Matayo 5

1 # Luk 6:20-49. Kosodi nakeanyunia ikodeta, kodoka oroŋat: kiboikin, kopotu ikekesisiak mamakeŋ. 2Kooŋ akeituk, kisisianak kes, kobala ebe:

3 # Isa 57:15. “Isirereŋitoi lukican komoyo; naarai ajakanut naka akuj erai nakec.

4 # Isa 61:2; Sab 126:5; Apu 7:17. “Isirereŋitoi luitururuete: naarai italakario.

5 # Sab 37:11. “Isirereŋitoi luitasonos: naarai irumete akwapin.

6 # Isa 55:1-2. “Isirereŋitoi lueriebi eteŋei ka luejakit akur kanuka adolit: naarai isimonikinio.

7 # Yak 2:13. “Isirereŋitoi luketimok: naarai itimio.

8 # Sab 24:3-4; 51:10; 73:1; 1 Yok 3:2,3. “Isirereŋitoi luesegara itauon: naarai eanyunete Edeke.

9 # Bur 12:4. “Isirereŋitoi ikesinapikinak: naarai enyarao idwe luka Edeke,

10 # 1 Pet 3:14. “Isirereŋitoi luimanitai kanuka adolit: naarai ajakanut naka akuj erai nakec.

11 # 1 Pet 4:14. “Isirereŋitoi yes nakimuaritotor, nakimanitotor, ka einer nukaronok nuipu nuka aiŋal asurokin yes, kanukaŋ. 12#2 Siit 36:16; Asw 7:52; Yak 5:10; Bur 11:33-38. Kiyalamikinos, kolakaros noi: naarai epol ekusiropit kotoma akuj: naarai kimana kolo kwaŋin inabin lukigeikinete yes.

13 # Mk 9:50; Luk 14:34,35. “Iraas yesi abalaŋ naka akwap; konye arai kepianiar abalaŋ, itemokinio kinyo? Mam bobo ejai ajokis, dimarai ebukorio kiŋa kicakacakata ituŋa.

14 # Yok 8:12; 9:5. “Iraas yesi aica naka akwap. Mam epedori ere aibwaio arai ejai kuju moru. 15#Mk 4:21; Luk 8:16; 11:33. Ido mam ituŋa inokokinete atala, ka abuburikin ebukit, dimarai ikajakinete ocoget, ecaikini kere luejaas togo. 16#1 Pet 2:12; Pes 5:8,9. Kwaŋin kocau akusiica kakonyen nuka ituŋa, tetere eanyunete akusiswamisio nuejokuka, kitopoloosi Papakus loejai toma akuj,

17 # Mat 3:15; Rom 3:31; 10:4. “Siriwomito ebe abunit amudiar ikisila karaida inabin: mam abunit amudiar, dimarai aitodolikin. 18#Luk 16:17; 21:33. Naarai abeit katemari yes atiar, Aitodol naedaunotor akuj ka akwap, mam cut edaun inyukuta idiopet, karaida aitakinet adiopet naka ikisila, aitodol neitodolikinere kere. 19#Yak 2:10; 1 Kor 15:9. Aso ituŋanan kere yenepaluni aicorakinet adiopet kotoma kaŋun kanueraas nudidik, ka aisisianakin ituŋa kwaŋin, enyarao yenididi cut kotoma ajakanut naka akuj: konye ŋin kere yeniswamai ka aisisianakin kes, enyarao ŋin ikapolon kotoma ajakanut naka akuj. 20Naarai katemari yes atiar, arai mam akusidolit itelekarit adolit naka ikewadikak ka Iparisayon, mam cut ilomunete toma ajakanut naka akuj.

21 # Any 20:13; 21:12; Leb 24:17; Ikis 5:17; 17:8. “Ipotu kiirasi kelimokinitai ituŋa lukolo sek ebe, Siriari; ido ituŋanan yeneari ibusakinit atubokinio, 22#1 Yok 3:15. Konye eoŋ katemari yes atiar, Ŋinituŋanan yenenyunyurikini onaceke ibusakinit atubokinio; ka ŋin da yenemoromoroi onaceke ibusakinit airabis; ŋin da yenetemari atiar, Ibaŋaanal Ibusakinit eupa loidopit. 23#Mk 11:25. Aso arai iyauni ainakinetekon otem, kosodi kiitu kanen ebe ejaas onacekon akiro kajo, 24kinyek ainakinetekon kotem, kolot ber; kopuco konacekon, kosodi konyet aboŋun ainakin ainakinetekon. 25#Mat 6:14,15; 18:35; Luk 12:58,59. Kocamanaros atipet kalokiwosat jo, apak naijaatatar kaŋes orot; kinyek je lokiwosat ayaŋaar jo mama ejai ekatubon, ekatubon da ayaŋaar jo mama ejai eserikalet, ijo da kiremokinio aidaris. 26Abeit katemari jo atiar, Mam cut inyouni kanen, aitodol neitacia ikapu yenikawasia.

27 # Any 20:14; Ikis 5:18. “Ipotu kiirasi kelimokinitai ebe, Siridote. 28#Yob 31:1; 2 Pet 2:14. Konye eoŋ katemari yes atiar, Ŋolituŋanan loeseseni aberu kaiŋobel, etielo ŋes kotauke. 29#Mat 18:8,9; Mk 9:42,47; Kol 3:5. Arai kiduporit akonikoŋu nakoteten, kogoru, kocaka: naarai ibus koolio idiopet katutubetakon, kinye akonikuan kere acakario toma oupa. 30#Mat 18:8; Mk 9:43. Arai kiduporit akonikan nakoteten, kojepa, kocaka; naarai ibus koolio idiopet katutubetakon, kinye akonikuan kere alosit toma oupa.

31 # Ikis 24:1-4; Mat 19:7; Mk 10:4. “Kelimokinitai da ebe, ŋolituŋanan loireŋeari akeberu, koinak ŋin ebalua loka aitwar: 32#Mat 19:9; Mk 10:11-12; Luk 16:18; 1 Kor 7:10-11. konye eoŋ katemari yes atiar, ŋolituŋanan loireŋeari akeberu, dimarai kanuka adotear, esidotea ŋin: ŋol da loemanyi ya naereŋearitai, adotear.

33 # Leb 19:12; Mar 30:2; Ikis 23:21; Any 20:7. “Bobo da, ipotu kiirasi kelimokinitai ituŋa lukolo sek ebe, Siriyapoi nukaiŋal, konye kitodolik Ejakait akoniiyaposio. 34#Yak 5:12; Isa 66:1; Mat 23:16-22; Asw 7:49. Konye eoŋ katemari yes atiar, Siriyapoi cut; karaida alimit akuj, naarai erai eicoloŋ loka Edeke; 35#Isa 66:1; Sab 48:2. karaida alimit akwap, naarai erai iicoloŋ yenika akejeke; karaida alimit Yerusalem, naarai erai ere loka Ekabaka lokapolon. 36Kwabo siriyapoi alimit akonikou, naarai mam ipedori aituluor ekonitimat ediopet araun Ioekwaŋ arai loiriono. 37#2 Kor 1:17; Yak 5:12. Konye nuineras koraas Eebo, eebo, arai Mam, mam: naarai nuedeparito ŋun epote kama ejai lokaronon.

38 # Any 21:24; Leb 24:20; Ikis 19:21. “Ipotu kiirasi kelimokinitai ebe, Akoŋu itia akoŋu, ekelai da itia ekelai.

39 # Luk 6:27-36. “Konye eoŋ katemari yes atiar, Sirikinyaŋa yenikaronon: konye ŋinituŋanan yenikibapi eitinyokon lokoteten, kibelok lokokediany da. #Yok 18:22,23; Leb 19:18. 40#1 Kor 6:7. Ka ituŋanan yenekot awoosan jo, ayaŋaar ekasokon, kinyeinia ŋes ekooti da. 41Ŋin da yenikitiŋaikini alosit amairo adiopet, kolot ka ŋes amairon aarei. 42Yenikilipi, koinak, ka yenekot ayuunio kamakon sirikiboŋok epur.

43 # Leb 19:18. “Ipotu kiirasi kelimokinitai ebe, Komina eidunyetekon, kola lokasurupikon. 44#Any 23:4,5; Rom 12:14,20; Luk 23:34; Asw 7:59. Konye eoŋ katemari yes atiar, Kominasi lukasurupokus, kilipanakinete da lukimanito; 45#Pes 5:1. tetere iraunete idwe luka Papakus loejai toma akuj; naarai itacaikini ŋesi akekoloŋ lukaronok ka lukajokak da, isitepikini akiru luedolito ka lumam edolito da. 46Naarai arai iminasi lukiminas yes, idumunete eropit enyoin? Mam kereka iketelemak esolo iswamaete nuikote nen? 47Arai da iyogaete iinacanakus bon, iswamaete nunyoika adepar ice? Mam kereka Imo iswamaete nuikote nen? 48#Leb 19:2; Ikis 18:13. Aso iraunete yesi luidolito, kwape edolitor Papakus lokotoma akuj.

Currently Selected:

Matayo 5: AOV1961

Highlight

Copy