Isabulin 140
140
Loka Ekapolokiton lueruos. Esabuli loka Daudi.
1Wu EJAKAIT, koyuunai kama ejai ituŋanan yenikaronon; Kidarai kama ejai ituŋanan yenikadedeŋan:
2Luitetemonorete ameŋeranut kotauonokec;
Icebokinitos atukonokin nepepe ejie.
3 #
Rom 3:13. Epenata akeceŋajep bala emun;
Ejai aisorit naka emusaga kwap kaŋajepekec. Sela.
4Wu EJAKAIT, kidarai kakanin nuka ikaronok:
Kidarai da kama ejaas ituŋa lukadedeŋak:
Lualosikis aitapaar akakeje.
5 #
Sab 10:9; Yer 18:22; Luk 11:53-54. Ebwaata luituros eic lokalokitotor, ka aunoi;
Aterakis eboi ariri kerot;
Etemokis da atacin alokia eoŋ. Sela.
6 #
Sab 16:2. Abu katema EJAKAIT atiar,
ljo ŋes Ekadeke:
Wu EJAKAIT, kitoik akit eporoto loka aiŋaiŋaka,
7 #
Ikis 33:27-29; Sab 18:32. Wu Edeke EJAKAIT, agogoŋ naka aitajarioka,
Irapia akakou kapaaran naka ejie,
8 #
Yob 5:12,13. Wu EJAKAIT, sirikijaik yenikaronon nuipuda;
Sirikitodol ekebotet lokaronon;
Kinyeis aitopoloor bonik. Sela.
9 #
Sab 7:16. Konye akwes nuka ŋul kalukerimorito,
Korapia kes ameŋeranut nakaŋajepakec,
10 #
Sab 11:6. Kotepakis kes atotol nuesaranete:
Kocakakinai kes akim;
Toma apanya nuidulok, tetere mam bobo enyounete.
11Mam iticasio kakwap yeninera nueroko:
Emejai aronis aibiror ituŋanan yenikadedeŋan,
12 #
Sab 109:31. Ajeni ebe itodoli EJAKAIT akiro nuka luereitai,
Ka abeit da naka luilwaritos.
13Abeit imalaete ikadolitok ekonikiror:
Iboikinos luitenara akonyenekon.
Currently Selected:
Isabulin 140: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
