Matayo 13

1 # Mk 4:1-20; Luk 8:4-15. Kapaaran kaŋin kolomu Yesu kotogo kiboikin ariri kaŋolol. 2#Luk 5:1-3. Kotukokinos ikodeta luipu mama ejai, kodoka ataker kiboikin; kobwoi ekodet kere koitolima. 3Kolimonok akiro nuipu kawaragasia, kotema atiar, “Koany, abu ekayean koloma aiye. 4Napeyei, kodooto ikinyom ice ariri kerot, kopotu akweny, konyamata. 5Kodooto ice aŋaŋam, nemam kipu alup, atipet kobwaŋutu, kanumam idulotor alup, 6konye kecau akoloŋ konomosi, kanuamameatar alias korinyosi. 7Kodooto ice okukwa, kolibut ikukwa koridakis. 8Kodooto ice alupo nuejok koraata, ice akwatat, ice akaisakanykape, ice da akaisauni. 9Yenejaas aki, kiira.”

10Kosodi kopotu ikekesisiak mama ejai, kotemasi atiar, “Kanukinyo kineratar kakes kawaragasia?” 11Koboŋok kotema kes atiar, “Kiinakinitai yes ajenun nukaiyeiyea nuka ajakanut nakotoma akuj, konye kes mam einakinitai. 12#Mat 25:29; Mk 4:25; Luk 8:18; 19:26. Naarai yenejai ibore, einakinio luiyatakina luipu; konye yenemamei ibore, ŋin da yenejaas kaŋes edemario. 13#Ikis 29:4. Kanuka ŋun kinera kakes kawaragasia, naarai naeseseniata mam esesenete, naeirariata da mam iirarete, karaida ajenun. 14#Isa 6:9-10; Yok 12:40; Asw 28:26,27. Ido itodolikinio akirot naka enabi Isaia kamakec naebala ebe, ‘Akiirar iirarete, konye mam ijenunete cut, ido asesen isesenete, konye mam ianyunete cut.

15Naarai esiepaikis itauon luka ituŋa kalu, Kimiŋarito akiikec,

Itumudakito akecekonye,

Tetere mam eanyunete kakecekonye, Ka akiirar kakeceki,

Ka ajenun da kikecetauon, Kibelokinos ketaŋaleu.’

16 # Luk 10:23-24. Konye isirereŋitoi akusikonye, naarai esesenete, ka akusiki da, naarai iirarete. 17Abeit katemari yes atiar, Apotu kimielas inabin luipu ka ikadolitok aanyun nuisesenete yesi, mam eanyuna, ka akiirar da nuiirarete yesi, mam iirara.

18“Aso kopupokisi awaragan naka ekayean. 19Naiiraria ituŋanan akirot naka ajakanut, komam ejenuni ŋes, ebuni lokaronon kourupo nukeyeitai otauke; ŋul kes lukeyeio ariri kerot. 20Ŋul da lukeyeio aŋaŋam, ŋul kes luiirarete akirot, atipet kiyuutu kaiyalama; 21konye emameete alias kotomakec, kicata nediokasilon, kedolokis ican arai areio kanuka akirot, atipet itiguikinos. 22#Mat 6:19-34; 1 Tim 6:9. Ŋul da lukeyeio okukwa, ŋul kes luiirarete akirot, konye aiyaloiŋon naka ikar kalu, ka aiŋal naka abar koridakis akirot, mam eraa. 23Ŋul da lukeyeio alup nuejok, ŋul kes luiirarete akirot ka ajenun; eraete ŋul, ice akwatat, ice akaisakanykape, ka ice da akaisauni.”

24 # Mat 13:36-43. Koinu kes acewaragan, kobala ebe, “Ajakanut naka akuj; eputos ketuŋanan lokeyei ikinyom luejok amanake: 25konye kejotooros ituŋa, kobu lokasurupike koyeik igitun toma akima, kolot. 26Konye kebwaŋut akima, ka aisur, kotakanut igitun da. 27Kopotu ibulesin luka elopet etogo kolimokis ŋes ebe, ‘Ejakait, mam tope kiyeit ikinyom luejok amanakon? Kepote bo kai igitun?’ 28Kotema kes atiar, ‘Lokasurup ŋes kiswamai ŋun.’ Kotemasi ibulesin ŋes atiar, ‘Aso ikoto kaloto karutosi kes?’ 29Konye kotema atiar, ‘Mam; elemuni nairusioto igitun, kimoriununut kakima da.’ 30#Mat 3:12. Kinyeisi kere kopolooros kiton aidweny; ido kapak naka aidweny alimokini ikadwenyak ebe, ‘Koruto ber igitun, koenata ikes kicweata; konye akima kotukonokis odulaaka.’ ”

31 # Mk 4:30-32; Luk 13:18,19. Koinu kes acewaragan, kobala ebe, “Eputos ajakanut naka akuj; bala ecokat loka ekaradali, lokelemari etuŋanan kiraik toma amanake. 32#Dan 4:12,21; Esk 17:23; 31:6; Sab 104:12. Kedit ŋesi aitelekarit ikinyom kere, konye kepoloor, kiteleka ikui kere koraun do ekitoi, kopotu akweny nuka apak koperenenete atenieikike.”

33 # Luk 13:20,21. Kolimok kes awaragan ace ebe, “Eputos ajakanut naka akuj bala aitubuunet nakelemari aberu kibwa kotoma aitemisio auni nuka akiria, kiton neabuunioto kere.”

34 # Mk 4:33,34. Kolimok Yesu ikodeta ŋun kere kawaragasia; kwabo arai emamei awaragan mam kelimokini akirot. 35#Sab 78:2. Tetere itodolikin akirot nakinerit enabi ebe,

“Etooŋari akaituk kawaragasia,

Alimori da nukibwaitai ameun kapetetait naka akwap.”

36 # Mat 13:24-30. Kosodi kotwar ikodeta, koloma togo. Kopotu ikekesisiak mama ejai, kotemasi atiar, “Kitejenunai sio awaragan naka igitun lukomana.” 37Koboŋok kotema kes atiar, “Lokeyei ikinyom luejok erai Okoku loka etuŋanan; 38#1 Kor 3:9. Amana da erai akwap, ikinyom luejok eraas idwe luka ajakanut; igitun eraas idwe luka lokaronon, 39lokasurup lokeyei kes erai Satan; aidweny erai awasia naka akwap, ikadwenyak da kes imalaikan. 40#Yok 15:6. Kwape etukonokinere igitun ka aicweikin kakim, ikonakinio nen kawasia naka akwap. 41#Sep 1:3; Mat 25:31-46; 7:23. Ijukuni Okoku loka etuŋanan ikemalaikan, etukonokinete kotoma ajakanutuke kere nuitiguikinete kere, ka luiswamaete nukepali, 42#Mat 8:12. ecakakinete oupa loka akim; ejaun kaŋina aimony ka airiamanakin ikel. 43#Dan 12:3. Kosodete ecaunete ikadolitok kwape kakoloŋ kotoma ajakanut naka Papakec, Yenejaas aki, kiira,

44 # Mat 19:29; Luk 14:33; Pil 3:7; Awa 2:4. “Eputos ajakanut naka aku; bala abar nakibwaitai kotoma amana, nakedumuni etuŋanan kimunona; kosodi kanuka akeiyalama kolot kogwela lukejaatatar kere kogwelu amana ŋin.

45“Bobo da, eputos ajakanut naka akuj; bala ekagwelanaran loemoi ilulun luejok; 46#Awa 8:10,11. nakedumunia elulu ediopet loka etiai loepol, kolot kogwela Iukejaatatar kere, kogwelu.

47 # Mat 22:9,10. “Bobo da, eputos ajakanut naka akuj; bala eboi lokecakakinio aŋolol, kotukonok lukecor luka iponesio kere. 48Kosodi kilelebun, kiriut ituŋa oitolima, kiboikinos, kotukonokis luejok oboro, konye lueroko kocakasi. 49#Mat 25:32. Ikoni nen awasia naka akwap. Epote imalaikan, etiakarete lukaronok kama ka lukadolitok, 50ecakakinete kes oupa loka akim; ejaun kaŋina aimony ka airiamanakin ikel.”

51Kiŋit Yesu kes ebe, “Ijenutu kereka yesi ŋun kere?” Kotemasi atiar, “Eebo.” 52Kotema kes atiar, “Kanuka ŋun ŋinikewadikan yenituutooritai kajakanut naka akuj; eputos bala etuŋanan elopet etogo loelemuni kotoma abarake iboro lukitetiak ka lumojoŋ da.”

53 # Mk 6:1-6; Luk 4:15-30. Kosodi kedau Yesu awaragasia ŋun, konyou, kolot. 54#Mat 7:28; 11:1; 19:1; 26:1. Nakedolio bukec, kisisianak kes kotoma atukosikec, koumokis kotemasi atiar, “Kedumuni bo lo kai acoa na ka nukaumokin nu? 55Mam kereka lo erai okoku loka ekekeon? Mere totoke naenyaritai Mariam? Mere ikeinacan Yakob ka Yosep ka Simon ka Yuda? 56#Yok 7:15,52. Emameete akeinacan kere kane kamawok? Aso kedumun bo lo kai nu kere?” 57#Yok 4:44. Kitiguikinos kanukeŋ. Konye kotema

Yesu kes atiar, “Mam eswaki enabi aitopoloorio dimarai bukec kotogoke da.” 58Mam abu kiswama nukaumokin nuipu kanen, kanu amamus aiyuunikec.

Currently Selected:

Matayo 13: AOV1961

Highlight

Copy