄ Rimon Peres. 20Ḭḭn̄ Rimon Peres aw̄ ndin̄ Libəna. 21Ḭḭn̄ noó aw̄ ndin̄ Risa. 22Ḭḭn̄ Risa aw̄ ndin̄ Kehelata. 23Ḭḭn̄ Kehelata aw̄ ndin̄ dɔ mbal̄ Seper tə́. 24Ḭḭn̄ noó aw̄ ndin̄ Harada. 25Ḭḭn̄ Harada aw̄ ndin̄ Mahehelot. 26Ḭḭn̄ Mahehelot aw̄ ndin̄ Tahat. 27Ḭḭn̄ Tahat aw̄ ndin̄ Tera. 28Ḭḭn̄ Tera aw̄ ndin̄ Mitəka. 29Ḭḭn̄ noó aw̄ ndin̄ Hasəmona. 30Ḭḭn̄ Hasəmona aw̄ ndin̄ Moserot. 31Ḭḭn̄ noó aw̄ ndin̄ Bene Yaakan. 32Ḭḭn̄ Bene Yaakan aw̄ ndin̄ Horgidəgad. 33Ḭḭn̄ noó aw̄ ndin̄ Yotəbata. 34Ḭḭn̄ Yotəbata aw̄ ndin̄ Abrona. 35Ḭḭn̄ noó aw̄ ndin̄ Esion Geber. 36Ḭḭn̄ Esion Geber aw̄ ndin̄ Kades kem dəla loo kə́ Təsin tə́. 37Ḭḭn̄ noó aw̄ ndin̄ mbal̄ Hor tə́ ta ngóy dɔ nang kə́ Edom tə́.
38 Aaro̰ nge tun̄ yá̰a̰ aĺ dɔ mbal̄ Hor tə́ tītə̄ ń Kɔ́ɔ̄ɓē ədanəń ní. Ni-oy i loo ń noō tə́. Ngán Israel gə̄ teēn̄ kɔ̄ɔ́ kem ɓē kə́ Ejiptə tə́ rāā ɓāl̄ kutə sɔ́ tá kadə̄ ni-oy ɓáý. Ni-oy i kə ndɔ̄ kə́ ta kəga dɔ yā nāā kə́ nge ko̰ mí. 39Ɓālə̄n i ɓú kə kutə jōó kə kalən kə́ mətá. 40Anī Kanaan gə̄ ō, mban̄g kə́ Arad ń ndi Negeb dɔ nang yādə́ tə́ ní ō, oōn̄ kōō ngán Israel gə̄ ń reē ugə̄n̄ ní.
41Ngán Israel gə̄ ḭḭn̄ mbal̄ Hor tə́ aw̄ ndin̄ Salmona. 42Ḭḭn̄ Salmona aw̄ ndin̄ Punon. 43Ḭḭn̄ Punon aw̄ ndin̄ Obot. 44Ḭḭn̄ noó aw̄ ndin̄ Ye Abarim ta ngóy dɔ nang kə́ Moab tə́. 45Ḭḭn̄ noó aw̄ ndin̄ Dibon Gad. 46Ḭḭn̄ Dibon Gad aw̄ ndin̄ Almon Dibəlataim. 47Ḭḭn̄ noó aw̄ ndin̄ dan mbal̄ gə̄ kə́ Abarim tə́ sɔɔ̄ no mbal̄ Nebo. 48Ḭḭn̄ dan mbal̄ gə̄ ní tə́ aw̄ ndin̄ ndágə loo gə̄ kə́ Moab tə́, kadə bā Jurdḛ ń sɔɔ̄n̄ ta naā kə ɓē kə́ Jeriko ní tə́. 49Ndin̄ i dɔ dán ɓē kə́ Bet Yesimot tə́ kə ɓē kə́ Abel Sitim.
Loo kēgə̄ naā dɔ nang kə́ Kanaan
50-51Kɔ́ɔ̄ɓē mēr̄ Moijə kəda ngán Israel gə̄ najə̄ ń toō ndágə loo gə̄ kə́ Moab tə́, kadə bā Jurdḛ ń sɔɔ̄n̄ ta naā kə ɓē kə́ Jeriko ní tə́: Ré ī-teēī bā Jurdḛ ba ūgī dɔ nang kə́ Kanaan tə́ anī, 52ī-tə̄ɓāī de kə́ tū tə́ gə̄ malang kɔ̄ɔ́ nosí tə́. Ī-tɔ̄ɔ̄ī ɓesə̄ mbal̄ yādə́ gə̄ ō, ī-nujiī ɓesə̄ gə̄ ń hēlə̄n̄ kə gində̄ kə́ nō horoó ní ō. Ī-nujiī loo ndɔ̄ȳ yādə́ gə̄ kɔ̄ɔ́ malang. 53Ī-taāī dɔ nang yādə́ ī-ndiī tū tə́, tɔdɔ̄ dɔ nang ní m-ādə̄sí i sḭḭ̄. 54Ā ī-túgī i wə̄lā n ā ī-kēgīiń gír kaa yāsí gə̄ dɔ nang ní. Gír kaa ń de gə̄ i ngá̰ý kemeé ní, ā ādīdə́ dɔ nang ní i ngá̰ý ō, gír kaa ń de kə́ kemeé gə̄ i ngá̰ý aĺ ní, ā ādīdə́ dɔ nang ní i sḛ́ý beē ō. Gír ɓē gə̄ kógə̄ḿ kógə̄ḿ a əngen̄ dɔ nang ní i kə gō ń wə̄lā a ɔjəń ní. 55Ba ré ī-tə̄ɓāī de gə̄ kə́ dɔ nang kə́ Kanaan tə́ nosí tə́ kɔ̄ɔ́ malang aĺ anī, ngé gə̄ ń ā ə́ya̰īdə́ ní, a télən̄ kōn̄ gə̄ kə́ a ran̄ kumsí tə́ ō, kōn̄ gə̄ kə́ a ran̄ ngēl̄ kadəsí tə́ ō. Nin̄ a ənīn̄sí rɔ̄ɔ̄ kə̄ nja naā tə́ kem ɓē ń ā ī-ndiī tū tə́ ní tə́. 56Ba yá̰á̰ ń m̄-gír̄ rāā sedə́ ní, m-ā m̄-tél yā rāā i sesí sḭḭ̄.
Currently Selected:
TƏ́DA 33: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
