Iburanian 6

1 # Bur 9:14. Kanuka ŋun kenyeis einer akiro nusodit nuka Kristo, keyatakinos apoloor; kenyeis bobo aipet apetetait naka aitoronikin kanuka aswamisio nuetwakito, ka aiyuun Edeke, 2aisisianakin naka aibatis, ka aidokokinio akanin, ka ajarun naka lukatwak, ka atubokinio da naka ikar kere, 3Kiswamai da kwaŋin arai ekoto Edeke. 4#Bur 10:26,27; Mat 12:31; 1 Yok 5:16. Naarai ŋul luadaut kolo ainwakakinio, kiirata da ainakinet nakakuj, luaraunos ikamorak Emoyo Lokalaunan, 5#1 Pet 2:3. kiirata da ajokis naka akirot naka Edeke, ka apedor da naka ikar luepote, 6mam epedorete aiteteun bobo aitoronikin arai kibiroros ainyein ŋun, naarai ebubukis bobo Okoku loka Edeke kanukec, esurumata da ileic kaitebeikin. 7#Age 1:11,12. Naarai akwap naamat akiru naetepanakini irwan ipu, kosodi kobwaŋ akui nuibusakinito ŋul luekorionokinio, edumuni arereŋ naebuni kama ejai Edeke. 8#Age 3:17-18. Konye arai kitolom ikukwa ka isukukur, eneritoi, ido eapie aikenio; esaŋeke aicweio.

9Konye luminan, karaida kinera ŋun kwaŋin, kitogogoŋ kamakus akiro nuejok adepar, ido nueraas nuka aitajario. 10#Bur 10:32-34. Naarai Edeke mam erai lomam edolit aimurwokin aswamukus, ka amin naipotu kitodiasi mama ejai ekirorike naijaanakiniata lukalaunak, ido kwana iroko ijaanakinete. 11#Bur 3:14; Pil 1:6. Konye kiŋata noi ŋinituŋanan kayesi aitodiar adunyanut ŋipeŋin kanuka aitodolikin cut amun ŋin kiton osaŋe, 12kinyeis araut luijalijalasi, konye luipusete ŋul luirumete aisumuneta kanuka aiyuun ka atitiŋikin da. 13#Age 22:16,17. Naarai naesumunio Edeke Aburaam, naarai amamei loapol aitelekarit ŋes loelimit iyapoi, abu kiyapo kolimite elopet, 14#Age 22:16-17. kobala ebe, “Abeit kotoma arereŋ kesirereŋenenei jo, ka aiyat keyatanakinenei jo.” 15Kwape kwaŋin kanuka atitiŋikin abu kodum aisumunet ŋin. 16#Any 22:10. Naarai iyapoete ituŋa kolimito loepol aitelekarit kes, ido kotoma opegetakec kere, edauni aiyapoet aitogogoŋ, 17Aso naakotor Edeke aitodikin cut noi ikerumak luka aisumunet kwape mam ijulakinor akekot, abu kodiek kaiyaposit, 18#Mar 23:19; 1 Sam 15:29. tetere kanuka akiro aarei numam ijulakinos, numam epedori Edeke aiŋal, kidumuni aitalakario naegogoŋ, oni lukirurukit aikamun amun naibwaikinitai kakonyenewok. 19#Leb 16:2,12. Kija kaŋin kwape edobo loka aijar, loicasit loegogoŋ, amun naelomari mama ejai naejai toma aigalisit, 20#Sab 110:4; Bur 5:6. neabu Yesu koloma kwape ekeŋarenon kanuwok, abu koraun esasedoti lopeti ikar kere kwape ejaar epone loka Melukisadek

Currently Selected:

Iburanian 6: AOV1961

Highlight

Copy