Akuudian 3
3
1Arai eoŋ ituŋanan yenaanyunit aitieanio Kobela loka anyunyurake.
2Abu kenarenik, ketolot da,
Kotoma amuton kwabo mere aica.
3Abeit ieebokinit aibelonokin akekan
Asurokinia eoŋ apaaran kere.
4Esirinyo ŋesi akakiriŋ ka akamuny;
Abilibil akakoio.
5Aduk mama ajai,
Kerigau kepiu ka apason.
6 #
Sab 88:5. Kesiboiki aiboisio nukamuton,
Kwape luketwaka kolosek.
7Kabwau, mam apedori alomar;
Esilanirir ekarikot.
8 #
Yob 30:20; Sab 22:2. Eebo, kamony, kelala da ayuunio,
Egoluni ailipika kina,
9Abwa irotinika kamor nuikee,
Etukud ŋesi ikasokono,
10 #
Kos 5:14. Esubit kamakaŋ bala adubu naeperuni,
Kwape eŋatuny loeŋopi kaiboisio nukaiyeiyea.
11 #
Kos 6:1. Ketapaa korotinika, kapoopo;
Ketisilio.
12 #
Yob 6:4; Sab 34:2. Eket akabwake,
Kasipoki araut idesiara yenika emaleke.
13Etolomik imalia luka akuraruke
Oŋeretenyaka.
14 #
Nek 4:2-4; Sab 22:6,7; Yer 20:7; Mat 27:29-31. Arau lokimuaritono kotoma otunaka kere;
Ekosiokee apaaran kere,
15 #
Yer 9:15. Kesimono adwaris,
Ketuup aliasit naeta ria,
16 #
Awa 20:17. Abil da ikakel kinaroi,
Karapak ekurwon.
17Itwalan ekatau kama ejai ainapakin;
Kemurwoki aiyalama kwape ejaar,
18 #
Sab 31:22. Kabala ebe, “Aolio akagogoŋ,
Ka akamuno da mama ejai EJAKAIT.”
19Kiitu aitieanioka, ka aitururuka,
Aliasit naeta ria ka epiu da.
20Iitununei ekatau,
Ipirisiar kotomakan,
21Keitu nun,
Ŋes ejaunor amun.
22 #
Nek 9:31; Sab 57:10; Mal 3:6. Mam enaŋi aitim naka EJAKAIT,
Naarai mam inorari aisionike.
23 #
Isa 33:2; Bur 10:23. Itet ŋinitupuruc,
Epol akonimunonut.
24 #
Sab 16:5. Ebala ekatau ebe, “EJAKAIT ŋes akorakineteka;
Tape amuno ŋes.”
25 #
Sab 130:6. Ejok EJAKAIT kama ejaas luidarito ŋes,
Kama ejai aijar naemoot ŋes.
26 #
Sab 37:7. Ejok ituŋanan amunoneno ka aidarenen kaiyaparit
Aitajar naka EJAKAIT.
27 #
Sab 90:12. Ejok ituŋanan aidak aiookot
Kotoma atumunike.
28 #
Yer 15:17. Kogitar aiboi bon kililin,
Naarai edokoki ŋesi ŋin.
29 #
Yob 42:6. Kibwaik akeituk apua;
Elemuni kojai amun.
30 #
Mik 5:1; Mat 5:39. Koialak ekeitinyo necjai yenibapi;
Kimonikin amoromoroo,
31 #
Sab 94:14. Naarai mam EJAKAIT eiali
Ikar kere.
32Naarai karaida keyauni ican,
Konye isionie ŋesi kwape ejaar apolou naka aitimike.
33 #
Bur 12:10. Naarai mam imiela aitiean idwe luka iruna,
Karaida aitakadikin kes.
34Aipudapuda
Ienan kere luka akwap,
35Aitirii etube loka ituŋanan
Kakonyen nuka ŋol loejai kuju kakuj.
36 #
Kbk 1:13. Aitapaar ituŋanan kakiroke,
Mam EJAKAIT itojokit ŋun.
37 #
Sab 33:9. Iŋai bo ŋol loinera kitodolikinoi,
Arai mam EJAKAIT icorakinit?
38 #
Yob 2:10. Mam kereka elomunete aronis ka aiokis
Kaituk naka ŋol loejai kuju kakuj?
39 #
Mik 7:9. Kanukinyo irurumaa ituŋanan yenikajaran,
Ituŋanan yeniticanio kanuka aronisioke?
40 #
Sab 119:59. Kerereoto, ketemo iponesiowok,
Kaboŋosi bobo mama ejai EJAKAIT.
41 #
Sab 86:4. Ketonyoutu itauonowok ka akaniniwok da
Mama ejai Edeke toma akuj.
42 #
Dan 9:5. “Kidiaka ido kipaliiki;
Mam jo isionit.
43“Irapar kanyunyura korukitor sio;
Iar komam itimit.
44Irapar kedou
Kinyek ailip apedor.
45 #
1 Kor 4:13. Ibu kituluo sio aiswageta ka asusujo
Kokidin katekerin.
46“Lukasurupokosi kere
Kiwoonanakis aituke.
47Kidolokis sio akurian ka aipany,
Aijasio ka amudiario,
48Elele akakoŋu ieorin luka akipi,
Kanuka amudiario naka akoku naka ikatuŋa,
49“Ebuki akakoŋu akiyo, komam itanani,
Komam eionoi,
50 #
Isa 63:15. Aitodol naesesenia EJAKAIT kwap,
Koany ejai toma akuj,
51Itakadikinit akakoŋu akaijar,
Kanuka apesur kere nuka creka.
52 #
Sab 35:7; 69:4. “Kamejata noi lukasurupoka kwape kakwcny,
Komam akirot,
53 #
Yer 37:16; Dan 6:17. Kaeakakis toma aipany ajari,
Kebiribiroto kamor.
54 #
Sab 69:2. Arapasi akip akouka;
Kabala ebe, ‘Aolio.’
55 #
2 Siit 33:12; Sab 18:5,6; Yok 2:2. “Abu kewone ekonikiror, wu EJAKAIT,
Kajai aidules naka aipany,
56 #
Sab 6:8; Rom 8:26. Ibu kiira ekaporoto ebe: “Sirikimina akonikii,
Kaimonyoka aiŋarakinio.’
57 #
Sab 69:18; Isa 58:9; Yak 4:8. Ibu kikuny kapaaran nakewoneo jo:
Kobala ebe, ‘Sirikikurianar.’
58 #
1 Sam 25:39; Yer 51:36; Sab 35:1; 71:23. “Wu EJAKAIT, kipurok akiro nuka etauka;
Ilaku akaijar.
59Wu EJAKAIT, iany akamwanio;
Kotub ijo akakiro,
60 #
Yer 11:19. Iany ekecenyanit kere,
Ka akeeeinerun da kere mamakan.
61“Ibu kiira, wu EJAKAIT, amorositikee,
Ka ainerunikec da kere mamakan;
62Aŋajepa nuka ŋul kalukanyoikinete,
Ka nukalosikinito apaaran kere.
63 #
Sab 139:2. Koany aiboikee ka anyounikee;
Arai eoŋ ekecekosio,
64 #
Sab 28:4; Yer 11:20; 2 Tim 4:14; Apu 6:10. “Wu EJAKAIT, itaeakini kes
Kwape ejaar aswam naka akaninikec.
65 #
Sab 8:3. Iinakini kes aninik naka itauon,
Ekonikenit mamakee.
66Irenet kes kanyunyura,
Imudiari kes kokwap kakuj naka EJAKAIT.”
Currently Selected:
Akuudian 3: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
