Marako 3

1 # Mat 12:9-14; Luk 6:6-11. Koloma bobo atukos; kejai nen etuŋanan lokewonit akan. 2Kiteikinitoi ŋes, aanyun arai itaŋaleuni kapaaran nakasabato, tetere iwosaete ŋes. 3Kotema ŋesi etuŋanan lokejai akan nakewonit atiar, “Kobwo kokidiŋ.” 4Kiŋit kes ebe, “Ibus kereka aswam nuejok kapaaran nakasabato, arai bo aswam nueroko, aitajar aijar, arai bo aiar?” Konye kililiŋata, 5#Yok 11:33. Kosesen kes kanyunyura, kokadak kanuka aninik naka ikecetauon, kolimok etuŋanan ebe, “Korio akonikan.” Korio ŋesi akekan, koŋaleu, 6#Mat 22:16. Kolomasi Iparisayon, kinerutu atipet kaluKerodian asurokin ŋes, ka epone loemudiariata ŋes.

7 # Mat 12:15,16; Luk 6:17-19. Kosodi kogitar Yesu nepepe kikekesisiak, kolot aŋolol, kotupa ekodet loapol lokebuni koGalilaya; koYudaya da, 8#Mat 4:25. ko Yerusalem ka Idumea, ka okekwa Yorodan, ka ariino da nuka Turo ka Sidon, ekodet loapol, lokiirarit akiro kere nukiswamat, kobu mamakeŋ. 9#Mk 4:1; Luk 5:1-3. Kolimok ikekesisiak aitemokinit ataker aidaret ŋes, kanuka ekodet, kinyeis aridakin ŋes; 10naarai kitaŋaleunit luipu, tape da kere Iukiticanete adekesia ebelaros atiror ŋes, 11#Luk 4:41. Nakeanyuniata ŋes imoyon lueroko, kibiroros kakonyeneke, kiworoto kobalas ebe, “Irai ijo Okoku loka Edeke.” 12#Mk 1:34. Kicorenenei kes jokan kinyeis aitejenun ŋes.

13 # Mat 10:1-4; Luk 6:12-16. Kodoka oroŋat, konyarau lukipuda elopet; kopotu mamakeŋ. 14Koseu itomon kaluarei ajaenena kaŋes, ido aiyakienen alimonokin; 15koiaas da kapedor aireŋear ajokin. 16#Yok 1:42. Koseu lutomon kaluarei lu: Simon, komaik ekekiror Petero; 17#Luk 9:54. ka Yakob okoku loka Sebedayo, ka Yokana onaceke (komaik kes ekiror Boanerege, apolouke ebe, Idwe luka airetun); 18ka Anderea, ka Pilipo, ka Batolomayo, ka Matayo, ka Tomas, ka Yakob okoku loka Alupayo, ka Tadayo, ka Simon Ekanaanit 19ka Yuda Isikariot, ŋes lokebilakini ebotet.

Koboŋo ore. 20Kotukokin bobo ekodet, komam epedorete ainyam idisinyamat. 21#Yok 7:20; 8:48,52; 10:20. Nakiirariata lukeŋ, kolomasi aikamun ŋes, naarai kobalas ebe, “Amunaar.” 22#Mat 12:24-32; Luk 11:15-22; 12:10. Kobalas ikewadikak lukijesunos koYerusalem ebe, “Ejai Beelesebul, ido ireŋeari ajokin kanuka ekapolon loka ajokin.” #Mat 9:34; 10:25. 23Konyarau kes kolimok kawaragasia ebe, “Epedori biai Satan aireŋear Satan? 24Ajakanut arai etiakatiakaun bon, mam epedori ajakanut ŋin aicasit. 25Arai da etogo etiakatiakaun bon, mam epedori etogo ŋol aicasit. 26Aso arai enyoikino Satan bon, etiakatiakaun da, mam epedori aicasit; konye enaŋete nuke nen, 27Konye emamei loepedori alomar togo loka ekagogoŋon, ka aiŋat ikeboro, arai mam ber eenit ekagogoŋon ŋol; ŋes konyet eŋasia eketogo,

28“Abeit katemari yes atiar, Isionio adiakanareta kere nuka ituŋa, ka ainyanakineta da kere nueinyanakinete; 29#Luk 12:10. konye yeneinyanakini Emoyo Lokalaunan mam isionio cut; konye egwaunete akiro nukadiakar naka ikar kere.” 30#Mk 3:22. Naarai apotu kobalas ebe, “Ejai emoyo loerono.”

31 # Mat 12:46-50; Luk 8:19-21. Kopotu do totoke ka ikeinacan; kobwaata kokiŋa, kiyakikis akirot anyaraunia ŋes, 32Kiboie ekodet elukunit ŋes; kobalas ŋes ebe, “Koany, totokon ka ikoniinacan ejaas kiŋa, kimootos jo.” 33Koboŋok kes kotema atiar, “Iŋai bo totoka ka ikainacan?” 34Kirere ŋul lueboiete elukunito ŋes, kotema atiar, “Koany, totoka, ka ikainacan! 35Naarai ituŋanan kere yeniswamai nuekoto Edeke, ŋin ŋes onaceka, ka inacika, ka totoka da.”

Currently Selected:

Marako 3: AOV1961

Highlight

Copy