Yaþ 40

Jojep ørr girr niig lo de dangãig

1Go nyagt 'nten, ngekadnyakãi lo ngar kï Ejipt kï ngeløi bïnã loa ðan majal ndoorrïn ne ngeed ngar kï Ejipt. 2Paraõ ða wong kï ngékïlag kïbo lon kïjoo'n non ad i, kïbo lo ngékadnyakãi kï kïbo lo ngéløi bïnã. 3Ad land kam kujt lo bïradø ngengom dø ngar, kam dangãit, lot'n lan Jojep tit. 4Bïradø ngéngom dø ngar nda Jojep dødt kad oo god. Ðan dangãit ndø asï tat.

Jojep ørr girr nii kam dangãi

5Ngekadnyakãi kï ngeløi bïnã lo ngar kï Ejipt'tn land kam dangãit, în tujoo niin kam ndøt kïkïða, dekïðen nii loa dang, kørrgirra i dang tø. 6Jojep and godt kïsî, ood ndïn kï ronel al. 7Ndïje ngékïlag kïbo lo Paraõ îgïn în nat sia kam dangãit kam kujt lo ngeen an: Kïtøði takumsï hø ndo þone a? 8Turïna anan: Kï nii, na ngekørrgirra goto. Jojep eld an: Kørr girr nyag i koro Luwaht ale? Elmïn niig losï ad m'oo.

9Kïbo lo ngékadnyakãi el Jojep nii lon, an: Kam niit lom m'oo nduu mad i nomt, 10Nduu'n non døjiag în mïta. M'oo þa hut, hutag teen, na andïn ndanbrra, kandag mbujïn. 11Kop lo Paraõ i jimt. M'un kand nduu'n non m'mburo kï kam kopt lo Paraõ, na m'ad kop'n non ji Paraõt. 12Jojep ela an: Girra laten: Døjig kïmïta în ndøg kïmïta. 13Nãi ndø mïta Paraõ a un døi kïdõ, a tel sei kïkam kïlat loi gog. A ad kop lo Paraõ jiat tit'n i ðan kete lon i ngekadnyakãi loa nõ. 14Jojep ela an: Ka i ga kami dømt lon maj a urri. M'køi kï øjïm kamkë, na el Paraõ ta lom kad ørrïm kam kujt'n ðan, 15kïta rota unmïn døningt lo Hebreg kïgo lo þoogt, na nëbe m'ða nya mad kïkad lamïn ne kam dangãit al ho.

16Lon kïbo lo ngéløi bïnã oo kørrgirra i kïmaj ye, el Jojep an: Mî kaa, kam niit lom, m'oo keh mïta în dømt kï bïnã kï løi kamdt. 17Kam keht kïdøt dõ girr nyasag kïdangdang kï ðan kam purt kïta Paraõ în tit na yelg ða san nyag'n non kam keht kïdømt dõ. 18Jojep tur an: Kørrgirra laten: Keh kïmïta în ndø mïta. 19Nãi ndø mïta Paraõ a gang døi kø, a þa rumi kagt, ad yelg san dãi.

20Ndø kïkõmïta i ndø kooj Paraõ, ad ða mburr nam kïta þerg lon tube. Un dø kïbo lo ngékadnyakãi kï kïbo lo ngéløi bïnã kïdõ ku þergt lon. 21Tel kï kïbo lo ngékadnyakãi kïkam kïla kad nyakãit loa gog. Kad ad kop ji Paraõt. 22Na þa kïbo lo ngéløi bïnã kagt tit'n hã Jojep ørrdïn girra. 23Na kïbo lo ngékadnyakãi ga kamïn dø Jojept al, kama oi døa.

Currently Selected:

Yaþ 40: MB80

Highlight

Copy