Anyoun 10

1 # Any 7:4,14; Ikis 2:20; Yok 12:40; Rom 9:18. Kotema EJAKAIT Musa atiar, “Koloma mama ejai Parao: naarai etininik eketau, ka itauon da luka ikekejaanakinak, tetere etoduni aanyunetaka nu kamakec: 2#Ikis 4:9; Sab 44:1; 71:18; Yok 1:3. Tetere ilimokini aki nuka okokukon, ka ikoku yenika ikokukon, akiro nueswamak eoŋ Misiri, ka aanyunetaka nueswama kamakec; tetere ijenunete ebe Eoŋ EJAKAIT.” 3#1 Ika 21:29; 2 Siit 34:27; Yak 4:10; 1 Pet 5:6. Kolomasi Musa ka Aaron mama ejai Parao, kotemasi ŋes atiar, “Inera EJAKAIT, Edeke loka Iburanian, kwanata ebe, ‘Itodoli ijo ai iŋerit anonokiar kakonyeneka? kisiik ikatuŋa alosit, tetere kejaanakinete eoŋ, 4#Awa 30:27; Apu 9:3. Konye arai kiŋer aisiikin ikatuŋa alosit, koany, ayauni moi emaase oikorunokon: 5#Yok 2:25. Erapiari akwap kere, komam yenepedori aanyun alup: enyamari luedeuna kotoma kaŋul kaluamudiario, lukideikinit jo akako, enyamari da ŋolikitoikon kere loepoloi korony. 6#Any 8:3,21. Ilelebunos itogoikon, ka itogoi luka ikonikejaanakinak, ka itogoi luka lmisirian kere; namam lukapapakon karaida lukapapaakon aanyunito, ageun kapaaran naajaatar akwap aitodollolo.’’’ Kibelokin koloma kaneajai Parao.

7 # Any 23:33; Yos 23:13; 1 Sam 18:21; Lim 7:26; 1 Kor 7:35. Kotemasi ikejaanakinak luka Parao ŋes atiar, “ltodoli etuŋanan lo ai erai eic kamawok? kisiik ituŋa alosit, tetere ijaanakinete EJAKAIT Ekecedeke; eroko kereka ijo ejenuna ebe amudiar Misiri?” 8Koyaunai bobo Musa ka Aaron mama ejai Parao. Kotema kes atiar, “Koloto, kijaanakis EJAKAIT Ekusideke: konye lukanai luelosete?” 9#Awa 3:9; Any 5:1. Kotema Musa atiar, “Kilosi kaludidikikosi ka imakiokosi, ka idwekosi lusap ka lupesur, ka isipaninikosi luka amerekekin ka luka aituk kilosi isio; naarai kibusakinit aipoikin EJAKAIT epucit.” 10Kotema kes atiar, “Kojaun EJAKAIT kayes, kwape kesiikinia yes alosit, ka idwekus: kocoito; naarai ejai aronis akonyenekus. 11Mere kwaŋin: koloto do yesi luiraasi ikiliok, kijaanakis EJAKAIT: naarai ŋun kes nuimielasi.” Kirenearai kes kakonyen nuka Parao.

12 # Any 7:19. Kotema EJAKAIT Musa atiar, “Korio akonikan akwap nako Misiri kanuka emaase, tetere ebuni akwap nako Misiri, anyamar nolikiot loka akwap, kes kere luabu akaka kideu.” 13Korio Musa ekebela akwap nako Misiri, kitukut EJAKAIT ekwam lokokide toma akwap apaaran ŋin kere, ka akuare kere; kiwala akwap koyau ekwam lokokide emaase. 14#Apu 9:2-3; Ikis 28:38; Sab 78:46; 105:34; Yok 2:2. Konata emaase akwap kere nako Misiri elosi, kodoo oikoruno kere luko Misiri; apolo noi emaase; mam apeŋo ejauna emaase loetia nen, karaida akauloke mam ejaun loetia nen. 15#Any 10:5; Sab 105:35. Naarai abu korapia akwap kere, komusimusior akwap; kikoco nolikiot loka akwap ka araito kere naka ikito naedeunit akaka: komam itasali idiokiot kere, yenika ekitoi, arai yenika ikui lukorony, anatar akwap kere nako Misiri, 16#Any 9:27. Konyara Parao Musa ka Aaron atipet; kotema atiar, “Adiaka kama ejai EJAKAIT Ekusideke, kamakus da. 17#Any 9:28; 1 Ika 13:6; Yob 34:31. Aso do kenainait, kisionioi akadiaket irwan na bon, kilipata EJAKAIT Ekusideke, tetere elemari atwanare na bon kamakaŋ.” 18#Any 8:30. Koloma kaneaiai Parao, kilip EJAKAIT. 19#Yok 2:20. Kitukut EJAKAIT ekwam loegogon noi lokoto, loabu kokuta emaase, kirenek Aŋolol Nakareŋan: mam abu kosal karaida ediopet koikorun kere luko Misiri. 20#Any 4:21; 11:10; Yos 11:20; Rom 2:4,5; 9:17-22; Yak 1:13-17. Konye kitogogon EJAKAIT etau loka Parao, mam abu kisiik idwe luka lsirael alosit.

21 # Any 9:22. Kotema EJAKAIT Musa atiar, “Korio akonikan akuj, tetere ejaun amuton akwap nako Misiri, amuton naepedorio ararap.” 22#Sab 105:28; Apu 16:10. Korio Musa akekan akuj; kojaun amuton naejesi cucucuc akwap kere nako Misiri apaarasia auni; 23#Any 8:22. Mam apotu koanyununos, karaida ituŋanan anyoun kaiboisike adaun apaarasia auni: konye ajai aica aiboisio kere nueboiononoto idwe luka lsirael. 24#Any 10:10. Konyarau Parao Musa, kotema atiar, “Koloto yesi, kijaanakis EJAKAIT: konye kitasalata ikusisipanin luka amerekekin ka luka aituk: koloto ka ikusidwe da.” 25Kotema Musa atiar, “lbusakinit ijo ainakin isio asuban ka ainakineta nuicweio, teterc kiinakini EJAKAIT Ekosideke asuban. 26Kiupari kaikosibaren da; mam kitasali ediomagegeret; naarai kiyaijaari kes aijaanakinia EJAKAIT Ekosideke; ido mam kijeni luibusakinitor aijaanakinia EJAKAIT aitodol nakidolio nina.” 27#Any 10:20; 4:21; 14:4,8. Konye kitogogoij EJAKAIT etau loka Parao, mam abu kisiik kes alosit. 28Kotema Parao ŋes atiar, “lrwa kaneaiai, kocoite, sirikiany bobo akonyeneka; naarai apaaran naianyunia akakonyen itwani.” 29#Bur 11:27. Kotema Musa atiar, “Iner ijo ejok; mam bobo aanyuni akonikonyen.”

Currently Selected:

Anyoun 10: AOV1961

Highlight

Copy