Popular Bible Verses from Apukokinio 3

Share

Koany, abwoi kokek ekuŋukuŋi; arai epupi ituŋanan kere ekaporoto, koŋaa da ekek, alomari mamakeŋ, amori nepepe kaŋes, ŋes da keoŋ.

“Ajeni akoniswamisio, ebe mam ililim karaida mam imwana. Tiejok arai kolilim arai komwana! Aso naarai ijalam, kwabo mam imwana karaida mam ililim, kalekari jo kaitukuka.

Etoroni eoŋ ŋul kere luamina, alecori da; aso kodunyak, kitoronikin da.

“Ajeni akoniswamisio. Koany, ebwaiki kakonyenekon ekek loeŋaara, lomam epedori ituŋanan kere agolokin. Ejai jo apedor naedit, iricit da akakirot, kwabo mam ibu koŋer ekakiror.

Ŋin yenipikori, ainakini ŋes aiboi nepepe keoŋ oicoloŋoka, kwape abu kepikoria keboikin nepepe ka Papaka oicoloŋoke.

Naarai ibala ebe, Arai ekabaran, ido abarit, kwabo mam epuda ibore. Kwabo mam ijeni ebe irai lokican, lokitimitoi, loilwaritoi, emuduk, loimujalal da.

Naarai iricit akakirot naka aŋirikinit, eoŋ da karici jo kotoma osawa loka aitemio, loebuni kakwapin kere, aitem ŋul luiboiete kakwap.

Abuni eoŋ atipet; kikam yenijaatar, kinye ituŋanan kere ayaŋaar abokokon.

Kokweny, kitogogoŋ da nuesalito nuekotosi atwakare, Naarai mam abu kadum akoniswamisio nuedolito kakonyen nuka Edekeka.