Param Marikanka 11
11
Witnis wâl ba
1Witin nani wina dus kum aikan, yauhrus dusa baku kan, baha ni diara kulkaia, bara naku ai aisan: “Bus, bara Gâd tempelka bara altar ba sin kulki kaiks,#Isi 40.3; Sak 2.1-2. bahara upla nani ai pura suni mayuni ba sin kulks. 2Sakuna tempel kutbanka painkira latka ba tani lika kulkpara, kan baha ba upla tringsar nani mihta ra mangkan sa, bara witin nani tawan holikira ai mina ni taibi bribia kati 42 prais.#Dn 7.25; 12.7; Lk 21.24. 3Bara yang mita witnis wâl blikamna daihra aisaia dukiara yu 1,260, bara witin nani sari kwalka sin dimi kabia.”
4Naha witniska wâl sika oliv dusa wâl ba, kiandil mina wâl ba sin, bara baha nani ba tasba Dawanka mawanra mangkan sa.#Sak 4.3,11-14. 5Upla kum mita baha nani ra saura munaia lukbia kaka, witin nani ai bîlak pauta aswan saki ai waihla nani ba angki âpu pali daukisa; bara baku ya ya mita witin nani ra saura munaia lukbia ba, sut prubia. 6Baha witniska nani mita kasbrika pura ba prakaia karnika brisa, bara Gâd dahra aisabia yua nani ra sin, yaka lî auhaia apia.#1 Ki 17.1. Witin nani lî ba tala ra lakaia karnika brisa,#Imp St 7.17-19. bara pât saura sât sât ni tasba ra rausauhkaia sin,#1 Sa 4.8. aima an witin nani want kabia ba kat.
7Sakuna ai warkka ba dauki tnata alkbia ba ra, daiwan aihka saura kum tihu tara wina taki aula ba,#Dn 7.7; Par M 13.5-7; 17.8. witin nani mapara aiklabia, witin nani ra sin pura lubia bara sut kat ikbia.#Dn 7.21. 8Ai wîna tara nani pruan ba, wan Dawan dus prihni ra saban tawanka tara wakpaska nani ra prawi kabia. Baha nina ba pirit tânka mapa ra Sodoma mâkisa,#Ais 1.9-10. Idsip sin. 9Bara yu yumhpa pura bakriki upla sât sât nani ba, taika nani ba, bîla sât aisi nani, nisan nani wina sin, baha nani wîna tara pruan ba kaikbia, bara swika bikbia sin apia. 10Tasba ra iwi uplika nani ba naha wâl pruan na dukiara lilia baman kabia. Witin nani lilia tara dauki, pana pana ai walka ra prisant blîkbia; kan baha witniska wâl Gâd dahra aisi nani kan ba mita, witin nani ra uya rausauhki kan bamna.
11Sakuna yu yumhpa pura bakriki ba ningkara, Gâd mita kli rayaka yaban ba ra kli buan,#Isi 37.5,10. bara witin nani ra kaikan uplika nani ba sut sibrin tara alkan. 12Baha ningkara, witnis wâl ba kasbrika purara ba wina bîla baikra kum witin nani ra aisan walata: “¡Man nani pura na ra uli bal!”#2 Ki 2.11. Bara ai waihla nani kaiki kan ba ra kasbrika purara uli wan kasbrika kum bilara. 13Baha sim piua tasba nikban tara kum takan,#Par M 6.12; 16.18. bara tawan ba mânka matawalsip daukan wina kumi ba kauhan, bara tasbaya nikbanka ba mita upla 7,000 pruan. Uplika nani pruras swakwan ba sibrin tara alkan, bara kasbrika purara Gâdka ra mayunra yabi kan.
14Pât saura wâl ba lui wan; sakuna naika pali yumhpika ba aula.
Trumpit matlalkahbi pura kumika ba
15Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan:
“Naha tasba kingka lâka ba
nanara wan Dawan dukia sa,
ai Kraistka dukia sin,
bara witin ban kaia ra king aimaki kabia.”#Imp St 15.18; Dn 2.44; 7.14,27.
16Bara almuk 24 nani ai king iwaika nani ra iwi Gâd mawanra nani kan ba, ai mawan nani ra tasba kat kauhi, Gâd ra ai pura suni mayuni kan, 17naku aisi:
“Dawan Gâd, man karnika sut brisma ba,
man ban sma ba, ban katma ba, bara balaia sma ba,
yang nani tingki mai wisna,
karnikam tara ba brih mahka king aimakram bamna.
18Nisan nani ba kupia baiwisa,
sakuna man lawankam yua ba balan sa,#Law 2.5; 110.5.
pruan nani lâka daukaia piua ba sin,
bara dukiam dadaukra nani man damhra aisi kan ba ra
ai prisantka ba yama,
holikira nani ra, bara ninam kulki nani ra sin,
tara nani, apia kaka, sirpi nani kabia sin.#Law 115.13.
Naha tasba sauhki uplika nani ra,
sauhki tikaia katma piua ba balan sa.”
19Bamna Gâd tempelka kasbrika purara ba kwawan, bara lâ auhbaia watla ba tempel ra kaikan kata. Bara imyula nani, bin nani, alwani nani, tasba nikban sin kum takan, lî mâ tarka tara nani sin auhan.#Par M 8.5; 16.18-21.
Currently Selected:
Param Marikanka 11: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
