Teekïtïga 12
12
Pakï lo Bïraþe
1Bïraþe el Moij kï Aarõ kam døning Ejipt't an: 2Nah 'nten a i nah kïdasa bang ku nahgt kïtasï, a i nah kïdasa bang lo þal kïtasï. 3El Israelag ngékawnatube an: Ndø kïkõkïlah lo nah'n ðan a unïn kõ bat kï girrkooj kïðen, kõ bat kïða kïta ngékïþe lo dekïðen. 4Îla kør ngékïþe lo de mad asï kõ bat kïða al, kamla de'n non kï madþen kï nderrbe a unïn kõ bat kïða kïgo kør degt. A i tïdan deg kïgo sa kõ bat'tn dekïðen a sa. 5Ngon bat losï a i kïkanj nya mad ðaa, kïdïngã kï þal kïða. A i høna ku batgt ke ku bîyagt. 6A i ngomïna mbã ndø kïkõkïlah gidaisøø lo nah'n ðan. Israelag ngékawnatube a tølïn batg lod døji losølt. 7A unïn mosïd, a ødïn ne kag ta kujt kïjoo, kï kag kï dosït dõ ta kujt, ad i kuj kï a san dã ngan batg'n non tit. 8Ndøt'n non ndø a san dã ngan batg kï tïnga horro, a san nat kï bïnã kï løi kïkanj berrkasï kï mbikámg kï at. 9A i san kari al, a i ndirrïn kam mant al tø, na a i tïngan horro ta tïnga kï døa kï njaa kï nyag kïkamat. 10A i nyan ndega mbã loti døt al, na îla ndega a nãi mbã loti a ne, a i lan horr døt. 11Lon a i sana a ne, a i døn þøsï, a i lan sag njasït, a i høn kag tøsï jisït, a i san kïdõt. I Pakï lo Bïraþe. 12Kïtø ndøt'n non ndø m'a m'tøi kam døning Ejipt't. M'a m'tøl nganderrg tube kïkam døning Ejipt, deg ho dãg ho tu, m'a m'tøl kõ takïgangg lom kïdø luwahgt kï Ejipt tube, mî la mî Bïraþe ye. 13Mosï a i nyamanaj kïtasï kïdø kujgt'n i ndïnt. Lon m'a m'oo mosï a ne, m'a m'tøi døsït dõ, yokoosï mad kïkad nujsï kø goto, lon m'a m'nda'n døning Ejipt. 14Ndø'n non a i ndø ga kam døt kïtasï, a i ngomïna kad i nah lo Bïraþe ngakat kï ngaka, în tube a i ngomïna mberkïndat mbãkïnõt.
Ðà nah bïnã kï løi kïkanj berrkasï
15Ndø tanãimïta a i san bïnã kï løi kïkanj berrkasï. Ndø kïdasa bang a ørrïn berrkasï kam kujgt losï tube kø, kïta dekïðen'n a sa bïnã kï løi kï ða kï berrkasï ndøt kïdasa mbã ndøt kïkõtanãimïta a ne, a goto kø kam Israelt. 16Ndø kïdasa a i kaw na kïjaþat, ndø kïkõtanãimïta a i kawïn na kïjaþat tø. A ðan kïla mad kam ndøgt'n non al, na koo go nyasa lo dekïðen tã. 17A i ngomïn go nah bïnã kï løi kïkanj berrkasï, kïta kam ndøt'n non bang la m'tee kï bahkad koosïg losï kø døning Ejipt't. Kïtø 'nten a i ngomïn go ndø'n non ngakat kï ngaka kïgo mberkïndat mbãkïnõt. 18Kam naht kïdasa, kï ndø kïkõkïlah gidaisøø lo nah'n non lokïsøle a i san bïnã kï løi kïkanj berrkasï mbã ndø kïkõdøjoo gidaikïða lo nah'n non lokïsøle. 19Ndø tanãimïta, a ngahn berrkasï kam kujgt losï al, na de'n a sanya mad kï berrkasï i kamt a ne, a goto kø dan ngékawnat lo Israelagt, ke mbah, ke de kï kooj þe. 20Nya'n berrkasï i tit a i san al. Kam kujgt losï tube a i san bïnã kï løi kïkanj berrkasï.
Ðago nyasa kïta ða nah Pakï
21Kamla Moij ad kunïn kïbog lo Israel tube kï ront, eld an: Aw i køtïn ngan batg kïgo kør degt kï þe losï, i jan kød Pakït 22Got gog a unïn døji kag hysop, a i lan taa kam mosït kïkam tasat, a ødïn kag ta kujt kïdõ kï kag ta kuj kïjoo kï mosï kïkam tasat. De kïða kï a tee kam kujt lon kïtïga kete nõ lokïtit goto. 23Kïtø Bïraþe a tøi kad tøl Ejiptiag, na lon a oo mosï dø kag lëto ta kujt kïdõ kï dø kag ta kujt kïjoo a ne, Bïraþe a tøi dõ ta kujt, a nya ngenuj deg ad and kujgt losï kad tølsï al.
24A i ngomïn go nya 'nten kad i mberkïnda kïtasï kï ngansïg mbãkïnõt. 25Lon a i teen døningt'n Bïraþe a adsï kïgo kunkøt lon, a i ngomïn go kïlaþer 'nten nyabelþet. 26Lon ngansïg a ndïjesïn anan: Nyabelþe 'nten girra i ði a? 27A i turïn anan: I kadkari Pakï kïjakø lo Bïraþe, în tøi dõ dø kujgt lo Israelag kam døning Ejipt lon tølïn Ejiptiag, na ajïn ngékïþe loj. Kamla deg ndïn kï gojd øsïn død ningt. 28Israelag awïn, ðan Bïraþe ndan mbera Moij kï Aarõ, ðan titbe.
Nganderg kï døning Ejipt oin
29Danlot ndø Bïraþe tøl nganderrg kam døning Ejipt tube, mba girra dø ngonderr Paraõt'n þet a ndï dø pong kõþet loa mbã kï dø ngonderr de dangãit kï dø nganderr nyakulgt tube. 30Paraõ þai ndø, î kï þerg lon kï Ejiptiag tube. Nõ kï kï na mbî i kam døning Ejipt't, kuj mad kï de oi tit al, goto.
31Paraõ ad kunïn Moij kï Aarõ nõ, eld an: I þain, i teen kø ku degt lom, în kï Israelag, aw i ðan kïlaþer adïn Bïraþe tit'n elïn ne nõ 32A øin þut batg losï kï þut mangg losï tit'n i elïn ne nõ, awïn, na i njangïn døm tø 33Ejiptiag øsïn deg kad tuþan Israelag kø døningt kanangbe, kïta elïn anan: Titbe al a ne, j'a j'oi tube.
34Deg unïn nduj lod kï løi na þai al þaitø, døn nduj kï løi kam kubgt lod ndan bøgdt. 35Israelag ðan tit'n Moij eldïn kete, ad ndïjen Ejiptiag nya l'arjãg kï nya l'ørg kï kubg. 36Bïraþe ad deg ngahn maj takum Ejiptiagt, în tø adïnd nyag'n ndïjen. Titbe la Israelag taan ne nyag lo Ejiptiag ye.
Israelag teen døning Ejipt kïtïga
37Israelag þain þebo Ramsest awïn Sukot't. Dekïdïngãg ngendïa kï njad asïn dub þukïbojidet kïkanj tïda dekïdëg kï ngan'g kï bïgag. 38Bahkad Koosïdeg kï girrd i dangdang þai awïn nat sed tø, kï þut batg kï þut mangg, ad i nyakulg kïngãi. 39Ðan nyasa kïkanj berrkasï kï nduj kï løi'n ðen ne ko døning Ejipt't, kïta nduj kï løi'n non þai al þaitø kïta i kïkanj berrkasï, kïta tuþand døning Ejipt't kø, asï ndï køkï gog al, asï ðan go nyasa kïta ðob al tø. 40Kaglo ndï Israelag mbah døning Ejipt i þal þusøø kïdømïta. 41Na døboi þal kï þusøø kïdømïta, ndøat nõ bang la, bahkad koosïg lo Bïraþe tube teen kam døning Ejipt't kïtïga ye.
Go ðob ða nah Pakï
42Ndøt'n Bïraþe ndï døgt kïta tee kï Israelag kam døning Ejipt't kïtïga. Ndø'n non a i lo Bïraþe kad Israelag ngomïn go kï ngakat kï ngaka.
Mberkïnda kïta ða nah Pakï
43Bïraþe el Moij kï Aarõ an: 'Nten la i mberkïnda kïta Pakï ye: Mbah mad kïða kaa sa al. 44Þer kïðen kï ndugona kï nar, a i jaa gaj, kamla a sa ye. 45Dedøþe ke ngeðakïlanar a sa al. 46A i san kam kujt kïkïða tã, a unïn nya mad kam dãt'n non teen ne kam kujt kïtïga al, a i tetïn kïngaa kïða al tø 47Israelag ngékawnatube a ngomïn go Pakï. 48Lon mbah mad ndï sei, na ndig ngomgo Pakï lo Bïraþe a ne, ad jan gaj dekïdïngãg kï þe loa tube, kamla kad kï ndøt na kï ngomgo ye. A i tit kï de kï kooj þe be, na de kïkanj jagaj kïða kaa sa al. 49Mberkïnda i kïða kïta de kï kooj þe, ke kïta mbah kï nda þe dansït.
50Israelag tube ðan tit'n Bïraþe ndan mbera Moij kï Aarõ. Titbe la ðan ne ye. 51Ndøt'n non bang la Bïraþe tee kï Israelag kam døning Ejipt't kïtïga kïgo þut koosïgt lod ye.
Currently Selected:
Teekïtïga 12: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
