Iburanian 5
5
1Naarai ŋolisasedoti lopeti loketiakunio kotuŋa ibwaikinio kanuka ituŋa kakiro nuka Edeke, tetere ijaikini ainakineta ka asuban da kanuka adiakanar, 2#Bur 4:15. Epedori aiyamiyamar lueolito ka luepaarito, naarai ŋes da elopet igogoleori akalanyanut. 3#Leb 9:7; 16:6. Kanuka ŋun ŋes da iburao ainakin asuban kanuka adiakarike, kwape kanuka ŋun nuka ituŋa, 4#Any 28:1. Kwabo emamei etuŋanan kere eyaŋaikin bon apolou ŋin, dimarai ŋol loenyarit Edeke, kwape ka Aaron.
5 #
Sab 2:7; Asw 13:33. Kwape kwaŋin Kristo da mam abu kitopoloor bon aluor esasedoti lopeti, dimarai ŋol loabu kolimok ŋes ebe,
“Irai ijo Okokuka, lolo kauru jo.”
6 #
Sab 110:4; Bur 7:1. Kwape inerar kamace da ebe,
“Irai ijo esasedoti kiton ikar kere, Kwape ejaar epone loka Melukisadek.”
7 #
Mat 26:36-46; Mk 14:32-42; Luk 22:39-46. Kapaarasia nuka akuanake, abu Yesu kiŋaiŋa kilip da, kaiworo naepol ka akiyo da, mama ejai ŋol loepedori aitajar ŋes katwanare, kopupunoi da kanuka ayoniteke Edeke. 8#Pil 2:8. Karaida kerai Okoku abu kisisia arimanut kanuka ŋun kanuesiriebete; 9#Isa 45:17; Yok 17:1,5. kosodi nakedaunia aitodolikinio, korau loeinakini ŋul kere luerimarete ŋes aitajario naka ikar kere, 10loamaikini Edeke esasedoti lopeti kwape ejaar epone loka Melukisadek.
11Kija kakiro nuipu einer kamakeŋ, ido nuetioko aitejenun, naarai ikimiŋakaros yesi. 12#1 Kor 3:2; 1 Pet 2:2. Naarai kapak kana tikibusakinit araut ikesisianakinak, kwabo ipudasi bobo yenikisisianakini yes nusodit nuegeunete nuka akiro nuka Edeke. Ido iluoros luipudasi akile kwabo mere inyamat luenyakao. 13#Pes 4:14. Naarai yenemasi akile mam ejeni akirot naka adolit, naarai erai ikoku. 14#Pil 1:10; Rom 16:19; Age 2:17. Konye inyamat luenyakao eraas luka lukapolok, ŋul luiruutooritai acoakec kanuka aitwasam, tetere etiakete nuejok ka nueroko da.
Currently Selected:
Iburanian 5: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
