Teekïtïga 2

Kooj Moij

1De mad kï girr Lebi taa ngon Lebi mad kïdë nënt. 2Dekïdë'n non nden ngon, ooj kïdïngã. Ooa i ngon kï roa maj ye, ya døa nah mïta. 3Lon dum kad ya døa ye, un jàng mad, tîya kama kï nyatîya nya ho kï gudrõ ho, la ngon kamt, ndahan dan wayabgt kad baht. 4Ngonkõa kïdë duba ða sãi kïtakad n'oo ger nya'n a ða nya.

5Ngon Paraõ kïdë aw ta baht kïta ndoog man. Mand madag ndian kad baht. Oo jàng dan wayabgt, la þer lon kïdë kad un. 6Tee ta jàng na oo ngon. I ngon kïdïngã, to nõ. Ta õ kama kïtaa, ad el an: 'Nten i ngon Hebre mad. 7Kamla ngonkõa kïdë el ngon Paraõ kïdë an: I ndig kad m'aw m'kun kondo mad ku dekïdë Hebregt, kïtakad mba ngon 'nten a? 8Ngon Paraõ kïdë ela an: Aw Ngon kïdë aw kun kõ ngon. 9Ngon Paraõ kïdë ela an: Un ngon 'nten aw sia, i tøa adïm Mî tø m'a m'adi nar bajii. Dekïdë un ngon, tøa.

10Lon ngon tøg ye, aw sia ro ngon Paraõt kïdë, ad tel ngona. Nda tøa Moij, el an: Kïtø m'ørra kam mant.

Moij ãi kï døning Madiãt

11Lon Moij tøg gang ye, ndø mad tee aw ro ngankõngt oo kïlag lod kïkõkõ, na oo Ejiptia mad ða nda Hebre mad kïða ku ngankõngt. 12Nøl lo ko nu kï ko në. Lon oo de mad al ye, tøl Ejiptia'n non, na yaro nina kam gart. 13Loti got tee, na oo Hebreg joo ða ðøøn na. El de'n ðagootal nõ an: Kïtøði i ndan nami a? 14De'n non tur an: Nõ ndai ngekõþe kï ngegangta døjt a? Oo an a i tølïm tit'n i tølïn Ejiptia'n non a? Þool ða Moij ad el kamïnt an: Rota nya'n non i kï ger oi. 15Lon Paraõ oo hoi nya'n non ye, sah kï n'tøl Moij. Na Moij ãi kø takum Paraõt, aw ndï døning Madiãt, ndï ber ta bulomant mad.

16Ngejamosï kadkari kï døning Madiãt aw kï nganïn kïdë tanãimïta. Ðen kïta kød man, ad man ðoosï nyakãi man kïtakad nyakulg lo bøwd ãin. 17Ngékulbatg ðe tuþand kø, kamla Moij þai dõ ða sed, ad man þut nyakulg lod ãin. 18Lon tel ðen kï ro bøwd Rewelt, bøwd ndïjed an: Ði ða nya ad i telïn ne kanangbe þone a? 19Turïn anan: Ejiptia mad aj'j ji ngékulbatgt, mbã ød man kïtatøj, ad man þut nyakulg ãin. 20Ndïje nganïn kïdë an: I ðah a? Kïtøði i nyan ne de'n non gog a? I kunïna ad sanya.

21Kam Moij ndig ndï kï de'n non, î tø ada ngonïn kïdë Sepora nëat. 22Ooj ngon kïdïngã, Moij ndah tøa Gersom kïta el an: Mî ngehølondï kam døning mbaht.

Luwah køt Moij kad tee kï girrdeg lon kam þe þert

23Lon kaglo tøi ngãibe ye, ngar kï Ejipt't oi. Israelag tõn ðusïðusï girr kïlaþert kïkõ ad kon. Ko lod girr kïlaþert kïkõ aw mbã kïdõ, tee ro Luwaht. 24Luwah oo dø tõ ðusïðusï lod ad kama gah dø kunkøt lon'n un ad Abraham kï Isaak kï Jakob. 25Luwah nda kumïn dø Israelagt ad ta õ kama.

Currently Selected:

Teekïtïga 2: MB80

Highlight

Copy