2 Ikorinton 9
9
1 #
2 Kor 8:4,20. Mam epuda aiwadikakin yes nuka aijaanakin lukalaunak. 2Naarai ajeni akusikapakina naaolobobotor kanukus mama ejaas Imakedonian, ebe etemokino Akaia ameun kokaru kaje; abu akukuranutukus da kisidik luipu. 3Konye ejuku iinacan kinyek aolobobotekosi kanukus araun atitai kakirot kaŋin, tetere itemokino yesi, kwape abu kenerar; 4kosodete arai epote Imakedonian nepepe keoŋ kodumut da yes mam itemokino, kinyeis ilek airum sio, komam kinera yes da, kamuno kaŋin, 5Aso abu kaomit ebe kebusakinit aicor iinacan koliŋa aponare mamakus, kogeut kesi aitemokin arereŋ ŋin naipotu kisumunoto, tetere etemokin, mere kwape naitelemunitai kwabo nakarereŋ,
6 #
Awa 11:24; 19:17. Konye enera nata ebe, yeneyei luikidioko, esaki da luikidioko, yeneyei da karereŋ, esaki da karereŋ. 7#Rom 12:8; 1 Siit 29:17. Kiswama ŋinituŋanan kwape inerunitor kotauke, mere kaiturur karaida kaitiŋaikin, naarai emina Edeke yenekori kalakara. 8Konye epedori Edeke ainakin yes asianut kere naidila; tetere yes da itekoro apaarasia kere kakiro kere, idilas aswamisio kere nuejok. 9#Sab 112:9. Kwape iwadikatere ebe,
“Akoro ŋesi, ainaki Iuilwaritos,
Ejaenena akedolit ikar kere.”
10 #
Isa 55:10; Kos 10:12. Konye ŋol loeinakini ikayean ikinyom, lunyaman da ainyam, einakini ka aitupuu ikinyomokus, iyatakini da araito nuka adolitekus. 11#2 Kor 1:11; 4:15. Kitabario yes kakiro kere kiton abar naka aikor kere, naeyauni aimal Edeke kanukosi. 12#2 Kor 8:14. Naarai aswam naka aijaanakin na mam bon itodoli nuetwakiarito lukalaunak, konye idila da kanuka aimalaesia nuipu mama ejai Edeke. 13Kanuka aitem naka aijaanakin na itopoloorete Edeke kanuka arimanutukus alimor Akiro Nukajokak nuka Kristo, ka abararakus naka eidicane mamakec ka ituŋa da kere; 14kes da ilipanakinete yes, imielas yes kanuka asianut naka Edeke naedeparit mamakus. 15Kimalai Edeke kanuka ainakineteke namam epedorio aitejenun!
Currently Selected:
2 Ikorinton 9: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
