Teekïtïga 13

Nda nganderr deg kï nyakulg køtko kïða kïta Bïraþe

1Bïraþe el Moij an: 2Ørr nganderrg tube køtko kïða kïtam Nya kï ði kï tee kamkõt dasa ku Israelagt, ke de ke nyakul, i lom.

Ðà nah bïnã kï løi kïkanj berrkasï

3Moij el deg an: I gan kamsï dø ndøt'n non kï i teen ne kø døning Ejipt't, kam þe þert, kïta i kïtakul tøg ji Bïraþe la Bïraþe teen sesï kø lot 'nten ye. A i san bïnã kï løi kï ða kï berrkasï al. 4A i teen þone kam naht kï tøa i Abib. 5Lon Bïraþe a and sei kam døningt lo Kanaag kï Hetiag kï Amoriag kï Hebiag kï Jebusiag în Bïraþe nda yo kï n'ad bøwig, døning'n mba kï tej ãint tit bah be. A i ngomgo kïlaþer 'nten kam nah kïkïðat 'nten. 6A i sa bïnã kï løi kanj berrkasï ndø tanãimïta, na ndø kïkõtanãimïta a i nah lo Bïraþe. 7Kam ndøgt kïtanãimïta'n non a san bïnã kï løi kïkanj berrkasï, a oon bïnã kï løi kï ða kï berrkasï roit al, a oon berrkasï roit al kam døningt loi kïtaagbe.

8Ndøt'n non a el ngoni an: I kïta nya'n Bïraþe ða kïtam lon m'teen kam døning Ejipt't kïtïga. 9A i tit nyamanaj be jiit kï nyagakamdøt mbïna kumit kïtakad ta lo Bïraþe i kam tait kïta kïtakul tøg ji Bïraþe la Bïraþe teen sei kam døning Ejipt kïtïga ye. 10Kïtø 'nten la a i ngomïn go mberkïnda 'nten dø kagat kïþalg þalg.

Ngander deg kï nyakulg în lo Bïraþe.

11Lon Bïraþe a and sei kam døningt lo Kanaag tit'n ndan yo adi kï bøwig, na a adi tø ye, 12a ørr ngan derg tube'n teen kamkõt dasa, ndahn køtko kïða kïta Bïraþe mbã kï nganderr nyakulg loi tube, kïdïngãg a în lo Bïraþe. 13A i hø kõ bat i ban dø ngon korro kïðen, na îla i ndig badøa al a ne, a i teet køa. Nganderr deg ku nganigt a i badød tube. 14Lon ngoni a ndïjei ndø madt an: Girr nya 'nten i ði a? A ela an: Kïtakul tøg ji Bïraþe la Bïraþe teen sej kam døning Ejipt't kø kam þeþert ye. 15Lon Paraõ ða døngang, mbet nyàj kad j'aw, kamla Bïraþe tøl nganderrg kam døning Ejipt tube, nganderr deg ho nganderr nyakulg ho tu. Kïtø 'nten la m'ja'n mosï nyakulg kïdïngã kï teen kamkõt dasa tube kadkarit m'ad Bïraþe, na m'badø ngonderr kïðen ku nganïmt kïdïngã. 16A i tit nyamanaj be jiit, tit nya kï dø mbïna kumit be, kïta kïtakul tøg ji Bïraþe la Bïraþe teen sej Ejipt kïtïga ye.

Luwah ørr nõ girrdeg lon

17Lon Paraõ nya deg ad awïn ye, Luwah ørrd ta ðob kï døningt lo Pilistiag al, ke i nderrbe, kïta Luwah el an: Îla Israel'ng oon kad þet ðøø a ngad a ne, a awïn kïkete al, na a telïn kïgog døning Ejipt't. 18Na Luwah ørr deg ta ðob kï ðob'ngug dø dïlalo kï kad Bahbot kïkïre. Israel'ng teen kam døning Ejipt, ndian go nat kïgoagoa.

19Moij un kïnga Jojep nat sen, kïta Jojep ad Israelag ndan yo an: Rota Luwah a ðe rosït, na a unïn kïngam në be awïn ne nu.

20Þain lot kï Sukot aw høn londï Etamt ta dïlalot. 21Bïraþe aw kete nõdt kàda kam kilndiit kï ða kïðigg kï dõ kïta kørrd ta ðob, na ndø kam horrt, kïða kïðingg kï dõ kïtakad'd kunj, ad ndian ne ndian ne ndø ho kàda ho. 22Kilndii kï kàda kï horr kï ndø nyan ta kaw nõ degt al.

Currently Selected:

Teekïtïga 13: MB80

Highlight

Copy