Matayo 6

1 # Mat 23:5. “Kocoito kinyeis aswam nukadolitekus kakonyen nuka ituŋa, tetere eanyunete kesi: naarai arai kiswamata nuikote nen, mam idumunete eropit kama ejai Papakus loejai toma akuj.

2“Aso naikoria ainakineta nukaitim, sirikituru arupepe kakonyenekon, kwape iswamaata lukesoswai kotoma atukosia, korotin da, tetere itopoloorete ituŋa. Abeit katemari yes atiar, Adaut adumun eropitikec, 3#Mat 25:37-40; Rom 12:8. Konye jo naikoria ainakineta nukaitim, kinyek akonikan nakokediany ajenun nuiswamai nakoteten; 4korau akoniikor nakaiyeiyea; Papakon da loeseseni kaiyeiyea kiropi jo.

5 # Luk 18:10-14; Mat 23:5,6. “Nailipiata da, siriraas kwapelukesoswai; naarai eminasi ailip kobwoete katukosia ka asisiarin da nuka irotin, tetere etakanete kotuŋa. Abeit katemari yes atiar, Adaut adumun eropitikec. 6#2 Ika 4:33. Konye jo nailipenenaa, kolomanari toma agolakon, kidau agolokin ekonikek, kilip Papakon lokaiyeiyea, Papakon da loeseseni kaiyeiyea kiropi jo.

7 # Isa 1:15. “Ido nailipiata sirinyogonyogoete akiro atai, kwape ka Imo; naarai eomitos ebe iirario kanuka akirokec nuipu, 8#Mat 6:32. Aso sirikiputokinos kaŋul: naarai ejeŋi Papakus nuipudasi yesi, eriŋa kilipa.

9 # Luk 11:2-4; Yok 17:6. Aso kilipenenete yesi kwanata:

Papakosi loejai toma akuj, Ekonikiror kitalaunai.

10 # Mat 7:21; Luk 22:42. Akonijakanut kobu.

Nuikoto kiswamai kakwapin Kwape iswamaere kotoma akuj.

11Koinakinai sio lolo ikosinyamat luka lolo.

12 # Mat 14:15; 18:21-35. Kisionioi sio akosipesenin,

Kwape kisionio isio lukapeseninikosi.

13 # 1 Siit 29:11-13; Yok 17:11,15. Sirikiya sio toma acodunio,

Konye koyuunai kama ejai lokaronon.

[Naarai ajakanut, ka apedor, ka apolou, eraas nukon, ikar kere, Amen.]

14 # Mk 11:25-26. Naarai arai isioniete yesi luce akeceibucanareta, Papakus da lokotoma akuj kisionie yes. 15Konye arai mam yes isioniete luce akeceibucanareta, Papakus da mam kisionie yes akusiibucanareta.

16 # Isa 58:5-9. “Bobo da nailuŋiata, siriraas kwape lukesoswai luinyorididos ireeta; naarai emunaunete ireetakec, tetere etakanete kotuŋa ebe eluŋete. Abeit katemari yes atiar, Adaut adumun eropitikec. 17Konye jo, nailuŋia, kinyonyoenenei akinyet akoukon, kilosi da akonikonyen, 18tetere mam itakanuni kotuŋa ebe iluŋi, dimarai Papakon lokaiyeiyea: Papakon da loeseseni kaiyeiyea, kiropi jo.

19 # Yak 5:2-3. “Siriŋadanakinete kanukus abar akwapin, neemunaariata ikajekel ka amasikin da, ido neebokiata ikokolak ka akokwaar. 20#Mat 19:21; Luk 12:33,34; Kol 3:1,2. Konye kiŋadanakinete kanukus abar akuj, nemam emunaariata ikajekel ka amasikin, ido nemam ebokiata ikokolak ka akokwaar da. 21Naarai nepejai akonibar, nepenen ejaikin ekonitau da.

22 # Luk 11:34-36. “Atala naka akuan ŋes akoŋu: aso arai eteni akonikoŋu, akonikuan kere ecauni. 23#Mat 20:15. Konye arai erono akonikoŋu, akonikuan kere emutono. Aso arai emutono aica naejai kotomakon, epol ca ma amuton ŋin! 24#Luk 16:9,13. Emamei ituŋanan yenepedori aijaanakin ijaka iarei; naarai arai elai ediopet, komina loce; arai bo iketakin kediopet, emeni loce. Mam ipedorete aijaanakin Edeke ka aijaanakin abar da.

25 # Luk 12:22-31. “Aso do katemari yes atiar, Siriyaloŋoŋoete kanuka akusiijar, Iuinyamete ka luimasete; karaida kanuka akusiwat, luinapete. Mam kereka aijar itelekarit inyamen, ka akuan da anapito? #Pil 4:6; 1 Pet 5:7; 1 Tim 6:6; Bur 13:5. 26#Mat 10:29-31. Kosesenata akweny nuka apak, mam eyeete, karaida aidweny, karaida atukonokin Emono; konye itanyami kes Papakus lokotoma akuj. Mam kereka yes itelekaritos ŋun ketiai? 27Iŋai bo kayesi kiyaloŋoŋ epedori aiyatakin akeibut? 28Kanukinyo iyaloŋoŋooto kanuka anapito? Koomito aapecelun nuka ais, kwape epolooto; mam itaaritos, ido mam eojiete: 29#1 Ika 10:4-7; 2 Siit 9:3-6. konye katemari yes atiar, Ka Solomon da kotoma aibusesuke kere mam esiritoi kojokan kwape adiopet kaŋun. 30Aso arai itanapi Edeke kwaŋin inya luka ais, luejaas lolo, ecakario moi oupa, mam kereka itelekari aitanap yes, okwe yes luedit aiyuun? 31Aso sirikiyaloŋoŋoto kobalas ebe, ‘Kinyami inyo?’ Arai ‘Kimasi inyo?’ Arai, ‘Kinapi inyo?’ 32#Mat 6:8. Naarai emoete Imo ŋun kere; kwabo ejeni Papakus lokotoma akuj ebe ipudas ŋun kere. 33#Rom 14:17; 1 Ika 3:13,14; Sab 37:4,25. Konye komoata ber yesi akejakanut, ka akedolit da; ido kiyatakinio ŋun kere.

34 # Any 16:19. “Aso sirikiyaloŋoŋoto nuka moi: naarai iyaloŋoŋi moi kanukeŋ. Edaunit apaaran aronisike.

Currently Selected:

Matayo 6: AOV1961

Highlight

Copy