Teekïtïga 3

Luwah kun Moij

1Moij ndï ngom þut nyakulg lo mumïn Jetro, ngejamosï kadkari kï døning Madiãt. Moij aw kï þut nyakulg, tøi sed kam dïlalot mbã tee Horeb, mbalbo lo Luwah. 2Malaika lo Bïraþe tee høi kï roat kam ndõhorrt, duu ngart mad, Moij oo ngarr'n non i horr tube, na horr õ ngar al. 3Moij el an: M'a m'tø m'aw m'oo nyakoo kï ya'n non, ke titbãi horr õ ngar'n non al a? 4Bïraþe oo kad Moij ndï tø aw kï n'oo. Luwah ko kuna du ngart'n non, an: Moij, Moij. Moij tur an: Mî ne. 5Luwah el an: Ot ndøt kï në be, i ørr sa njait kø kïta lo'n i duba i ðat ye, i ning kïjaþat. 6El tø an: Mî Luwah lo bøwi, Luwah lo Abraham, Luwah lo Isaak, Luwah lo Jakob. Moij ya takumïn kïta þool koo Luwah kï kumïn.

7Bïraþe el an: Rota m'oo daiyog lo girrdeg lom kam døning Ejipt't, m'oo ko lod'n kon kï dø bïradødgt, m'ger kõ lod. 8M'ðisï kïta tee sed kø ji Ejiptiagt, kad m'þai sed døningt 'nten kø kad m'aw sed døningt mad kïmaj kï tat ngãi, ad i døning'n mba kï tej ãint tit bah be kam logt'n Kananag kï Hetiag kï Amoriag kï Perejiag kï Hebiag kï Jebusiag ndïnt. 9Oo ndï ko lo Israelag tee romt, na m'oo dakum ndo'n Ejiptiag dan kumd ndo tø. 10Tajigla aw, m'a m'lai ro Paraõt kad i tee kï girrdeg lom Israelag kø kam døning Ejipt't.

Luwah tee kï tøn ad Moij oo

11Moij el Luwah an: Mî nõ kad m'aw ro Paraõt, m'tee kï Israelag kø kam døning Ejipt't a? 12Luwah el an: Rota m'a mî nat sei. 'Nten la i najkïma roit kad i ger mî la m'lai ye: Lon a i tee kï girrdeg'n non kam døning Ejipt't kø a ne, a i ðan kïlaþer adïn Luwah dø mbalbot'n ðan.

Luwah da tøn Moij

13Moij el Luwah an: Lon m'a m'tee ro Israelagt ye, m'a m'eld m'an: Luwah lo bøwsïg la lam kï rosït, în tø a ndïjemïn, ke tøa i nõ a? Ye m'a m'turd m'an ði a? 14Luwah el Moij an: Mî la i mî. El døt an: Titbe la a elïn Israelag, în hã tøa i mî lam kï rosït. 15Luwah el Moij gog tø an: Titbe la a i el Israelag; Bïraþe Luwah lo bøwsïg, Luwah lo Abraham, Luwah lo Isaak, Luwah lo Jakob lam kï rosït. 'Nten la i tøm mbãkïnõt, kï tøm 'nten a i gaan ne dømt kï ngakat kï ngaka. 16Aw, i kaw kïbog lo Israel kïnat, eld an: Bïraþe Luwah lo bøwsïg, Luwah lo Abraham kï Isaak kï Jakob tee høi kïromt, an: Rota m'ðe rosït, m'oo nya'n deg ðan sesï døning Ejipt. 17M'el m'an m'a m'ørrsï kam daiyot kï døning Ejipt't kø. M'a m'aw sesï døningt lo Kanaag kï Hetiag kï Amoriag kï Perejiag kï Hebiag kï Jebusiag, kam døningt'n mba kï tej ãint tit bah be. 18A oon dø ndii, î kï kïbog lo Israel a awïn ro ngart kï Ejipt, a elïna anan: Bïraþe Luwah lo Hebreg ndød'j. Kï køi kï i nyàj ad j'aw kï ndia ndø mïta kam dïlalot kïtakad kï ja mosï kadkarig j'ad Bïraþe Luwah loj. 19M'ger kad ngar kï Ejipt't a nyasï ad awïn al, ke kï lo ngetøgt. 20M'a m'la jim, m'nda'n Ejipt kï nyag kïyaya lom tube'n m'a m'ða dandt. Go nyagt'n non a nyasï ad awïn. 21M'a m'ad deg'n non ngahn maj takum Ejiptiagt. A i titbe: Lon a i awïn, a awïn jisï kari al. 22Ke dekïdë kïðen a ndïje madþen, ke mbah kï ndï kam kujt lon nya l'arjã kï nya l'ørg kï kubg, a i lan ro ngansïgt kïdïngã kï kïdë, titbe a i taan ne nyag lo Ejiptiag.

Currently Selected:

Teekïtïga 3: MB80

Highlight

Copy