Esa 1
1
Bïraþe kun Esai
1Nyakookamndilt lo Esai ngon Amots în oo dø Judat kï þebo Jerusalem. Kaglot lo Ojias kï Jotam kï Akaj kï Ejekias, ngarg kï Juda.
2Dørã, oo dø.
Døning, i nel mbii.
Kïta Bïraþe elta an:
M'to ngan'g m'ad tøgïn,
na taamïn ðøø.
3Bøw mang ger ngeen,
korro tø ger sund sanya
lon ro ngeent.
Na Israel gerïn al,
deg lom gerïn nya al.
4Aa. Girrdeg kï ngéðamajal
kï ngeðagootal kïngãi,
koh deg kï ngéðamajal,
ngan ngétujnya,
nyan Bïraþe kø,
Kïdïn Ngekunjðang lo Israel,
tørrïn rod, telïn kïgog.
5I ndigïn kad ndasïn gog þaitø,
kïta taaðø losï kïdøtdøt a?
Dø kïtaagbe i mõi,
ngarkam kïtaagbe i kï koi siw.
6Mbagirra danjat mbã kï døt,
nya mad kï to soot goto.
Dòg, kï dò nda kïmbukïmbukï,
kï dobaig kï tee þi,
kï tad to tag kïkanj dø,
urrïn yibt al tø.
7Døning losï i gootþe,
þebog losï tø horr õ.
Mbahg taan døning losï nõsït,
i þe losï i tit nya'n
mbahg nujïn në.
8Þebo Siõ ndï tit
kujkám ndøø nduut,
tit kujkám i ndøø kosït,
tit þebo kï ngéðøøg gugïn døa.
9Kanj Bïraþe Ngekoosïg'n
nya ndeg deg sî adj al a ne,
ni j'a jî tit Sodom,
kï Gomorr be tø.
Luwah kun deg kï Juda kï tørrïn ndid
10In ngarg kï Sodom,
oon dø ta lo Bïraþe.
In deg kï Gomorr,
i nelïn mbisï kïdø tat lo Luwah loj:
11Kadkari losï kïngãi ye,
m'a m'ðan ði a? Kel Bïraþe.
Kamm ndan kï kadkari
bal batg losï kïlahorrt kïðaibe,
kï mbool ngan mangg
kï to mbulmbul.
M'a m'ða ronel dø mosï
bøw manggt al,
ke mosï ngan batg,
ke mosï bal bïnyag.
12Lon i ðan nomt ye,
nõ ndïjesï kad
i þan natlo lom kï njasï a?
13Ot ðen kï kadkari
pãbe kïndang,
mbikám losï kïkootmbî
i nya kïyerr romt.
Kij nah kï ndø taakò,
kï kun deg kï lo kawnat:
m'asï kad m'ndï dø ðagootal
kï kawna dø ða naht al.
14M'mbet kij nahg losï,
kï ða nahg losï kï gangïn ndød.
In nya kï køi dømt,
m'ørr røkï dø todt.
15Lon i lan jisï kïdõ
i kømïn ne nya a ne,
m'a m'ut takumm døsït.
Ke neni i køn
kï njanatnat kaa,
m'a m'oo dø al,
jisï ðoosï kï mosï.
16I ndoogïn man,
arïn rosï.
Ørrïn kïlaðasï kïmajal
takummt kø.
I nyan ta ðamajal.
17I ndoon ða maj.
I sahn go ða denesew.
Øgïn dø nyaða
kï lo ngetøgt.
I gangïn ta lo ngon hal
ad i goðobat.
I gangïn ta lo ngengawkoi
ad i goðobatad.
18I ðen, kel Bïraþe,
ad kï majna ta.
Ke majalg losï tit'n
kï nya kïkïre kaa ne,
a telïn kïnda ngung
tit bul be;
ke majalg losï
i kïkïre pirïr kaa,
a telïn kïnda
tit bî bat kï nda be.
19Îla i ndigïn,
na i telïn rosï goot a ne,
a i san kand kïmaj
kï døningt'n ðan:
20Îla i mbetïn,
na i taan ðøø a ne,
a tølsïn kï kiyaðøø,
kïta ta Bïraþe elta.
Bïraþe a gangta dø þebo Siõt kamla a badøa
21Titbãi þebo kïro
tel kaya dekïdë a?
In maði ðoosï
kï nyaða kïgoðobat.
Maði nyaða kïdenesew
i kamat,
na tajigla ngétøldeg
la ndïnt.
22Arjã loi tel kî nar,
kasïnduu loi tø
burïna kï man.
23Ngarg loi
in ngétaaðøø,
în madna kï ngéþoogg,
dekïðen ndïg kadkari,
na ãin ngød go nyabajit.
Gangïn ta lo ngon hal
ad i goðobat al,
takïgang lo ngengawkoi
tee rodt al tø.
24Kïtø 'nten,
Bïraþe Ngekoosïg,
Bïraþe Ngetøg lo Israel, an:
Aa. M'a m'tøl kon wong lom
dø ngéndoorïmt,
m'a m'nda ngïra
dø madngétaamt.
25M'a m'la jim kïdøit
m'ndoorin,
m'a m'teli kï kart kï kat,
majalg loi a telïn man,
m'tari dø majag loi tube
na m'a m'ørr yïrog loi
tube kø.
26M'a m'ad ngéngangtag loi
gangïn ta goðobat
tit kïkete,
na ngékøjtag loi
a în tit kïmaði.
Gog got a kunin
þebo kïdenesew,
þebo kïro.
27A ban dø þebo Siõ
kïta nyaða kïgoðobat;
na îgïn telïn kïromt tø,
a ban død kïtakul
nyaða kïdenesew.
28Na ngétaðøø
kï ngéðamajal a nujïnd,
na îgïn tørrïn rod kø
ro Bïraþet ye,
a goto tø ho.
29Rosøl a ðasï dø
kag dil yogt losï'n
i tarïna ngãi,
na a i ðan rosøl
kïta ndøg losï.
30Kïtø a in tit kag dil
kï mbia ndulo,
ke ndøø kï man gotot.
31Dekïngang a i tit mu be,
na kïlaðaa tit ndõ horr be,
horr a õd tujoo,
de kï asï tøl horra goto.
Currently Selected:
Esa 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
