Anyoun 11

1 # Any 12:31. Kotema EJAKAIT Musa atiar, “Ejukakini Parao ka Misiri adiopetular bobo; akauloke kisiikini yes alosit; nakisiikinia yes alosit, kireneari eut yes kere. 2#Any 3:22; 12:35. Aso do kinere kaki nuka ituŋa ebe, ‘Kilip nolitunanan eidunyeteke, ka ŋiniberu da aidunyeteke iboro luka epuesa, ka iboro luka esabu.’’’ 3#Any 3:21; 12:36; Sab 106:46; 2 Sam 7:9; Est 9:4. Koinak EJAKAIT ituŋa aminunio kakonyen nuka Imisirian. Bobo da kitopolooroi Musa kakwap nako Misiri, kakonyen nuka ikejaanakinak luka Parao, kakonyen da nuka ituŋa.

4 # Any 12:12,23,29; Amo 5:17. Kotema Musa atiar, “lnera EJAKAIT kwanata ebe, Alomari kidin naka Misiri kidinebai: 5#Amo 4:10. Etwakete ikiyaik kere luko Misiri, ageun ka ekiyai loka Parao loiboie kaiakanutuke, kiton ekiyai loka abulesit naejai kau kairieis; ka ikiyaik kere luka ibaren. 6#Amo 5:17. Ejaun aimony naepol anatar akwap kere nako Misiri, namam apeŋo ejauna naeriakatatar, mam da ejaun bobo naeriakakinotor. 7#Yos 10:21; Yob 5:23; Kos 2:18; Mal 3:18. Konye mam ekiŋok ipeni akeŋajep aluikin idwe luka Isirael, aluikin ituŋanan arai itiaŋ: tetere ijenunete kwape etiakitor EJAKAIT Imisirian ka lsirael. 8Ido epote ikejaanakinakakon lu kere mamaka, ekukumete kaneajai, kobalas ebe, ‘Konyou ijo, ka ituŋa kere lukitupito jo’: akaulo kanun alomari.” Koloma kaneajai Parao kanyunyura naepol. 9Kotema EJAKAIT Musa atiar, “Mam Parao kiirari jo; tetere etupui nukaumokinika kakwap nako Misiri.”

10 # Any 9:12; Ikis 2:30; Yos 11:20; Isa 63:17; Yok 12:40; Rom 2:5; 9:22. Kiswamata Musa ka Aaron nukaumokini nun kere kakonyen nuka Parao: kitogogon EJAKAIT etau loka Parao, mam abu kisiik idwe luka Isirael alosit anyoun kakwapuke.

Currently Selected:

Anyoun 11: AOV1961

Highlight

Copy