Hebreos 5
5
1Qá'a ñi' 'oonolec jen'me lasoxola'pi jen' netaxaỹáxanaxanecpi qoỹachiỹoxotáaue jen'me siỹaxadipi, qana'chi qoỹidéuo, da' qaidi letaxaỹáxanaxanec qoỹin na' siỹaxadipi da' detaxaỹapégue' ñi'me Dios, qataxa da' ỹaneuo jan' nachítaqtaxanaqte qataxa da' qoỹigóoue jen' nachítaqtaxanaxatpi, da' qaidi qoỹapalaxat jen' janoicpi. 2Qá'a jen'me nasoxola'pi nataq'en ni'quichinỹiilo naua' loláuaxaco jen' siỹaxadipi, chan'eesa jen'me ỹañoxot da' nouenguet jen'me qaỹa ga' ỹaỹátenaac, qataxa ỹisómtac. 3Qataxa ỹasouaxat dójo' mai'chi loláuaxa, qana'chi jen'me nasoxola'pi ỹiuen da' mai'chi ỹaneuo jaga' lachítaqtaxanaqte da' ỹigóoue ỹasouaxat naua' mai'chi loico, qataxa na'chi 'ena'ama naua' loico jen' siỹaxadipi.
4Qaỹa ga' mai'chi nachiỹoxola't da' 'enapeela't da' lasoxola' jen' netaxaỹáxanaxanecpi. Qá'a ñi' Dios jiñi'me naqaiñi ỹiỹáxana ga' siỹaxaua da' ỹanaỹi dójo' n'amaqchic, 'ená'am da' 'éet'ec joca'li ỹiỹáxana so' Aarón. 5Qataxa naqaida da' 'éet'ec nataq'en so' Cristo, jeso'me sa ỹañoxot da' 'uootaxa mai'chi nachiỹoxola't da' na'chiso lasoxola' jen' netaxaỹáxanaxanecpi. Qá'a na'chiñi ñi' Dios 'me ỹanem dójo' l'amaqchic jeso'me. Qá'a 'enapega'to' naua' l'aqtaqa, 'eet'oi:
'Am 'me na'chi'am ỹalec;
'am sec'oic jénjo' nolo'.
6Nataq'en 'enapega'to' naua' laqáỹa' nedétrañi l'aqtaqa ñi' Dios, 'eet'oi:
'Am na'chi 'eeta't qomle da' 'am letaxaỹáxanaxanec jen' siỹaxadipi da' jaỹim qodetaxaỹapégue',
na'chi 'auená'am da' lasoxoc so' Melquisedec.
7So' Cristo joca'li huét'a jen' 'aléua, qaláxasa jeso'me ỹátaqta neten da' netaméetac qataxa deỹáxatac, noỹiito'ot ñi'me Dios 'me 'uo da' l'añaxac qaidi nec'alaxatee'guesop jeso'me da' neleuaxa. Qaláxasa jiñi'me Dios demachíỹa jeso'me, ỹasouaxat jeso'me da' ỹátaqta nañanot jiñi'me. 8Qana'chi so' Cristo, jeso'me temaqaidi da' nec'óxot, qaláxasa jeso'me napaxaguena da' láxadaic, chiỹoqóchiỹi da' ne'queténaxac. 9Qana'chi ỹasouaxat jeso'me da' ỹátaqta qonaloqchíichiiñi da' lasoxoc, chan'eesa ỹañoxot da' naqaiso so' chiỹoqóchiỹi jeda'me qaỹa 'te loiquiaqa' nec'alaxa 'me taỹot ỹima jen'me ỹalaxaguet jeso'me. 10Qana'chi ñi' Dios ỹanaỹi jeso'me da' naqaiso so' lasoxola' jen'me netaxaỹáxanaxanecpi da' qodetaxaỹapégue' jiñi'me. Na'chi 'ená'am da' lasoxoc so' Melquisedec.
Da' lichic ga' ỹaxanéegue da' lip'iỹáxac
11Qo'mi ỹátaqta jalcote da' qad'aqtaxanaxac da' s'axátaq dójo', qaláxasa 'uo da' laqalaic da' qoỹ'axategue ga' ladic jeda'me, qá'a 'ami sa 'auañoxochii da' 'auaỹáchiñii. 12Qá'a naỹi da' sóxote qaỹad'ailo saua' 'uóidi, qana'chi 'ami 'auañoxochii toqo' da' sóxote 'auapaxaguenataxañíitac. Qalqaiga naỹi 'ami maliaqaida da' 'avíñiitaaque da' 'ami qoỹapaxaguenque ga' ladic naua' ỹisótete' lapaxaguenataxanaxaco ñi' Dios. Qá'a 'ami 'av'iỹílaqaỹa da' qaỹa 'te 'ad'añaxaquii, chan'eesa ỹiuen da' 'ami qoỹiqui'ỹáxanque jaga' nóchi', sa naqaiga ga' nalic 'me d'añi. 13Jen'me ỹalíctac jan' nóchi', jen'me 'ená'am jen' ñoqolqapiolec 'me maliaxa huanoquétac, qá'a jen'me sa ỹañoxot da' ỹivíta da' ỹaỹáten ga' ladíquiaxac ga' 'ónaxaic nasoxoc. 14Qaláxasa jen'me nalic 'me d'añi, jen'me taiỹet jega'me siỹaxaua sóxote ỹ'axaic, 'me sóxote ma'le daatetonaxan, qataxa naỹá'ac da' ỹaateton jega'me n'óota qataxa ga' sa nó'in.
Currently Selected:
Hebreos 5: PLGNT93
Highlight
Share
Copy
Want to have your highlights saved across all your devices? Sign up or sign in
Nuevo Testamento Pilagá © Sociedades Bíblicas Unidas, 1993.
