Mat 10

Jeju kun ngéndoog lon kïlah gidaijoo

(Oo Mrk 3:13 teen 19; Luk 6:12 teen 16)

1Kamla Jeju kun ngéndoog lon kïkïlah gidaijoo kï ront, na ad'd tøg kad tuþan ne ndil kïyerrg kø, kad yootïn ne mõi kïðen kï yoto kïðen. 2Tø ngéndoog kïkïlah gidaijoo la ten: Kï dasabang i Simõ'n a kunïna Pierr, kï Andre ngonkoa; kï Jak ngon Jebede, kï Jã ngonkoa, 3kï Pilip kï Bartelemi, Tomas kï Matie kï ngetirrnya, Jak ngon Alpe kï Tade, 4Simõ de kï Kanaat, kï Judas Iskariot, în un dø Jeju.

Jeju la ngéndoog lon kïkïlah gidaijoo

(Oo Mrk 6:7 teen 12; Luk 9:1 teen 6)

5Îgïn non la în deg kïkïlah gidaijoo'n hã Jeju lad, na ndad mþerg 'nten an: Ot kunïn ðob kï dø degt kï gerïn Luwah al, kï andïn kam þegt lo Samariag al ho.

6Na maj kad awïn ro batgt kï þe lo Israel, kï nãin. 7Go ðob kawsït, i lan mberta anan: Kõþe kï dørãt i nderrbe.

8I yootïn mõig, i ndoolïn ngékoig. I yootïn ngébanjg ad arïn. I tuþan ndil kïmajalg kø. I ngahn kari, adïn kari ho. 9Ot køin l'ør, kï nar kï nda, ke nar ningakasï, kam ndardøþosït; 10ke þøl kawïmbah, ke kub joo, ke sanjag, ke gølkøp, kïta ngeðakïla asïta nyasan.

11Þebo kïðen, ke ngõþe kïðen hã a andïnt a ne, i ndïje oon, îla de kï kasï høsï kï ront ndït nõ a ne, ka i ndïn þe loa mbã i þain ne. 12Lon i ndï andïn kam kujt a ne, elïn anan: Lapia losï.

13Îla kuj'n non asï kad høsï kï ront a ne, kï lapia losï ndï døat; na îla asï høsï kï ront al a ne, kï lapia losï tel kï rosït. 14Na îla de høsï kï ront al, oo dø ta losï al ho a ne, i teen kam kujt'n non, ke kam þebot'n non, na i ndan bu kï danjasït kø. 15Ta kï rota la m'ndï m'elsï ye, ndø gangtat, takïgang dø deg kï Sodomt kï Gomørr a to soot tøi î kï dø deg kï þebot'n non.

Jeju ndoo ta deg dø darondot kïþet a ðe

(Oo Mrk 13:9 teen 13; Luk 21:12 teen 17)

16Oon, m'ndï m'lasï tit batg be dan bisïkologt, kïta 'nten i ndïn kï kumtøg tit lig be, kï în ngenuj nya al tit derrngøtg be. 17Na oon go rosï maj ro degt: Kïtø þet a lasïn ji ngégangtagt, a ndasïn kï ndeh kam kuj kawnat lo juipg. 18A awïn sesi nõ ngékõþegt kï ngarg kïtatøm, kïtakad i man naj nõdt kï nõ ngéger Luwaht al ho. 19Lon a lasïn jidt a ne, ot soolïn kanan: Ta ði a kelïn, ke titbãi a turïn ne ta. Kïtø dø kàdt'n non bábá, Bøwsï a adsï ta kad elïn, 20kïta i îng hã a elïn ta al, na Ndil Bøwsï la ndï elta kamsït ye. 21Ngonkõ a un dø ngonkõ kad tølïna, na bøw a un dø ngonïn; ngan'g a þai ndoorïn ngékoojdg, ad tølïnd. 22Deg tube a øsïsïn ta kïtatøm. Na de'n a hø røn bá mbã døboia a ne, î la a aj ye. 23Lon deg a dan rosï ndo kam þebot mad a ne, ka ãin na kï kïmadt. Ta kï rota la m'ndï m'elsï ye: A i lan go þebog kï døning Israelt wø al þaitø, na ngon de a ðe.

24Ngendoonya tøi bïrangendoon al, þer tøi ngeen al ho. 25Asï kad ngendoonya î tit bïrangendoon be, na asï kad þer tit ngen be ho. Ngeþe na kunïna Beljebul ye la, ngékïþe loa tã ã?

Jeju el ngéndoog lon kad þoolïn deg al, na maj kad þoolïn Luwah

(Oo Luk 12:2 teen 9; Mrk 8:38)

26Kïtø 'nten ot þoolïnd; kïta nya mad kï kut dø kï a unïn nya døt al goto, ke nya mad kï yadø kï de a ger al goto. 27Ta'n m'ndï m'elsï gid tilt ndïn, elïn dankàda wang. Ta'n m'ndï m'øj kï mbisït, i lan mbera dõ dø kujgt. 28Ot þoolïn deg'n ndï tølïn dãro, na asïn tøl ro de kïkeme al. Maj kad i þoolïn Luwah'n asï nuj ro de kï dãro de tu kam Jahanamat. 29A ðawïn tîtîg joo kum sile kïða ale? Na kïkïða kudt a so ber kïkanj ndig lo Bøwsï al. 30Kï losï taa, mbã bisïdøsïg kaa dan kørd tube. 31Kïtø 'nten ot þoolïn, gatsï tøi kïlo tîtîg ngãibe.

32Kïtø 'nten dekïðen a elta lom kïtïga wakïsï nõ degt an: Nî de lom a ne, mî m'a m'elta loa kïtïga wakïsï nõ Bøwmt kï kam dørãt dõ m'an i de lom ho. 33Na dekïðen a maj ta gerïm nõ degt a ne, mî m'a m'maj ta gera nõ Bøwmt kï kam dørãgt dõ ho.

Jeju an n'ðe kï lapia hã dan degt al na ðøø tã

(Oo Luk 12:51 teen 53; 14:26 teen 27)

34Ot gaa'n kanan: M'ðe kï lapia dø degt kï døningt në. M'ðe kï lapia al, na kï kiyaðøø. 35Ãã m'ðe m'ndah ndoor mbïna ngont kï bøwa, mbïna ngon kïdët kï kõa, mbïna mumt kïdë kï muma kïdë ho. 36Madngéta de a în deg kï kam kujt loa.

Kørr ta ro kø balang kïta ndulo go Jeju

(Oo Mrk 8:34 teen 35; Luk 14:26 teen 27)

37De'n ndï tar bøw'n ala kõn tøim a ne, asï ta kî ngendulo gom al; de'n ndï tar ngonïn kïdïngã, ke kïdë tøim a ne, asï kî ngendulo gom al. 38De'n un kagdosï lon, na ndulo gom al a ne, asï kî ngendoo lom al. 39De'n ngom ron a ne, a laa kø, na de'n ndï la ron kø kïtatøm a ne, a ngaha.

Nyabajig

(Oo Mrk 9:37 teen 41)

40De'n ndï høsï kï ront a ne, ndï høm kï ront. Na de'n ndï høm kï ront a ne, ndï hø Ngelam kï ront ho. 41De'n ndï hø ngekelta kï ta Luwaht kï ront kïta kîa ngekelta kï ta Luwaht a ne, a ngah nyabaji kï kasï kï lo ngekelta kï ta Luwaht. De'n ndï hø dekïdenesew kï ront kïta kîa dekïdenesew a ne, a ngah nyabaji kïkasï kï kï lo dekïdenesew. 42Dekïðen a un man ta man kï søl kam kïlamant ad kïkïða ku ngangt'n non kïta kîa ngombangkïla lom a ne, m'elsï ta kïrota a nal nyabajin al bat.

Currently Selected:

Mat 10: MB80

Highlight

Copy