Param Marikanka 8
8
Sîl 7 bara dus mâka kîa yamni angkaika watla gul ni paskan ba
1Sîp Luhpia ba mita wauhkataya ra sîl 7 ba krikan ba ra, kasbrika pura ba sâp takan awar bakriki. 2Baha ningkara insal 7 Gâd mawanra bûi nani kan ba kaikri; witin nani ra trumpit 7 yan kan. 3Baha wina insal wala kum balan, witin lika dus nani mâka kîa pain angkaika watla kum gul ni paskan ba bri kan, bara altar ba mawanra bûi kan.#Em 9.1. Witin ra dus nani mâka kîa pain uya yan kan,#Imp St 30.1,3. Gâd uplika nani sut pura sunra nani ra praki gul altarka king iwaika mawanra kan ba purara.#Law 141.2; Par M 5.8. 4Bara dus nani mâka kîa pain kiasmika ba insal mihta wina Gâd mawanra uli kan, Gâd uplika nani pura sunra nani ba wal. 5Bara insal ba dus nani mâka kîa angkaika watla ba brih, masku ami altar kan ba ni banhki muni, wan tasbaya purara lulkan; bara alwani nani takan,#Lib 16.12; Isi 10.2. bin nani, imyula nani, tasba nikbanka sin.#Imp St 19.16; Par M 11.19; 16.18.
Trumpit nani ba
6Bara insal 7 trumpit 7 bri kan ba, mahka puhbaia ridi taki kan.
7Insal pas ba ai trumpitka puhban, bara lî mâ tara nani, pauta lakni tala wal miks auhan, bara baha ba wan tasba purara lulkan kan.#Imp St 9.23-25; Isi 38.22. Wan tasba na mânka yumhpa wina kumi ba ami tiwan, dus nani mânka yumhpa wina kumi ba prui kan, bara twi kura mânka yumhpa wina kumi ba sin.
8Insal wala ba ai trumpit ba puhban, bara il tara kum baku pauta wal klauhi kan ba, kabu ra lulkan dimwan. Kabu ba mânka yumhpa wina kumi ba tala baman takan,#Imp St 7.17-21. 9bara kabu ra daiwan nani raya iwi ba mânka yumhpa wina kumi prais ba sut prui tiwan, bara duri tara nani mânka yumhpa wina kumi prais ba sauhki tikan kan.
10Insal yumhpika ba ai trumpitka puhban, bara slilma tara kum awas klauhi baku kasbrika pura wina kauhan.#Ais 14.12. Baha ba awala nani bara lî kârma nani mânka yumhpa wina kumi prais purara kauhan. 11Baha slilma nina ba tânka Tahpla. Bara lî nani mânka yumhpa wina kumi prais ba lî tahpla takan, bara upla ailal laya din ba sut pruan, baha ba tahpla kan bamna.#Jir 9.15; 23.15.
12Insal walhwalka ba ai trumpitka puhban, bara wan yu lapta mânka yumhpa wina kumi prais ba sauhkan kan, kati mânka yumhpa wina kumi prais, bara slilma nani mânka yumhpa wina kumi prais sin. Baha mita, baha nani mânka yumhpa wina kumi prais ba tihmu takan,#Imp St 10.21-23; Ais 13.10; Isi 32.7; Jl 2.10,31; 3.15. bara kakna mânka yumhpa wina kumi prais bara tihmia mânka yumhpa wina kumi prais sin ai ingnika yabras kata.
13Baha ningkara yang kaikri, bara yakal kum kasbrika pura ba lilapas ra pâli tauki kan walri; witinka ai bîla baikra tara ni aisi kan: “¡Alai, alai, alai kabia, tasba ra iwi uplika nani ba mapara, trumpit nani na insal wala yumhpa ba puhbia ba ra!”
Currently Selected:
Param Marikanka 8: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
