Apukokinio 3

1 # Apu 5:6; 1:16. “Ido kiwadikak emalaika loka ekanisa lokotoma Sarudio ebe: Inera kwanata ŋol loejaas Imoyon ikanykaarei luka Edeke, ka aacer akanykaarei ebe:

“Ajeni akoniswamisio; ebe ejai jo ekiror ebe ijari, konye irai lokatwan. 2#Esk 34:4. Kokweny, kitogogoŋ da nuesalito nuekotosi atwakare, Naarai mam abu kadum akoniswamisio nuedolito kakonyen nuka Edekeka. 3#Mat 24:43-44; Luk 12:39-40; Apu 16:15; 1 Ses 5:2. Aso kiitu kwape kijaunia, kwape kipupunio da; koric, kitoronikin da. Aso arai mam ikwenyi, abuni eoŋ kwape ekokolan, kwabo mam ijenuni esawa loabunio mamakon. 4#Yud 1:23. Konye ejaas jo ikiroria luikidioko koSarudio, ituŋa lumam emunaarito inapenekec; elosenenete kesi nepepe keoŋ enapito lukakwaŋak, naarai ibusakinito. 5#Any 32:32-33; Sab 69:28; Apu 4:4; 6:11; 7:9; 20:12; Pil 4:3; Mat 10:32; Luk 12:8. Ŋin yenipikori itanapio kwaŋin inapen lukakwaŋak, kwabo mam cut amwatari ekekiror koitabo loka aijar; eoŋ da alimori ekekiror kakonyen nuka Papaka, kakonyen da nuka imalaikanake. 6Ŋin yenejai akit, kopup nuelimokini Emoyo ikanisan.

7 # Isa 22:22; Yob 12:14. “Ido kiwadikak emalaika loka ekanisa lokotoma Piladelupia ebe: Inera kwanata Lokalaunan, lokabeit, loejaas kelacet loka Daudi, loeŋaari kwabo emamei yenegoli, loegoli da kwabo emamei yeneŋaari, ebe:

8 # 1 Kor 16:9. “Ajeni akoniswamisio. Koany, ebwaiki kakonyenekon ekek loeŋaara, lomam epedori ituŋanan kere agolokin. Ejai jo apedor naedit, iricit da akakirot, kwabo mam ibu koŋer ekakiror. 9#Isa 49:23; 60:14; 43:4; 45:14; 66:23. Koany, ainakini lukatukos naka Satan, luenyaras bonik Iyudayan, kwabo mam eraas, konye iŋalaete; koany, ainakini kes aponare, akukonokin kakejenekon, ejenunete da ebe kamina jo. 10#Apu 13:10; Bur 10:36; Luk 21:19; 2 Tim 2:12. Naarai iricit akakirot naka aŋirikinit, eoŋ da karici jo kotoma osawa loka aitemio, loebuni kakwapin kere, aitem ŋul luiboiete kakwap. 11#Apu 1:3; 2:5,10. Abuni eoŋ atipet; kikam yenijaatar, kinye ituŋanan kere ayaŋaar abokokon. 12#Apu 21:2; 14:1; 22:4; Esk 48:35; Gal 2:9; Isa 62:2; 65:15. Ŋin yenipikori, etarauni ŋes epir kotoma oyekalu loka Edekeka; kwabo mam cut elomari kiŋa; eoŋ da ewadikakini ŋes ekiror loka Edekeka, ekiror da loka ere loka Edekeka, ŋes Yerusalem lokitetet loijesuni abunore kotoma akuj; kama ka Edekeka, ekirorika da lokitetet. 13Ŋin yenejai akit, kopup nuelimokini Emoyo ikanisan,

14 # Awa 8:22; Sab 89:37; Yok 1:3; Kol 1:15. “Ido kiwadikak emalaika loka ekanisa lokotoma Laodikia ebe: Inera kwanata ŋol loerai Amen, ekajenan lomunot lokabeit da, ageunet naka aisub naka Edeke ebe:

15 # Apu 2:2; Rom 12:11. “Ajeni akoniswamisio, ebe mam ililim karaida mam imwana. Tiejok arai kolilim arai komwana! 16Aso naarai ijalam, kwabo mam imwana karaida mam ililim, kalekari jo kaitukuka. 17#Mar 12:8; 1 Kor 3:18; 4:8. Naarai ibala ebe, Arai ekabaran, ido abarit, kwabo mam epuda ibore. Kwabo mam ijeni ebe irai lokican, lokitimitoi, loilwaritoi, emuduk, loimujalal da. 18#1 Pet 1:7; Isa 55:1; Apu 16:15. Aso ketetemikini jo ebe, kogwel kamakaŋ esabu loililiaunitai kakim, tetere ibari, ka inapen da lukakwaŋak tetere inapi, kinyeis ileic luka amujalalakon atakanun, ka ekiya da lokinyonyoa akonyekon tetere ikwenyi. 19#Awa 3:12; Bur 12:6; 1 Kor 11:32. Etoroni eoŋ ŋul kere luamina, alecori da; aso kodunyak, kitoronikin da. 20#Mk 13:14; Yok 14:23; Luk 12:36; 22:29. Koany, abwoi kokek ekuŋukuŋi; arai epupi ituŋanan kere ekaporoto, koŋaa da ekek, alomari mamakeŋ, amori nepepe kaŋes, ŋes da keoŋ. 21#Mat 19:28. Ŋin yenipikori, ainakini ŋes aiboi nepepe keoŋ oicoloŋoka, kwape abu kepikoria keboikin nepepe ka Papaka oicoloŋoke. 22Ŋin yenejai akit, kopup nuelimokini Emoyo ikanisan.”

Currently Selected:

Apukokinio 3: AOV1961

Highlight

Copy