Esa Takïdøt
Takïdøt
Kï ta Hebre, girr tø Esai i: Bïraþe i kaj lom. I tø'n non i kïndah dø maktub 'nten ye. Kam maktubt lo ngekelta kï ta Luwaht Esai ndooj kad Luwah i Bïraþe lo Israel asï kad deg lon nya ndah kam døt kï ndï kï død dõ.
Îla kï keg maktub lo Esai lo mïta øjïn dø kaglog kï dangdang'n nyag ðan nya tit.
Gaj maktub lo Esai kïdasa þai dø ðob ninat kï 1 teen 39, elta dø nyagt'n ðan nya þalt 740 teen þat kï 700 kete nõ Jeju Krist't. Kaglot'n non ngekelta kï ta Luwaht Esai i Jerusalemt lamber kad ad deg kad Luwah ndï ða kïla kïta girrdeg lon kï kaglog tube. Esai ndáng deg dø halt kï majal kï nyaða kïgootal, kï køsï døber nõ yogt. Lon nyakïto ngahd a ne, a kon kï dø Luwaht, a gerïn Luwah andahn kamd dø Luwaht ho.
Gaj maktub kïdasa lo Esai tag'n j'a kï ngah kamt laten:
Tag kï øj dø kõþeg kï Judat kï Israel(ðob nina 1 kï 2 mbã teen 12; ðob nina 28 teen 33).
Þai dø ðob ninat 13 teen 23 elta dø girrdegt kï dangdang.
Þai dø ðob ninat 24 teen 27 kï 34 teen 35 elta dø kïlat'n þet Luwah a ða kïta girrdeg ho nya'n þet øj madngéta Israel.
Þai dø ðob ninat kï 36 teen 39 elta dø ngekelta kïta Luwaht Esai kï ngar Ejekias, kaglot'n non deg kï Asirit ðe ðøøn þebo kï Jerusalemt.
Gaj maktubt lo Esai kïkõjoo þai dø ðob ninat ðob ninat 40 teen 55 a kunïna: maktub sølkam. Kïtø tag kïkamt in tag kï þain kokïro Luwaht kad sølïn kam deg lon kad'd høtøgbá ho. Kaglo'n non i dang kï kaglo'n j'a kï ngah kam gaj maktubt kïdasa. Deg kï Asirit õnþe dø ngan Israelt al ta, na i deg kï Babilont la gan kootd ye, ad gaj deg madg kï Judat in þe þert.
Deg'n awïn þert ye, oon anan Luwah nyad kø. Ngekelta kï ta Luwah eld ta 'nten: Luwah i Ngendah nyag tube i dø nyagt tube ndï ðan nya kaglot kï maði kï kaglot kï tajigla. Na Luwah a ad deg lon tel ðen gog kam døningt lod tit'n teen sed døning Ejipt't. Ngekelta kï ta Luwaht Ngekelta kï Luwaht Esai el an Luwah lo Israel i Luwah kï jeje, i Luwah lo deg tube. Girrdeg kïdangdang øsïn død ber nõ yogt kï in nya mad al.
J'a kï ngah pa asï søø kamt elta dø det kï tadang de'n non a kunïna þerkïla lo Bïraþe (ðob ninat 42 njørra 1 teen 7; ðob nina 49 njørra 1 teen 6; ðob nina 50 njørra 4 teen 9 ðob nina 52 njørra 13 mbã ðob nina 53 njørra 12). De'n non aw kï halg kï tit kï hal lo deg lo Luwah, i tit deg kï telrod gotat lo Luwah kï ngéþool Luwah, kaglo mad i tit Sirus, ngar kï Persï.
Gaj maktub lo Esai kïkõmïta þai dø ðob ninat kï 55 teen 66 øj dø kaglo'n deg kï Judat telïn gog døningt lod þalt kï 537 teen 520 kete nõ kooj Jeju Krist't.
Tel deg kï Judat døningt lod gog i nya kï toro ngãi kïta nyaða kïgootal tøi dø, deg madg øsïn død ber nõ yogt, na kølnag kï ndoorna to ku degt lo Luwah. Kïla lo Esai i lamber hoita kïmaj kad deg'n kamd tuj nya ndahkamdøt lod goto kï þan kil kï Luwah.
Kam gaj maktubgt kïmïta lo maktub lo Esai elta dø Bïraþet kï Ngekunjðang lo Israel. Ad kanj gah dø tøg Luwaht'n ðan nyag tube, kï kïlaða kam kaglot tube. Luwah taa girrdeg lon nyad dõ. În ða dørã kï døning, îla taa deg lon nyad dõ ye. Ndï ðago dørã kï døning kï kij, in log'n þet deg a gerïn Luwaht jeje kï Luwah kï î kïðaþedo.
Nyag'n maj kad kamj oi døt al
Kam gaj maktubt kïkõjoo lo Esai þal kï 800 kete nõ kooj Jeju Krist't i kaglo kï kamkïsokïber gotot kïta kõþe kï Israelt kï Juda. Kïtø Asiri tøg kõþe loa i ngãi kïta õþe dø girrdegt tube. Þai dø þalt kï 734 kete nõ kooj Jeju Krist't, kõþe kï Sirit kï kõþet kï Israelt a kunïna Epraim ndahn rod nat. Awïn ðøøn kï kõþe kï kõþe kï Judat. Ndigï kad Juda ndah ron nat sed kad'n ðøøn kï Asirig.
Þai dø þalt kï 722 teen 721 deg kï Asirit taan þebo kï Samarit'n i þebo kï Israelt, høn deg awïn sed þert.
Þai dø þalt 701, deg kï Asirit ðe ðøøn þebo Jerusalem adïn tel ngon þe lod kï girr tøgt lod.
Got i deg kï Babilont la ðen gan koot deg kï Asirit ye.
Kï þal 587, deg kï Babilont ðen taan þebo kï Jerusalem. Høn deg madg awïn sed þert. Kam þalgt kï 550, kõþe mad kï kij ðe taa lo tø, ad i kõþe lo Persïg.
Sirus i ngar lo Persïg kam þalt kï 539 nya ta ðob ad deg'n awïn þert ye kï telïn ðen gog døningt lod. Ad deg kï Judet tel awïn døning Jat gog kad ðan kuj ndub Luwah gog.
Currently Selected:
Esa Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.