Esa 6
6
Esai oo kunj Bïraþe kïðangereng, kamla Bïraþe kuna
1Þal koi ngar Ojias ye, m'oo Bïraþe ndï dõ dø pong ngar kï ngal kï dõ, ta kub loa ðoosï kuj ndub Luwah. 2Serapëg ðan dõ døat, kïðen aw kï bøgïn kïbojidet: Bøga kïjoo utïn takumïn, bøga kïjoo utïn njan, bøga kïjoo ndï þain. 3Serapë kïðen ko kïdø madïnt an: Ngekunjðang, Ngekunjðang, Ngekunjðang la i Bïraþe Ngetøg tube. Kunja kïðangereng ðoosï døning kïtaagbe. 4Girr tabitg yeen kïtakul ndi ta kï ko nõ, na kuj ndub Luwah ðoosï kï sahorr.
5M'el m'an:
Beto lom. M'asï kelta mad al,
kïta mî de'n tam i kïyerr,
m'ndï dan degt'n tad i kïyerr tø,
na kumm oo Ngar,
Bïraþe kï Ngetøg tube.
6Kïkïða ku Serapëgt þai kï bøgïn ðe kï dømt,
kï yalhorr kï un dø dïngïrt kï saw jint. 7Ødïn tam, na el an:
Lon nya 'nten ød tai,
børr majalg loi kø,
ðagootal loi tø
i kï nyàgo kø.
8Kamla m'oo
dø ndi Bïraþe an:
Nõ m'a m'laa a?
Nõ a aw kïtøj a?
M'tur m'an:
Mî ne, i lam.
9Elïm an:
Aw el deg'n ðan an:
Koo dø taa, a oon dø,
na i gerïn girra al.
Koo kï kum taa a oon,
na a oon jeje al.
10Ad ngarkamd
nder kongkong,
ad mbid øi dïrïr,
ut kumd mbukï tø,
na þeta a oon kï kumd,
na oon dø kï mbid,
kad gerïn gïrra
kï ngarkamd,
kad tørrïn ndid al,
kad yootd al.
11Kamla m'el m'an:
Mbã ndø ðit nya 'nten
a ða nya a Bïraþe?
Na tur an:
Mbã kad þebog
telïn gootþeg,
kï de gotot,
døning tel gootþe
de gotot.
12Bïraþe a la deg
ko sãi ad deg a nya'n,
gootþe døning kø dan þogt.
13Na îla gaj deg,
kïkïða ku kïkïlaht'n nãi
kamt þet a ne,
a nujïna kï horr,
Tit kag dilg kï kagg
kï ngang ngangg kï gangïnd.
Na gïnda kï nai þa gog.
Døgïnda'n non la i
koh deg kïjaþat'n a þa ye.
Currently Selected:
Esa 6: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
