1 MBAN̄G GƏ̄ 4
4
Salomo̰ rāā ɓē yān
1Salomo̰ i mban̄g yā ngán Israel gə̄ malang. 2Rī ngé kəla yān kə́ bo gə̄ n toó: Ajaria ngōn̄ Sadok i nge tun̄ yá̰a̰. 3Ngé ndang makətūbə̄ gə̄ i Eliorep ō, Ahia ō. Nin̄ i ngán Sisa gə̄. Kɔdə̄ mbēr̄ yā mban̄g i Yosapat ngōn̄ Ahilud. 4Ngol áskar gə̄ i Benaya kə́ ngōn̄ Yoyada. Nge tun̄ yá̰a̰ gə̄ i Sadok ō, Abiatar ō. 5Ngār yā ngé ko̰o̰ ɓē gə̄ i Ajaria kə́ ngōn̄ Natan. Nge tun̄ yá̰a̰ ō, nge kadə̄ mban̄g kɔjə̄ ō, i Jabud kə́ ngōn̄ Natan. 6De kə́ dɔ yá̰a̰ kənge yā mban̄g tə́ i Ahisar. Ngār kə́ dɔ kəla ngámbá tə́ i Adoniram ngōn̄ Abəda. 7Salomo̰ tə́ndā ngé ko̰o̰ ɓē gə̄ kutə gidə i jōó gō nang kə́ Israel tə́ malang. Nin̄ kógə̄ḿ kógə̄ḿ a a̰a̰n̄ gō mban̄g kə deē yān gēé kə yá̰a̰ kəsaá kem nāā kógə̄ḿ kə dɔ ɓāl̄ gə̄. 8Ngé ko̰o̰ ɓē gə̄ ní n toó: Ngōn̄ Hur i nge ko̰o̰ ɓē kə́ gō nang kə́ mbalá yā Epəraim tə́.
9Ngōn̄ Deker i nge ko̰o̰ ɓē kə́ gō nang kə́ Makas tə́ ō, Salbim tə́ ō, Bet Semes tə́ ō, Elon Bet Hanan tə́ ō.
10Ngōn̄ Hesed ń ndi Arubot ní i nge ko̰o̰ ɓē kə́ gō nang kə́ Soko tə́ ō, kə́ gō nang kə́ Heper tə́ malang ō.
11Ngōn̄ Aminadab i nge ko̰o̰ ɓē kə́ gō nang malang ń ngán mbal̄ gə̄ kə́ Dor i tū tə́ ní tə́. Ni-taā i Tapat ngōn̄ Salomo̰ kə́ dəyá̰.
12Baana ngōn̄ Ahilud i nge ko̰o̰ ɓē kə́ gō nang kə́ Tanak tə́ ō, Megido tə́ ō, kə́ Bet Sean kə́ taá malang ń i kadə ɓē kə́ Sartan tə́ gír Jisreel tə́ nang tə́ ní ō. Gō nang ní aw̄ ugə̄ Abel Mehola, ba ra noó un Yokəmeam no kem.
13Ngōn̄ Geber ń ndi Ramot kə́ Galaad tə́ ní i nge ko̰o̰ ɓē kə́ gō nang ń ngán ɓē gə̄ yā Yair kə́ ngōn̄ Manase kə́ Galaad i tū tə́ ní ō, ni i nge ko̰o̰ ɓē kə́ gō nang Argob kə́ Basan tə́ ō. Ɓē bo gə̄ kə́ gō nang ń noō tə́ malang i kutə mehḛ́. Ndogə̄ mbal̄ gə̄ i gidə ɓē bo gə̄ ní tə́ ō, utə̄n̄ ta róbə ndogə̄ gə̄ kə́ yā kudəń kə̄ kem ɓē bo gə̄ ní tə́ i kə bápá ō, rákə̄n̄ gində̄ nə̄ngá kasə gə̄ ta tə́ ō.
14Ahinadab kə́ ngōn̄ Ido i nge ko̰o̰ ɓē kə́ gō nang kə́ Mahanaim tə́.
15Ahimas i nge ko̰o̰ ɓē kə́ gō nang kə́ Nepətali tə́. Ni-taā Basmat kə́ ngōn̄ Salomo̰.
16Baana kə́ ngōn̄ Husai i nge ko̰o̰ ɓē kə́ gō nang yā Aser tə́ ō, i nge ko̰o̰ ɓē kə́ Bealot ō.
17Yosapat kə́ ngōn̄ Parua i nge ko̰o̰ ɓē kə́ gō nang yā Isakar tə́.
18Simei kə́ ngōn̄ Ela i nge ko̰o̰ ɓē kə́ gō nang yā Benjamḛ tə́.
19Geber kə́ ngōn̄ Uri i nge ko̰o̰ ɓē kə́ Galaad tə́, adə̄ i gō nang yā Sihon mban̄g yā Amor gə̄ ō, gō nang yā Og mban̄g kə́ Basan ō. Tá nge ko̰o̰ ɓē kə́ rang i noó ɓáý kem ɓēé gō nang kə́ Juda tə́. 20De kə́ Juda tə́ gə̄ ō, kə́ Israel tə́ gə̄ ō, i ngá̰ý tītə̄ nán̄g ngárə̄ḿnjēý kə́ ta bā tə́ beē. Nin̄-əsan̄ ō, a̰ȳn̄ ō, rāān̄ rɔ̄nel̄ ō.
Currently Selected:
1 MBAN̄G GƏ̄ 4: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
