Mat 11

Jã ngeða baptem la ndïje ta Jeju

(Oo Luk 7:18 teen 35)

1Lon Jeju nda mþerg'n non ngéndoog lon kïkïlah gidaijoo tïga woi ye, þai nõbe a kï ndoo deg na la mber Hoita Kïmaj kam þebogt lod ho. 2Jã i kam dangãit, na lon oo hoi kïlag'n Krist ða ye, la ngéndoog kï ndïjena anan: 3Îla î ngeðe yo? Ke ndï kï ngoo de mad kïðang a?

4Jeju turd an: Awïn a kï ørrïn Jã hoi nyag'n oon dø kï îgïn oon kï kumsï. 5Mundog ndï oon lo, mootg a þan ning, ngébanjg yootïn, mbog oon dø ta, ngékoig tøsï ndoolïn, na ndï lan mber Hoita Kïmaj ngéndog. 6Ngeronel la i de'n ndï mbet kadïm kamïn al ye.

7Lon ngéndoog lo Jã son ðobo woi ye, Jeju mbagirr kelta dan dø Jã an: Awïn kam dïlalot kï de gotot koo ðit a? Aw kï oon kad nya mad kï nél ða yeea a? Ãã. 8Na awïn koo ðit a? Awïn koo de madt kï ngelakubg kï gatd i ngãi a? Oon so. Ngélakubg kï gatd i ngãi în kam kujgt lo ngarg. 9Na awïn koo ðit wa yo? Awïn koo ngekelta kï ta Luwaht a? Ãã, m'elsï, de'n aw oona i kï tøi ngékelta kï ta Luwaht sãi. 10Kïtø Jã i de'n ndangïn ta dan ne døa kam maktubt anan: Oon. M'ndï m'la ngombangkïla lom kete nõit, kad ðago ðob loi nõit.

11Rota la m'ndï m'elsï ye, ku îgt'n dekïdëg oojïnd ye, de mad kïbo tøi Jã kï ngeða deg baptem goto na de'n i kïdu kïtai kam kõþet kï dørãt dõ, i kïbo tøia. 12Maði nu kaglot lo Jã ngeða baptem mbã tajigla, deg ndï narïn kõþe kï dørãt dõ kï lo ngetøgt, na ngétøgg la ndï taan kï lo ngetøgt ye. 13Kïtø ngékelta kï ta Luwaht tube, kï mberkïnda lo Moij elïn ta ndøn ne ndil dø kõþet lo Luwah mbã teen dø Jãt kï ngeða baptem deg. 14Îla i ndig ger girr ta 'nten maj a ne, Jã'n non la i Eli'n ndï ðe ye. 15De'n ndï kï mbin kïta koon dø taa ne, kï oo dø.

16Na kï nõ m'a m'øjïn deg kï tajigla'n ðan a? În tit ngan kïdug kï ndïn suku, ndï kunïn namdg, 17anan: Kï kun nal j'adsï, na i ndomïn al, kï tøi panõ, na i ndan kadsï i non në al.

18Kïtø Jã ðe, na oron nyasa kï nyakãi, na deg anan: I ngendïl kïmajal, 19Ngon de ðe, na sa ho, ãi ho, na deg anan: I de kï ngesanya boot, ngekãi kasïnduu boot, i nam ngétirr nya kï ngéðamajalg. Na deg gerïn terr lo Luwah, i kïdenesew kïtakul kïlaðaag.

Jeju ndang þebog'n oon dø ta loa, na mbetïn tørrïn ndid

(Oo Luk 10:13 teen 16)

20Kamla Jeju mbagirr ndáng þebog'n ðakïlag lon kï yaya ngãibe tit kïta tørr'n tørrïn ndid al. 21Jeju el an: Beto loi, þebo Korrasë. Beto loi þebo Besaida. Kïtø îla neni ða'n kïla kï yayag'n m'ða kusït kam þebo Tirrt kï þebo Sidõ a ne, neni tørrïn ndid maði nu kï kub kïlagum rodt, kï buhorr dødt.

22Na m'ndï m'elsï, ndø gangtat, takïgang kï dø Tirrt kï Sidõ a to soot tøi kï døsït. 23Na î Kapernawm, oo a an a unïn kï dõ mbã dørãt e? A i ðisï kïber mbã kï kam lot kï koo. Kïtø neni ðan kïlag kï yaya kam þebo Sodomt tit'n ðan ne kamit a ne, neni a ða be mbã þola. 24Na m'ndï m'elsï, ndø gangtat, takïgang kïdø døning Sodomt a to soot tøi kï døit.

I ðen kï romt kad i ngahn lo taakò

(Oo Luk 10:21 teen 22; 1 Kor 1:26 teen 29)

25Kaglot'n non Jeju el an: M'ndï m'tøii Bøw Bïraþe kï dørãt kï døning, kïta ya'n i ya dø nyag'n non ko ro ngéterrgt kï ngékumtøg, na i tee død ad ngan kï dug oon.

26Ãã Bøw, i ða titbe, kïta titbe la neli kad i ðan ye.

27Nyag tube Bøw la jimt; de mad kï ger Ngon goto, na Bøw tã; de mad kï ger Bøw goto, na Ngon tã, ala dekïðen'n hã Ngon ndig kad n'tee døa n'ad gera tã.

28I ðen kï romt în deg tube'n ndï ørrïn, în ngétonya kï køi, na m'a m'ad i taan kò. 29Unïn jug lom kï køsït, i ndoon romt, kïta mî de kï sayelïl kï ngekamsøl, na a i ngahn lo taakò kïta rosï. 30Kïtø jug lom i kï søllom, nya to lom i kï køi al, tø.

Currently Selected:

Mat 11: MB80

Highlight

Copy