Aswamisio 11

1Kosodete kiirasi ikiyakia ka iinacan luajaas Yudaya ebe eyuut Imo da akirot naka Edeke. 2#Asw 10:45. Kosodi nakedolunio Petero Yerusalem, ko pegata lukekepitai nepepe kaŋes, 3#Gal 2:12; Pes 2:11. kobalas ebe, “Ibu kolot otuŋa lumam ekepitai, komorata kakes.” 4Konye kogeu Petero aitejenun kaisudunyit, kotema atiar, 5#Asw 10:9-48.“Abu kajai ore loka Yopa elipi; kogelakin ekamoyo kaany aitapoet, ijesun ibore, bala aisuka naepol, ijoliliunio kokuju kowaitin iwoŋon; kadolok. 6Kerere, kaŋic, ido kaany itiaŋ luka akwap, ka itiaŋ luededeŋ, ka lueliatos, ka akweny nuka apak. 7Keira eporoto ebala ebe, ‘Petero, konyou; koar, konyam.’ 8Konye katema atiar, ‘Mam cut, Ejakait; naarai ibore yenerai yeniketal karaida yenimam elai mam elomarit cut aitukuka.’ 9Konye Koboŋok eporoto irwan nakiareit ebuni kokuju ebe, ‘Lukitalauni Edeke mam ibusakinit jo anyarit luketal.’ 10Kiswama akirot na irwan auni, kosodi kiriarai bobo kere toma akuj. 11Atipet ŋipeŋin, kobwaata ituŋa iuni koiŋaren ketogo lokija, lukiyakuunio mama ajai koKaisarea. 12Kalimok Emoyo aupar kakes komam abuonokin. Koloto iinacan lu ikanykape nepepe keoŋ, kalomasi togo loka etuŋanan kaje. 13Kitejenik epone lokeanyunia emalaika lokebwoi kotogoke ka atemar ebe, ‘Kiyakia ituŋa Yopa, konyarau Simon loenyaritai Petero; 14lokilimokini akiro nukitaiarete, ijo ka lukokalekon kere.’ 15Konye napageari einer, kodoik kes Emoyo Lokalaunan kwape kiidoikinio oni kageunet, 16#Asw 1:5. Keitu do akirot naka Ejakait, kwape kinerar ebe, ‘Abu Yokana kibatis kakip, konye yes kibatisao kEmoyo Lokalaunan.’ 17Aso arai ainaki Edeke kes ainakinet ŋin nakiinakinit oni nakiyuunia Ejakait Yesu Kristo, eoŋ bo iŋai lotiapedori airebokin Edeke?” 18#Asw 13:48; 14:27. Nakiirariata akirot ŋin kililiŋata. Kitopoloosi Edeke, kobalas ebe, “Ainak Edeke kiton Imo da aitoronikin naeyauni ajiar.”

19 # Asw 8:1-4. Kosodete lukisiarakinos kanuka aimanit nakedoikini kanuka akiro nuka Sitepan, koloto kiton Poenike ka Kupuro ka Antiokia, komam elimonokinete akirot dimarai oYudayan bon, 20Konye ice kaŋul luko Kupuro ka Kurene, nakedolioto Antiokia, kinerata ka Iyonanin da elimonokinete akiro nukajokak nuka Ejakait Yesu. 21#Asw 2:47. Kojai akan naka Ejakait nenipe kakes, kiyuut ituŋa luipu kibelokinos neejai Ejakait. 22#Asw 4:36. Kodol eemut loka ituŋa kaŋul aki nuka ekanisa lokejai toma Yerusalem, kiyakiasi Baranaba Antiokia. 23#Asw 13:43. Nakedolio koany da asianut naka Edeke, kiyalamikin; kicor kes kere aikokoikin aimorikikina ka Ejakait kikecetauon kere; 24#Asw 5:14; 6:5. naarai kerai etuŋanan loejok, loeleleba Emoyo Lokalaunan ka aiyuun. Kiyatakinos ituŋa luipu mama ejai Ejakait. 25#Asw 9:30. Kosodi kolot Baranaba Taruso amoot Saul, 26#Gal 2:11; Asw 26:28; 1 Pet 4:16. Nakedumunia koyau ŋes Antiokia. Kosodi kanen kotukonokinos nenipe kekanisa adaun ekaru kere, kisisianakis ituŋa luipu; ido kotoma Antiokia Ŋes ageunere amaikin ikesisiak Ikristayon.

27 # Asw 13:1; 15:32. Kapaarasia kaŋun kijesaros inabin anyoun koYerusalem kiton Antiokia. 28#Asw 21:10. Kobwo ediopet kakesi ekekiror Agabo, kodwar kanuka Emoyo ebe, ebuni ebeli loepol anatar akwapin kere; kojau da kapaarasia nuka Kulaudia. 29#Gal 2:10. Kinerut ikesisiak, ŋinituŋanan kwape epedoria, aijukakin iinacan lueboiete ko Yudaya iboro luiŋarakinete; 30#Asw 12:25. Kiswamata kwaŋin, kijukakis imakio kakanin nuka Baranaba ka Saul.

Currently Selected:

Aswamisio 11: AOV1961

Highlight

Copy