Aswamisio 12
12
1 #
Asw 4:3. Kapak kaŋin korio Kerode ekabaka akekanin aikonakin erono ice lukokanisa. 2Koar Yakob onace loka Yokana kekileŋ; 3nakeanyunia ebe itojokito Iyudayan, kiyatak aikamun Petero da. Keraas apaarasia ŋun nuka Imugatin lumam itubuunitoi. 4#Any 12:1-27. Nakedaunia aikamun, kogolok aidaris, kibwaik akanin nuka irioŋeta iwoŋon luka iserikalei iwoŋon iwoŋon, tetere idarete; kokoto aitolomun ŋes neejaas ituŋa kedaun Aleleŋ. 5#Yak 5:16. Aso kidarai Petero kaidaris; konye kinyikokis noi lukokanisa ailip Edeke kanukeŋ.
6 #
Asw 5:22,23. Kakuar kaŋin naakotor Kerode aitolomun ŋes, kojotoi Petero kokidiŋ kiserikalei iarei, eenitai kirikoi iarei, kojaas ikedarak okek idarete aidaris; 7#Asw 5:19. ido koany, kobwo emalaika loka Ejakait aapu kaŋes, kocau aica kagola; kinom Petero osiep kitwekeny, kobala ebe, “Konyou atipet.” Kodooto irikoi kakaninike. 8Kotema emalaika ŋes atiar, “Konap, kirupak da akonimuk.” Kiswama kwaŋin, Kotema ŋes atiar, “Kimukok ekonilou, kotupunai.” 9Koloma kotup ŋes; mam abu kojen ebe nueswamai emalaika eraas nukabeit, konye aomit ŋesi ebe aanyu aitapoet. 10Naketuborotor kaidaret nasodit ka nakiareit, kodoloto okek lokasua lolomaret kiŋa toma ore; koŋaari bon, kolomasi kiŋa kitoroto orot ediopet; atipet kinye ŋes emalaika. 11Kosodi nakejenunia kotema atiar, “Kwana ajeni abeit ebe ejuku Ejakait ekemalaika alemun eoŋ kakan naka Kerode ka kere nuemuno ateker naka Iyudayan.”
12 #
Asw 12:25; 15:37. Nakedaunia aomoom ŋun, kolot togo loka Mariam, toto naka Yokana ŋol loerai ekekiror lokiareit Marako; ketukokina ituŋa luipu nen, ilipete. 13Nakikuŋukuŋio ekek loka erute, kobu apese ekekiror Roda ajaar. 14Nakejenunia eporoto loka Petero, mam eŋaara ekek kanuka aiyalama, konye koker koloma toma, kobala ebe, “Ebwoi Petero kokek.” 15#Asw 26:24; Luk 24:37. Kotemasi ŋes atiar, “Kikerepiki ca ijo.” Konye kitogogoŋ noi ebe ikote nen. Kotemasi atiar, “Erai ekemalaika.” 16Konye kiyatak Petero aikuŋukuŋ; kiton neaŋaariata, koanyutu ŋes, koumokis. 17Konye kisililin kes kakekan, kitatamik kes kwape kelemunia ŋes Ejakait kotoma aidaris. Kotema atiar, “Kolimokis Yakob ka iinacan da akiro ŋun.” Kosodi konyou kolot aibois ace.
18 #
Asw 5:21,22. Nakiwalaria akwap, kobur iserikalei kanuadoikis Petero, 19Nakemoia Kerode komam edumuni, kiŋitiŋit ikedarak, kicorak aario. Kosodi kijesar anyoun koYudaya alosit Kaisarea, kosalak nen.
20 #
1 Ika 5:9,11; Esk 27:17. Konyunyurik Kerode ituŋa luko Turo ka Sidon, kolosikis Ŋes ketau ediopet, ido kedaut aipaperikin ka Bulasito, lokedaran agola naperot naka ekabaka, kilipa ainapakin, naarai kedumunit akwapukec inyamat kakwap naka ekabaka. 21Kapaaran naaseunitai konap Kerode ikenapen luka ekabakane, kiboikin oicoloŋ loka ekabakane, kiner akiro kamakec. 22#Esk 28:2. Kocelut ituŋa kobalas ebe, “Ŋes eporoto loka edeke, mere loka etuŋanan!” 23#Dan 5:20. Atipet kinom emalaika loka Ejakait, naarai mam kitubusikinit Edeke; konyamata ŋes ikur, kotwana.
24 #
Asw 6:7; Isa 55:11. Konye kiyatakin akirot naka Ejakait, konyanyaar.
25 #
Asw 11:29; 12:12; 15:37. Koboŋosi Baranaba ka Saul koYerusalem, kedaut aijaanakinikec, kouparos Yokana loenyaritai Marako kakes.
Currently Selected:
Aswamisio 12: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
