Teekïtïga 4

1Moij tur an: A admïn kamd al, a oon ta lom al tø, kïta a elïn anan: Bïraþe tee høi kï romt al. 2Bïraþe ndïjea an: Ði i jiit a? Moij tur an: Kag tøsï. 3Bïraþe el an: I la ningt Moij la kagtøsï lon ningt, na kagtøsï loa tel li. Moij ãi nõ lit'n non. 4Bïraþe el Moij an: I la jii, i høn þonga Moij la jin høn þonga, na li tel kagtøsï gog kam jiat. 5I kïtakad gerï ne Bïraþe Luwah lo bøwdg, Luwah lo Abraham, Luwah lo Isaak, Luwah lo Jakob'n tee høi kï roit. 6Bïraþe ela gog tø an: I nda ji kadit. Moij nda jin kadïnt, kamla ørr jin. Lon un jin a ne, banj ü jiat ad jia ørr nda bung tit bul be 7Bïraþe el an: a i la jii kadit gog Moij nda jin kadïnt gog, na lon un jin gog a ne, jia tel to kari tit ndeg roa. 8Luwah el an: A i titbe: Îla adin kamd al a ne, ke oon ndaa nyakøj kïdasa al kaa ne, maja a oon dø ta lo nyakøj kïkõjoo. 9Na îla a adïn kamd nyakøj kïjoo'n non, ke a oon dø ndii al a ne, ød man bah ü ningt, na man bah'n ød ye, a tel mosï døningt.

Luwah køt Aarõ kad ða kïla nat kï Moij

10Moij el Bïraþe an: Bïraþe, mî ngegoosï kelta al, ke maði nu, ke tajigla lon elmïn ta mî þer loi, kïta tam øi ngãi ad m'elta ørr warang al. 11Bïraþe ela an: Nõ ða ta de a? Nõ tel de mbot, ke ngekelta jïkjïk, ke ngekoolo, ke mundo a? I mî Bïraþe ale? 12Kïtø 'nten tajigla aw m'a mî nat kï tai, m'a m'ndooi nya'n a el.

13Moij el an: Bïraþe, m'køi kï i la de mad kïðang 14Kamla Bïraþe þawong kï Moij, el an: Ngonkõi Aarõ kï i Lebia i nõ ale? M'ger a asï kelta maj. Oo î kïþe ndï ðe kï n'ndødi. Lon a ooi ye, a ða ronel kamïnt. 15A ela ta, a i nda tag taat. Mî tø, m'a mî nat kï tai kï taa, na m'a m'ndoosï nya'n a i ðan. 16A i ngekelta deg kïtai, a ga goot tai, na î a i ga goot Luwah kïtaa. 17A un kag tøsï 'nten jiit, a i ða'n nyakøjg.

Moij tel kïgog døning Ejipt't

18Moij tel aw ro mumïn Jetrot, ela an: M'køi kï i nyam adïm m'tel m'aw ro ngankomt'n ndïn døning Ejipt't, kïtakad m'oo ke ndïn kï død dõ kari a? Jetro tur Moij an Aw kï kamkïsokïber 19Bïraþe el Moij kam døning Madiãt an: Aw, i tel kï døning Ejipt gog kïta ngesah tøli tube oin kø. 20Moij øi nën kï nganïn kïdïngã, ndad dø korrot, tel kïgog døning Ejipt't. Un kag tøsï lo Luwah jint.

21Bïraþe el Moij an: Lon a i tel kï døning Ejipt gog ye, oo maj kad i ða nyag kïyaya tube'n m'la jiit nõ Paraõt. Na m'a m'ad kama kongkong, a nya deg ad awïn al. 22A el Paraõ an: Bïraþe el an: Israel'n i ngonïm, i ngonderïm. 23M'eli kad i nya ngonïm ad aw kïtakad ða kïlaþer adïm Na îla i mbet nyàa kad aw a ne, oo maj m'a m'tøl ngonderi kïdïngã.

24Go kawat, Bïraþe ndød Moij lon hø lot kad'n þit, sah tøla. 25Kamla Sepora un gaj mbal kï at pepep jan gaj ngonïn kïdïngã na laa nja Moijt, el an: Rota î ngawïm kïtakul mosï. 26Na Bïraþe nyàa. Kamla Sepora el an: Ngawïm kïtakul mosï kïgo ðob gajkïja.

27Bïraþe el Aarõ an: Aw kam dïlalot kad i ndød Moij Aarõ aw ndød Moij kad mbalbot lo Luwah, ðaa lapia njuta. 28Moij el Aarõ tag tube lo Bïraþe'n lan, kï nyakøjg tube'n nda mbera kad ða. 29Moij kï Aarõ awïn, kawïn kïbog lo Israelag tube kïnat. 30Aarõ eltag tube'n Bïraþe el Moij, na ða nyakøjg takum degt. 31Deg taan ta loa. Lon oon kad Bïraþe ðe ro Israelagt, oo daiyog lod tø ye, ndïn kï gojd øsïn død ber.

Currently Selected:

Teekïtïga 4: MB80

Highlight

Copy