Ageun 44

1Kicorak ekeŋadan loka etogoke ebe, “Kilelebana ipukoi luka ituŋa inyamat kwape epedoriata kes aibwok, ido kibwaik apesan nuka ŋolituŋanan aituk naka epukoke. 2Ido kibwaik aikopoka, aikopo naka epuesa aituk naka epuko loka eŋoorit, akepesan da nuka akima.” Kiswama kwape ajaar akirot naenera Yosep. 3Nakiwala akwap kotwarai ituŋa, kes ka asigirianakec. 4Kedautu kes anyoun kore, eriŋa ejaas die, kotema Yosep ekeŋadanike atiar, “Konyou, kotupa ituŋa; kidolok ijo kes, kolimok kes ebe, ‘Kanukinyo itacakiniata aronis itia ajokis? 5Mere na ŋes naemasenena ejakaitika, ŋipeŋin da naedwarenenea? Ipotu kiswamata aronis aswam kwaŋin.’’’

6Kodolok, kolimonok kes akiro ŋun. 7Kotemasi kesi atiar, “Inyo ainaki ejakaitika ener akiro nuikote kwaka ŋun? Madi akuj arai esubito ibulesinikon akirot naetia nen! 8#Age 43:21. Koany, apesan nukipou isio kaanyutu kaituke nuka ipukoikosi, kipou kenyakutu mama ijai anyoun kakwap naka Kanaan: okwe tikikwaik ai kikokoi epuesa arai esabu kotoma togo loka ejakaitikon? 9#Age 31:32. Ŋinitunanan kotoma obulesinikon yenctakanuni ejai kaŋes, kotwana, isio da kiraun ibulesin luka ejakaitika.” 10Kinera ebe, “Aso do koraunos kwape ejaatar akusikiro: loetakanuni ejai kaŋes, koraun do ebulesitika; yes da emamuun akirot.” 11Kosodete kisunyasi kesi awounun nolituŋanan epukoke kwap, kolac ŋolituŋanan ekepuko. 12Konie, ageun kama ejai ekiyai, kirikak kaneejai eŋoorit: kotakanu do aikopo kopuko loka Benyamin. 13#Age 37:29,34; Mar 14:6; 2 Sam 1:11. Kosodete kesi acilicil inapenekec, kibwaanakis iboro nolitunanan asigiriake, kosodete aboŋor ore.

14 # Age 37:7. Kodol Yuda nepepe kikeinacan togo loka Yosep; kodumutu ŋes eroko ejai: kibirokinos kwap akonyeneke. 15Kotema Yosep kes atiar, “Akirot anyoin na nakiswamakis? Mam ijenete ebe etuŋanan kwape keoŋ epedori cut aidwar?” 16#Yob 40:4; Age 44:9. Kinera Yuda atiar, “Kitemari bo isio ai ekajakait? Kinera biai? Arai kikwaikini ai kitojokaar? Arou Edeke numam edolito kobulesinikon; koany kirai ibulesin luka ejakaitika, isio ka ŋol da loatakanu ejai aikopo akanike.” 17#Yos 22:29; 1 Sam 12:23; Luk 20:16; Rom 3:4,6; 1 Kor 6:15; Gal 2:17. Kinera ŋesi ebe, “Madi akuj mam eoŋ eswamai kwaŋin: etuŋanan loatakanu ejai aikopo akanike, ŋes eraun ebulesitika: konye yes, konyout koloto mama ejai papakus kainapakin.”

18 # Age 18:30,32; Any 32:22; Awa 19:12; Age 41:40. Kosodi Yuda aikunyakin mama ejai, kiner ebe, “Wu ejakaitika, kenainait, mere kiner ekonibulesit akirot aki nuka ejakaitika, ido kinyek akoninyunyura anomor ekonibulesit; naarai isubit ijo cut bala Parao. 19Abu ejakaitika kinit ikebulesin ebe, “Ejai yes papakus, arai onacekus?” 20#Age 37:3. Kasodete isio da alimokin ejakaitika ebe, ‘Ejai sio papakosi, emoionit, ka ikoku da yenaurie ŋesi kemoion, edit ikoku; onaceke da atwana, ŋes esalit bon kodwe luka totoke, emina da papake ŋes.’ 21#Age 42:15,20. Ŋo da kotema ikonibulesin atiar, ‘Koinunai, kaany.’ 22Katemasi isio ejakaitika atiar, ‘Mam epedori etelepat ainyein papake: naarai arai kinyei papake, etwani papake.’ 23#Age 43:3,5. Kotema ijo ikonibulesin atiar, ‘Mam bobo ianyunete akakonyen dimikito kiupunos kenooritikus.’ 24Kasodete kiidol neejai ebulesitikon papaka, kalimonokis ŋes akiro nuka ejakaitika. 25#Age 43:2. Kosodi papakosi atemar ebe, “Kobonosi bobo, kogwelakis sio idisinyamat.’ 26Kenerata isio da ebe, ‘Mam kipedori alosit. Arai kiupar kenooritikosi, kilosi: naarai mam kianyuni akonyen nuka etuŋanan dimarai kiupara kenooritikosi.’ 27#Age 46:19. Ekonibulesit papaka kotema sio atiar, ‘Ŋenete ebe abu akaberu kaurik eoŋ idwe iarei lutelepai: 28#Age 37:33. Konyou idiopet kaneajai, kenera ebe, “Abeit aponi kopoopoai”; eoŋ da ageuni kaŋin mam bobo aanyunit: 29#Age 42:36,38. Ido arai kiidemasi nin da, kosodi kodoik aronis, itolomarete ca akakorwo toma okatwak kanuka aiturur.’ 30#1 Sam 18:1. Aso do arai kalot mama ejai ebulesitikon papaka, komamei etelepat kasio: naarai akeijar imorikikina kaiiar naka etelepat: 31Kosodi arai keanyu etelepat emamei, etwani: ikonibulesin da itolomarete akorwo nuka ebulesitikon papakosi toma okatwak kanuka aiturur. 32#Age 43:9. Naarai ekonibulesit ŋes abwouni etelepat kama ejai papaka, kobala ebe, ‘Arai mam ayauni mama ijai, kabei eoŋ akirot kama ejai papaka apaarasia kere.’ 33#Any 32:32. Okwe, kenainait, kosal do ekonibulesit ne aibois naka etelepat araun ebulesit loka ejakaitika; kouparos etelepat kiinacanake. 34Naarai ekwaikini ai alosi mama ejai papaka, komamei etelepat keoŋ? Kenyek aanyun aronis naedolokini papaka.”

Currently Selected:

Ageun 44: AOV1961

Highlight

Copy