2 Ikorinton 10
10
1 #
1 Kor 2:3; Gal 5:2. Eoŋ Paul keŋaiŋait yes, kanuka aiyapepera ka aiyamara naka Kristo, eoŋ loarai loitasono nakijaar kayes, konye naamamear loacerededet kamakus, 2#1 Kor 4:21. konye elipi ebe nakijaar kayes kenyek aeereded kamuno kaŋin naaomit atitiŋikin kama ka icetuŋa lueomito ebe kilosenenei isio kwape ejaar akuan. 3Naarai karaida kilosenenei toma akuan, mam kijio kwape ejaar akuan, 4#Pes 6:13-17. naarai lujiis luka ejiewok mam eraas luka akuan, dimarai luka apedor mama ejai Edeke, amudiar aiboisio nuegogon, 5Kimudiari ipegeta, ka ŋiniirebokinet naikiaritai asurokinia aijen naka Edeke, kijoreori da ŋiniwomisioit arimar Kristo, 6#2 Kor 2:9. kitemokin da ainyaŋ amamus arimar kere, naitodolere arimanutukus.
7Kosesenete nuejaas akonyenekus, Arai itogogoŋit ituŋanan ebe erai yenika Kristo, koomoom bobo na kanuke ebe, kwape eraar ŋesi yenika Kristo, kirai isio da kwape kwaŋin, 8#2 Kor 12:6; 1 Kor 5:4,5. Naarai arai aoloboboi adepar nuka apoloukosi, naabu Ejakait koinak aiduk yes kwabo mere amudiar, mam kesurumio ilek. 9Tetere mam asubit bala etukuriani yes kanuka ibaluanaka. 10Naarai ebalasi kesi ebe, “Elaŋir ikebaluan, egogoŋ da, konye naejaar ŋesi kasio ekalanyana akekuan, akekirot da mam epodoi.” 11#2 Kor 13:2,10. Kojenut luikote nen ebe nukinera kibaluan nakimamear, ŋupeŋun kiswamai da nakijaar, 12#2 Kor 3:1; 5:12. Naarai mam kineikina atubokina arai aitiriana bonik ka icetuŋa luiturokina, Konye kes itemos bonik ka bonik, itirianas da bonik ka bonik, emamei kes ajenun.
13 #
Rom 12:3. Konye mam sio kiwoloboboi adepar aitemis, konye kwape ejaar aitemis naka aikor loekorakinit Edeke sio kwape aitemis, adolokin kiton yes da, 14Naarai mam kinyaara bonik, bala mam kidolokinit yes; naarai kigeik isio adolokin yes toma Akiro Nukajokak nuka Kristo. 15#Rom 15:20. Mam kiwoloboboi adepar aitemis kotoma aitaaritoi naka icetuŋa; konye kimuno ebe naiyatanakinor aiyuunikus, kitopoloorio sio kotomakus kwape ejaar eikorukos kiton adepar da, 16#Asw 19:21. tetere kilimonokini Akiro Nukajokak aiboisio nuelitoro kamakus, komam kiwoloboboi oikor loitemokino loka icetuŋanan, 17#Yer 9:24; 1 Kor 1:31. Konye “Yeneolobobot, koolobobote kotoma Ejakait.” 18#1 Kor 4:5. Naarai yeniturokina, mere ŋin yenecamunitai, dimarai yeniturit Ejakait.
Currently Selected:
2 Ikorinton 10: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
