Amos 7
7
1Abu Ejakait EDEKE ketodik kwanata: ido koany, kosub ŋesi emaase kageunet naka alomun naka alibun nakokau; ido koany arai alibun nakokau kedau ekabaka aiŋer anyake. 2Kosodi kanen kedau emaase ainyam anya nuka akwap, kasodi eoŋ atemar atiar,
“Wu Ejakait EDEKE, kenainait, kisioni!
Ikwaikini do ai Yakob ebwoi?
Naarai edit ŋesi!”
3 #
Ikis 32:36; Sab 106:45; 1 Siit 21:15; Kos 11:8; Yok 2:14; Yok 3:10; Yak 5:16. Kiitu EJAKAIT kanun;
Kobala EJAKAIT ebe, “Mam ejauni.”
4Abu Ejakait EDEKE ketodik kwanata: ido koany, kiworo Ejakait EDEKE erube loka akim; kidopoo ataro naepol, kouta aiŋiny akwap. 5Kasodi eoŋ atemar atiar,
“Wu Ejakait EDEKE, kenainait, kinyek! Ikwaikini do ai Yakob ebwoi?
Naarai edit nesil”
6 #
Sab 102:17. Kiitu EJAKAIT kanun;
Kobala Ejakait EDEKE ebe, “Mam nin da ejauni.”
7Abu ŋesi ketodik kwanata: ido koany, ebwoi EJAKAIT eiduny karwatat naadukio kebiriji, itiŋit ebiriji kakanike. 8#2 Ika 21:13; Isa 28:17; Mik 7:18. Katema EJAKAIT eoŋ atiar, “Amos, iany inyo?” Kabala ebe, “Ebiriji.” Kosodi EJAKAIT atemar atiar,
“Koany, ebwaikini ebiriii kidin kikatuna Isirael; Mam bobo enaeenenei kes.
9 #
Age 26:23; 2 Ika 15:10. Itisilio aiboisio nuiceleleete nuka Isaak,
Iswapete aiboisio nukalaunak nuka Isirael;
Anyoikini da ekek loka Yeroboam kekilen.”
10 #
1 Ika 12:32; 2 Ika 14:23. Kosodi Amasia esasedoti loka Bet-el aiyakiar mama ejai Yeroboam ekabaka loka Isirael ebe, “Inerunit Amos asurokin jo kokidin kekek loka Isirael: mam akwap epedori atitiŋikin akekiro kere. 11Naarai ebala Amos kwanata ebe,
‘Etwani Yeroboam kekilen,
Abeit da ijoreorio Isirael Anyoun kakwapuke.’ ”
12Bobo da kotema Amasia Amos atiar, “Ŋo ekadwaran, kolot, kokerea akwap naka Yuda, konyam atap kaŋina, kodwara da kaŋina, 13#Amo 2:12. Konye sirikidwara bobo koBet-el; naarai ŋes aibois nakalaunan naka ekabaka, erai da etogo loka ekabakane.”
14 #
2 Ika 2:5; Sek 13:5. Kosodi Amos aboŋokin Amasia ebe, “Mam arai enabi, karaida okoku loka enabi; konye arai ekeeokon, ido eketemonokinon ikito luka esukumor. 15Abu EJAKAIT kalem kameet esipan, katema EJAKAIT atiar, ‘Kolot, kodwarak ikatuŋa Isirael.’
16 #
Isa 30:10; Mik 2:6. “Aso do, kiira akirot naka EJAKAIT.
Ibala ijo ebe, ‘Sirikidwar aluikin Isirael,
Sirikilimonok aluikin ekek loka Isaak.’
17 #
Yer 28:12; 29:21; Aku 5:11. Kanuka ŋun ebala EJAKAIT kwanata ebe:
Eraun akoniberu naadote kotoma ore,
Ibiroros idwekon lusap ka lupesur kekilen,
Ekorio alupokon kaitemis;
Ŋo da itwanikini akwap namam elai,
Abeit da ijoreorio Isirael anyoun kakwapuke.”
Currently Selected:
Amos 7: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
