Matayo 12

1 # Mk 2:23-28; Luk 6:1-5. Kapak kaŋin kitor Yesu mana naka akima apaaran nakasabato; koriebi ikekesisiak eteŋei, kogeut aijejeunun aluŋuren nuka akima ka ainyam. #Ikis 5:14; 23:25.

2 # Any 20:10. Konye keanyutu Iparisayon, kobalas ŋes ebe, “Koany, iswamaete ikonikesisiak namam ibusakinit aswam apaaran nakasabato.” 3#1 Sam 21:1-7. Kotema kes atiar, “Mam kereka isomenenete nukiswamai Daudi, nakeriebia eteŋei, ŋes ka ikepaup; 4#Leb 24:9. kwape kelomaria togo loka Edeke, konyam imugatin luka aitodikin, lumam ebusakinit ŋes ainyam karaida ipaupake, dimarai isasedotin bonik? 5#Mar 28:9-10. Arai bo mam kereka isomenenete kotoma okisila ebe apaaran nakasabato kemunaasi isasedotin koyekalu asabato; komam egwaunete akiro? 6Katemari yes atiar, ejai ne yenitelekarit eyekalu. 7#Mat 9:13; Kos 6:6. Konye arai kojenete apolou naka akiro kanu ebe, ‘Akoto aitim kwabo mere asuban,’ timam kititelekaasi lumam egwaunito akiro. 8Naarai Okoku loka etuŋanan ŋes erai ejakait loka asabato.”

9 # Mk 3:1-6; Luk 6:6-11. Konyou kaŋina koloma toma atukosikec, 10#Luk 14:3. Ido koany, kojai etuŋanan lokeonit akan. Kiŋita ŋes kotemasi atiar, “Ibus kereka aitaŋaleun kapaaran nakasabato?” Tetere iwosaete ŋes. 11#Luk 14:5. Kotema kes atiar, “Iŋai bo kayesi, yenejai amerekek adiopet yenimam iriuni ka alemun arai kibirokin aipany kapaaran nakasabato? 12#Luk 14:5. Mam tope ituŋanan itelekarit amerekek kotiai? Aso ibus aswam nuejok kapaaran nakasabato.” 13Kosodi kotema ŋesi etuŋanan atiar, “Korio akonikan.” Korio, koŋaleu, koputokinos kanace. 14#Yok 5:16. Konye kolomasi Iparisayon kinerut asurokin ŋes, ka epone loemudiariata ŋes.

15 # Mk 3:7-12. Komisiik Yesu ŋun, konyou kanen; kotupasi ituŋa luipu; kitaŋaleu kere. 16#Mat 8:4. Kicor kes kinyeis aitakanun ŋes. 17#Isa 42:1-4; 41:9. Tetere itodolikin akirot naenerit kama kenabi Isaia ebe:

18 # Isa 42:1-3. “Koany, ekakejaanakinan loseuna, Eminataka loisiyalamikinit ekatau, Ebwaikini Ekamoyo mamakeŋ, Elimokini lukacekwapin etube. #Mat 3:17.

19Mam epega, karaida aiwor;

Karaida ituŋanan apupun ekeporoto korotin; 20Mam ebili agada nairiecakina,

Mam itudeŋi abirait naepuriei,

Aitodol naijukunia etube aipikor;

21Emunokinos lukacekwapin ekekiror.”

22 # Mk 3:22-30; Luk 11:14-26,29-32. Kosodete koinut emuduki ekimiŋ loejai ajokit, kitaŋaleu, kiner ekimiŋ ka akwenyun da. 23Koumokis ituŋa kere, kobalas ebe, “Mere caat lo okoku loka Daudi?” 24#Mat 9:34; 10:25. Konye kiirasi Iparisayon kotemasi atiar, “Mam ŋol ireŋeari ajokin dimarai kanuka Beelesebul, ekapolon loka ajokin.” 25Kosodi kejeni Yesu akeceomisio kotema kes atiar, “Ŋinijakanut naetiakatiakaun asurokin bon emudiar, ere da arai etogo loetiakatiakaun asurokin bon mam icasi. 26Satan arai ireŋeari Satan, etiakatiakaun asurokin bon; aso ikonakini ai akejakanut icasi? 27Arai ereŋeari eoŋ ajokin kanuka Beelesebul, ido bo ikusidwe ireŋearete kanuka iŋai? Kanuka ŋun ŋes eraatar ŋul ikusikatubok. 28#1 Yok 3:8. Konye arai ereŋeari eoŋ ajokin kEmoyo loka Edeke, aso adolu ajakanut naka Edeke mamakus. 29#Isa 49:24; 1 Yok 4:4. Arai bo ikwaikini epedori ai etuŋanan alomar togo loka ekagogoŋon ka aiŋat ikeboro, arai mam ber eenit ekagogoŋon ŋol? Kosodi konyet epedori aiŋat eketogo. 30#Mk 9:40; Yok 11:52. Ituŋanan yenimam ejai keoŋ ŋes yenikekoloka, ituŋanan da yenimam etukonokini keoŋ isiarakini. 31#Bur 6:4,6; 10:26; 1 Yok 5:16. Kanuka ŋun katemari yes atiar, Isionio niŋironis ka ŋiniinyanakin naka ituŋa, konye mam cut isionio ainyanakin Emoyo. 32#Luk 12:10; 1 Tim 1:13. Ŋinituŋanan da yeninera akirot asurokin Okoku loka etuŋanan isionio; konye ŋin yeninera asurokin Emoyo Lokalaunan mam isionio kotoma okar kalu, karaida kaluepote.

33 # Mat 7:17,20; Luk 6:44. “Kituluosi ekitoi loejok ka akeraito da nuejok, arai bo kituluosi ekitoi loerono ka akeraito da nueroko; naarai ejenunio ekitoi kanuka araitoke. 34#Mat 3:7; 23:33; 15:18; Luk 3:7; 6:45; Yok 8:43; 12:39; Rom 8:7. Yes aur naka imusagan! Ikote ipedorete ai einer nuejok arai iraas luiroko? Naarai inera aituk nuilapununos kotau. 35#Luk 6:45. Itolomuni ituŋanan yenejok nuejok kotoma nuiŋadat nuejok, ituŋanan da yenikaronon itolomuni nukaronok kotoma nuiŋadat nueroko. 36Katemari yes atiar, Ŋinikirot nakejal naineras ituŋa itodiarete kapaaran naka etube. 37Naarai kanuka akonikiro kimarakinio adolit, kanuka akonikiro da kitubokinio aitelekar.”

38 # Mat 16:1; Mk 8:11; Luk 11:16; 1 Kor 1:22. Kosodete koboŋokis ice kokewadikak ka Iparisayon kotemasi atiar, “Ekesisianakinan, kikoto aanyun aanyunet kamakon.” 39#Mat 16:4; Mk 8:12. Konye Koboŋok kes kotema atiar, “Atur nakaronon naadote emoi aanyunet; kwabo mam einakinio aanyunet dimarai aanyunet naka enabi Yona. 40#Yok 1:17; 2:1,2. Naarai kwape keiaar Yona toma akoik naka etiaŋ lokos loka aŋolol adaun apaarasia auni ka akuaresia auni, kwape kwaŋin Okoku loka etuŋanan edauni apaarasia auni ka akuaresia auni kakoik naka akwap. 41#Yok 3:5. Enyounete ikiliok luka Ninebe kapaaran naka etube nepepe katur na, itetelekarete ŋes akiro; naarai apotu kesi kitoronikinos kanuka alimonokin naka Yona, ido koany, ejai ne yenitelekarit Yona. 42#1 Ika 10:1-10; 2 Siit 9:1-12. Enyouni akabaka naka Eŋalakimak kapaaran naka etube nepepe katur na, itetelekari kes akiro; naarai abu ŋesi kobu kosaŋe loka akwap akiirar acoa naka Solomon, ido koany, ejai ne yenitelekarit Solomon.

43“Kenyou emoyo loerono kotuŋanan, itori aiboisio nuemameete akip emoot nekiyeŋunet, komam edumuni. 44Kosodi etemari atiar, ‘Aboŋori togoka nekabunio’; keboŋu edumuni esil, epieitai, epesitai da. 45#2 Pet 2:20. Kosodi elosi eupunos nepepe kimoyon ice ikanykaarei luitelekarito ŋes aronis, elomarete kesi da esalete nen; ejautene loka ituŋanan kaŋin lokawasia eraun loerono adepar losodit. Kwape kwaŋin ejaunia atur na nakaronon.”

46 # Mk 3:31-35; Luk 8:19-21. Naperoko ineras kikodeta, koany, kebwoete totoke ka ikeinacan kokiŋa, kokotosi einer kaŋes. #Mat 13:55. 47Kolimoki etuŋanan ŋes ebe, “Koany, totokon ka ikoniinacan ebwoete kokiŋa, ekotosi einer kajo.” 48#Luk 2:49. Koboŋok ŋol lokelimokini ŋes ebe, “Iŋai bo erai totoka, lukaŋai da eraas ikainacan?” 49Kitodik ikekesisiak kakekan, kotema atiar, “Koany, totoka ka ikainacan! 50#Rom 8:29; Yok 15:14. Naarai ŋin yeniswamai nuekoto Papaka loejai toma akuj, ŋin ŋes onaceka; ka inacika, ka totoka da.”

Currently Selected:

Matayo 12: AOV1961

Highlight

Copy