Akuudian 2
2
1 #
Mat 11:23; 2 Sam 1:19; 1 Siit 28:2. Arapak ca ma EJAKAIT akoku naka Sion kedou
Kotoma anyunyurake!
Aeaku aibuses naka Isirael
Anyoun kakuj kiton akwap,
Kwabo mam iitunit iicoloŋ yenika akejeke
Kapaaran naka anyunyurake.
2 #
Sab 89:39. Eliko EJAKAIT aiboisio kere nuka Yakob,
Komam itimit,
Ebiru kotoma adedenuke abwasio nuka akoku naka Yuda;
Atiyatiya kiton kwap:
Amunaa ajakanut ka ikapolokoke.
3 #
Yob 16:15; Sab 74:11. Ajepa amumwara kere nuka Isirael
Kakenyunyura naededen;
Enyaka akekan nakoteten kakonyen nuka lukasurup:
Etisis ŋesi Yakob kwape akim naesarani,
Nairiamarit iwaitin kere,
4 #
Isa 63:10. Eket akekabwa kwape lokasurup,
Ebwoi kakekan nakoteten kwape loitokokoli.
Aar kere luetalakarito akonyen
Kowema loka akoku naka Sion;
Abukok akededen kwape kakim,
5 #
Yer 52:13. Asub EJAKAIT bala lokasurup,
Eliko Isirael;
Eliko iketogoi kere lukapolou,
Amunaa akebwasin:
Eyataki ŋesi akoku naka Yuda
Aibworo ka akuudian.
6 #
Sab 80:12; Sep 3:18; Isa 5:5; 1:8. Eweliwel ikeswam kagogon,
Kwape yenikomanikor;
Amunaa aiboisike natukonokina:
Esumurwok EJAKAIT koSion
Atukokinet naeseunitai ka asabato,
Ido kanuka adedeŋ naka akenyunyura
Amwana ekabaka ka esasedoti.
7 #
Sab 78:59-61; Esk 7:20; Isa 64:10,11; Mik 3:12; Yer 7:12-14; Mat 24:2; Sab 74:4. Aeaka EJAKAIT eketem,
Asae akeibois nakalaunan;
Akoraki akanin nuka lukasurup
Arwatatin nuka itogoike lukapolou:
Acelut kotogo loka EJAKAIT
Kwape kapaaran naka atukokinet naeseunitai.
8 #
Isa 34:11; Amo 7:7. Eneru EJAKAIT amudiar arwatat
Naka akoku naka Sion;
Atera auno,
Mam inyakara akekan kamudiar;
Konyc etukuudian abwas ka arwatat da;
Iiunepepas kere.
9 #
Ikis 28:36; 2 Ika 25:7; 2 Siit 15:3; Sab 74:9; Amo 8:11,12; Mik 3:6,7. Alumo iruteike toma akwap;
Amunaa abilibil eut atiketa:
Ekabakake ka ikapolokoke ejaas atekerin;
Emameete bobo ikisila,
Inabinoke da mam edumunete aitapoet
Kama ejai EJAKAIT.
10 #
Yob 2:13; Aku 4:5; Isa 47:1-5. Imakio luka akoku naka Sion
Iboiete kokwap, ililiŋete;
Ipurito apua akwesikee;
Enapitos ipukoi:
Itukumonokinito abekon nuka Yerusalem
Akwesikee kiton alup.
11 #
Sab 6:7; Yob 16:13. Ikabubutos akonyeneka kanuka akiyo,
Itururwei ekatau,
Abukokin emanyika kwap,
Kanuka amudiar naka akoku naka ikatuŋa,
Naarai iiloros idwe ludidik ka imukerun
Korotin lukore,
12Emonyete mama ejaas nukatotokee, ebe,
“Alu bo inyamat ka ebino?”
Naiilorotor kwape luimusunitai korotin lukore,
Naebukoror aijarakee atorobusio nuka nukatotokec,
13 #
Yob 5:1; Dan 9:12. Ketejenuni anu?
Ketupusi kinyo, ijo akoku naka Yerusalem?
Ketiiriani kinyo ketalaka,
Wu jo akoku nabekot naka Sion?
Naarai epol akonieilat kwape kaŋolol:
Iŋai kitaŋaleuni?
14 #
Isa 58:1. Kidwaranakis ikoninabin
Aitapoeta nuka aamameak ka abaŋaanut;
Kwabo mam apotu kopukosi numam adolitekon,
Tetere kinyakunete kaijoreoriokon:
Konye kidwaranakis abwokon
Nuka aamameak ka nukitapaarete,
15 #
1 Ika 9:8; Sab 48:2. Kibapanakinete akanin luitorete kere,
Isuarete imunimunete akeeekwes
Mama ejai akoku naka Yerusalem,
Kobalas ebe, “Lopelo tope ŋes ere
Loamaikinitai Ajokis naedolit cut,
Aiyalama naka akwap kere?”
16 #
Sab 56:2; 35:21. Lukasurupokon kere kiwoonanakis aituke:
Kisuasi, kiriamanakinete ikel;
Kobalas ebe, “Kiliko ŋes:
Abeit na ŋes apaaran nakipou kemielas;
Adolu do, kianyu da!”
17 #
Leb 26:16; Sab 38:16; Ikis 28:15,43,44; Aku 1:5. Eswama EJAKAIT nualosikinit;
Etodoliki akekirot;
Kwape ecorakinitor kolo sek,
Ebiru, komam itimit:
Esiyalamik lokasurupikon,
Etopoloo amumwarat naka lukitokokolete joo
18 #
Yer 14:17; Aku 1:16. Komonyiatar ikecetauon EJAKAIT;
Wu jo arwatat naka akoku naka Sion,
Koleleata akiyo kwape ecor,
Paaran ka kuare!
Mam iyenuni nepetai da;
Mam erwakakin ecopot loka akonukon.
19 #
Mk 13:35; Sab 62:8; Isa 51:20; Aku 4:1; Nak 3:10. Konyou, komony kuare,
Kagcuneta nuka akwenyuneta;
Kobuko ekonitau kwape akipi
Kakonyen nuka EJAKAIT;
Kikia akonikanin mamakeŋ
Kanuka aiiar naka ikonidwe ludidik,
Luckotos atwakare eteŋei
Kasisiarin nuka irotin kere.
20 #
Any 32:11; Leb 26:29; Ikis 28:53; Yer 19:9; Aku 4:10,13. Konolia, wu EJAKAIT, koany!
Lukaŋai luibu kiswamak nuikote nen?
Ti tope aŋor kenyama aurikec,
Idwe luilepanarete kakaninikee?
Ti tope kearakin esasedoti ka enabi
Aibois nakalaunan naka EJAKAIT?
21 #
2 Siit 36:17. Eperete esapat ka ekimat kapua nakorotin;
Aar ekileŋ akabekon ka ikakatumunak:
Iar kes kapaaran naka anyunyurakon;
Iar, kwabo mam itimit,
22 #
Sab 31:13; Yer 46:5; Kos 9:12. Inyarau luketasuroka kowaitin kere
Kwape kapaaran naka atukokinet naeseunirai;
Kwabo emamei idio yenabu koku karaida aisal
Kapaaran naka anyunyura naka EJAKAIT;
Amudia lokasurupika
Ŋul luelepanari ka luasait.
Currently Selected:
Akuudian 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
