Esa 5
5
Terrta dø ndøø nduut
1M'a m'øsï pa kïta ngetar lom,
ad i pa lo ngetar lom
kïdø ndøø nduut loa:
Ngetar lom aw
kï ndøø nduu dø doorlot
kïmaj ngãi.
2Ndøø lo, tørr mbalg,
hø nduu kïmaj tit,
ða kuj ngomlo kïngal tit,
ða lo þa nduu kamt,
nda kamïnt
kad n'ngah kand kïmaj,
na and kand nduu kïmajal.
3Tajigla in ngéndï Jerusalem
kï deg kï Juda,
kï i gangïn ta mbïnajt
kï ndøø nduu lom.
4Nya mad nãi nõ kad
m'ða kam ndøø nduut lom in m'ða,
al þaitø a?
M'nda kammt kad tee
kï kand nduu kïmaj,
na tee kï kand nduu
kïmajal kïtøði a?
5Tajigla m'a m'øjsï
nya'n þet m'a m'ða
kï ndøø nduu lom.
M'a m'ða ba m'tørr kïnga loa,
kad nyag san.
M'a m'ða burrolo ndogbørrat,
na a þana kï njad.
6M'a m'tela got ndøøt,
kad a jan takõna
ke ndøøn kama al.
Kõn kï ngarr a þan tit.
M'a m'øg kilndii kad man
a ed døt al tø.
7Kïtø ndøø nduu
lo Bïraþe Ngekoosïg
i ngékïþe lo Israel;
deg kï Juda tø
in nya kï hø kï nela.
Ndï ngoo takïgang kïgoðobat,
na i mosï kï kü kø.
Ndï ngoo nyaða kïdenesew,
na i tõn ðusïðusï.
Nya kï to a so dø ngéðamajalgt
8Beto lo ngeða kuj
kadnat nat,
kï ngéla ndøø kad nat,
mbã lo mad kï to kari goto.
Na a ndïn kïkïðad
døningt 'nten.
9Bïraþe Ngekoosïg
elta mbimt, Kï yo kïnda an:
Rota kujg ngãibe
a telïn gootþe;
kuj kïbobo kï kïmajmaj,
de a ndït al.
10Ndøø nduu hektar mïta
adïn man nduu litïr dømi al.
De'n duw geme kilo þu
a tet kilo kïlah koon.
11Beto lo îgïn þain kïsî ritit,
sahn go nyakãi kï kong,
ndïn ta kãi kasït mbã ndø,
kasïnduu ðad ad rod tïngabil.
12Kïndeh kï kïndeh ngo, kï kød, kï tow,
kï kasïnduu adïnd ronel kam ða nahgt lod.
Turïn go kïlaða Bïraþe al,
oon kïlaða jia al tø.
13Kïtø 'nten la deg lom
awïn ne þert kïta nyager al.
Þoo ndï tøl kïbog lod
Koosïg lod kïnda man ðad
ad kød tut kãrïm.
14Kïtø 'nten la hoolþe,
a tee tan,
na a laa yalïm,
kï kïse ronel kï yekïtyekït.
15Titbe Bïraþe
a lan dø de kïber.
Ngégaþuro a lan død kï ber.
16Bïraþe Ngekoosïg i kï tøi
kïdõ kïtakul takïgang
kïgoðobat loa,
na Luwah Ngekunjðang
a øj ron
kïkunjðang kïtakul
nyaða kïdenesew.
17Ngan batg
a san nya nõbe tit
lokuldt be,
na nyakulg
kï to mbulmbul
a san nya gootlot kïtuj.
18Beto lo deg'n dønd
lo ðagootalt lod
kï kïlla takïbal godt,
a ndørïn majal
kï kïlla pusï godt tø.
19Deg'n non anan:
Ada ða kïla lon kanang
ad j'oo,
ad takøj lo Ngekunjðang
kï Israel ndøt kïrojt nderrbe
kad kï gera.
20Beto lo îgïn
ndï kunïn majal maj,
na kunïn nya kï majal, maj
mbelïn til kï kunj
na kunj mbelïna kï til,
nya katbang gan ne
goot nya kïnel,
na nya kïnel gan ne goot
nya kï katbang tø.
21Beto lo ngékoo rod ngéterrt.
Oo a anan, n'in ngégoosï tø.
22Beto lo deg kïngang
lo kãi kasït kï kong;
na þan tøg bur
nyakãi kïngang nat.
23Ndï ørrïn ta dø de
kï ngeðamajalt kïta kadkari,
na øgïn nya lo de kï
ta goto døat logangtat.
24Kïtø 'nten,
tit'n horr õn bulmu
na mu kïtut so løt dan horrt,
titbe tø ngïrad tel nya kïndum,
hutd tø þai tit bu be,
kïta mbetïn ta nyandoo
lo Bïraþe Ngekoosïg,
kïdin ta lo Ngekunjðang
kïnge Israel.
25Kïtø 'nten Bïraþe þawong
kï deg lon,
la jin kïdødt, kad n'ndad,
mbalbog yeen,
ad dønind to ðobt tit þirþit be.
Be kaa wong loa oi al,
jia ða kïdõ þaitø.
26Bïraþe un drapo kïdõ
kïta kunïn koosï ngéðøøg'n
in sãi.
A kund kï ngol
kad ðen ko døngoi døningt na.
Ðen kanangbe
kï ro kï to pelpel.
27De mad kudt kï kør ðaa,
ke ga njan nyat goto,
de mad kï të þi
ke to þi goto,
de mad kï ndardøþoa tut,
ke kïlla sa loa
gang goto tø.
28Kïrãg lod tube
at pepep,
jid i dø gãt lod,
kïngotinja sïndag lod
kongkong tit mbal be,
na nja pusïg lod
tit nélbarwãi be.
29Ko lod i ko lo tubo,
ko tit ngan tubo,
a jan ðøø na a høn nya,
unïn tadt awïn ne,
de mad kï ta tadt goto.
30Ndøt'n non
kah ngéðøøg a ko
tit bahbo
kï ko be.
Lon de oo
døning'n non,
lo i til
kï kamkil.
Kunj a tel lo
kï diw kïtakul kilndii.
Currently Selected:
Esa 5: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
