Isabulin 141
141
Esabuli loka Daudi.
1EJAKAIT, kewonet jo; kiwonyuni mama ajai,
Kitoik akonikit eporotoka nakewoneo jo
2 #
Pes 5:2; 1 Tim 2:8; Apu 5:8. Kojaun ailipika bala lukisupurununo kakonyenekon;
Arionor da naka akaninika bala asubanit naka atiboŋ,
3Wu EJAKAIT, kidar akaituk;
Kidar ekek loka aŋajepeka.
4 #
Mat 6:14; 20:15; Awa 23:6. Sirikigoŋak ekatau obore kere yenerono;
Ailolitoi kaswamisio nuka aronis
Kituŋa Iuiswamaete numam adolit;
Sirikanyam lukajijimakakec.
5Kenomata do ikadolitok, eraun asianut;
Ketoron ŋesi eoŋ, eraun bala akinyet naebukokinio akou; Sirikener akakou ŋes:
Konye iyatanakin akailip kotoma aronisikec da.
6Acakar ikecekatubok ariri naka atiiba;
Epupunete da akakiro; naarai ejijim kesi.
7 #
2 Kor 1:9. Kwape ekorio ituŋanan kotiakatiakai alup,
Awokokojo da isiarakinos aituk naka ates.
8 #
Sab 25:15. Naarai kaseseni jo, wu Edeke EJAKAIT:
Kamunokini jo; sirikinyek ekatau esilikinit.
9Kidarai koic lokalokitotor,
Ka atacin da nuka ikeswamak numam adolit.
10 #
Est 7:10; Sab 7:15. Kibirokinos do ikaronok oboyanakec,
Kakui bo do eoŋ.
Currently Selected:
Isabulin 141: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
