Marako 4
4
1 #
Mat 13:1-28; Luk 8:4-15. Kogeu bobo aisisianakin kariri kaŋolol. Kotukokin ekodet loapol noi mama ejai, kanuka ŋun kodoka ŋesi ataker kiboikin aŋolol; koiai ekodet kere neeonit kariri kaŋolol. #Luk 5:1-3. 2Kisisianak akiro nuipu kotoma awaragasia, kolimok kes kotoma aisisianakinike ebe, 3“Kiirasi! Koany, abu ekayean koloma aiye. 4Kosodi kanen napeyei, kodooto ikinyom ice ariri korot, kopotu akweny, konyama. 5Kodooto ice aŋaŋam, nekikidioko alup; atipet kobwaŋutu, naarai kesedeny alup. 6Nakecaunia akoloŋ konomo; ido naarai kemameete alias, korinyosi. 7Kodooto ice okukwa; kolibut ikukwa koridakis, mam apotu koraata araito. 8Kodooto ice alup nuejok, koraata araito, kopolooros, kiyatakinos; koraata akaisauni, ka akaisakanykape, kiton akwatat da.” 9Kotema atiar, “Yenejaas aki nuka akiirar, kiira.”
10Kosodi nakejaar bon, apotu ituŋa lukelukunito ŋes ka ikesisiak itomon kaluarei kiŋita ŋes akiro nuka awaragasia. 11#1 Kor 5:12. Kotema kes atiar, “Kiinakinitai yes ajenun aiyeiyea naka ajakanut naka Edeke; konye mama ejaas kwi luejaas kiŋa eraas kere awaragasia: 12#Isa 6:9,10; Yok 12:40; Asw 28:26. tetere aanyun eanyunete komam emisiikinete; akiirar da iirarete komam ejenunete; kinyeis aibelokin ka aisionio.” 13Kotema kes atiar, “Mam kereka yes ijenete awaragan na? Aso ijenunete biai awaragasia kere? 14Eyei ekayean akirot. 15Ŋul lukariri kerot kama keyeikinio akirot kes lu; kedaut akiirar, atipet ebuni Satan, elemari akirot nakeyeikinio otauonokec. 16Ikote nen da lukeyeikinio aŋaŋam, kedaut akiirar akirot, atipet ecamunete kaiyalama. 17Kwabo emameete alias kotomakec, konye etitiŋikinete nediokasilon; kosodete naeponikiniata aiticaneta ka areio kanuka akirot, atipet iguikinos. 18Ice kes lukeyeikinio okukwa; kes lukiirarete akirot, 19#Mk 10:23,24. kosodi aiyaloŋoŋ naka akwapin, ka aiŋal naka abar, ka eraŋa loka acekiro elomarete, eridakinete akirot, mam erai. 20Ka ŋul da lukeyeikinio alup nuejok kes lukiirarete akirot, kocamut, koraata araito, akaisauni, ka akaisakanykape kiton akwatat da.”
21 #
Luk 8:16-18. Kotema kes atiar, “Eyaŋaunio kereka atala aibwaikin obukit, arai bo kwap keitada? Mam kereka ibwaikinio kuju ocoget? #Mat 5:15; Luk 11:33. 22#Mat 10:26; Luk 12:2. Naarai emamei akirot naibwaitai, dimarai kito aitakanunio; kwabo emamei akirot naimunonitai, dimarai kito aikujunio. 23Arai ejaas ituŋanan aki nuka akiirar, kiira.” 24#Mat 7:2; Luk 6:38. Kotema kes atiar, “Kocoito nuipupete. Aitemis naitemioto yesi, ŋipeŋin kitemere yes, kiyatakinio da. 25#Mat 13:12; 25:29; Luk 19:26. Naarai yenejai ibore einakinio ice; konye yenemamei ibore, edemunio ŋin da yenejaas kaŋes.”
26Kotema atiar, “Ikoni ne ajakanut naka Edeke bala etuŋanan lokeyei ikinyom alup; 27#Yak 5:7. kojotoor, ka anyoun, kuare ka paaran; kobwaŋutu ikinyom kopolooros, komam ŋes ejeŋi kwape kikonakinere. 28Eraete alup kanukec, egeuni akiot, kosodi aluŋuret, kosodi konyet akima nuekokito. 29#Yoe 3:13. Konye kekoko araito, atipet ijukari ecilikiki, naarai adol aidweny.”
30 #
Mat 13:31,32,34; Luk 13:18,19. Kotema atiar, “Kitupusi kinyo ajakanut naka Edeke, arai ketetemo kawaragan anyoin? 31Eputos ka ecokat loka ekaradali, loeyeikinio toma alup, karaida kedit aitelekarit ikinyom kere luka akwapin; 32#Dan 4:12,21; Esk 17:23; 31:6. konye nakeyeikin, epoloor, eraun lokapolon aitelekarit idiasio kere, kijany atenieik nuepolok, tape edukete akweny nuka apak akaisikec otolimike.”
33Kolimok kes akirot kawaragasia nuipu nuekote nen, kwape kepedoriata akiirar. 34Kwabo mam abu kolimok kes emamei awaragan: konye kitebeik ikekesisiak akiro kere kaiyeiyea.
35 #
Mat 8:18,23-27; Luk 8:22-25. Kapaaran kaŋin, nakitiboŋ, kotema kes atiar, “Kekwaŋaros okekwa juwai.” 36Kinyeis ekodet, koyaŋaasi ŋes nepepe kakes kwape kejaar, kotoma ataker. Koupasi atakerin ace da. 37Kokut ekwam loededeŋ, Koretonokinos akailan ataker, aitodol neapiatar akipi ailelebun ataker, 38Konye kejai ŋesi elopet okori kataker, ejotoi kaicolonit. Kitwekenyut ŋes kotemasi atiar, “Ekesisianakinan, mam jo ipodo kimudiari oni?” 39Kokweny ŋesi, kiretak ekwam, kolimok aŋolol ebe, “Kililiŋ! Kinapakin!” Kopala ekwam, kojaun aiyamakin naepol. 40Kotema kes atiar, “Kanukinyo ikuriakarotor? Eroko ca ma yes iyuuna?” 41Kolomak kes aiyoŋ naepol, kotemanaros atiar, “Iŋai bo lo, naarai ekwam ka aŋolol da erimasi ŋes?”
Currently Selected:
Marako 4: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
