Popular Bible Verses from Param Marikanka 11

Share

Insal matlalkahbi pura kumika ba ai trumpitka puhban, bara kasbrika pura ba wina bîla baikra tara nani wali banhwan. Baha nani naku aisi kan: “Naha tasba kingka lâka ba nanara wan Dawan dukia sa, ai Kraistka dukia sin, bara witin ban kaia ra king aimaki kabia.”

Nisan nani ba kupia baiwisa, sakuna man lawankam yua ba balan sa, pruan nani lâka daukaia piua ba sin, bara dukiam dadaukra nani man damhra aisi kan ba ra ai prisantka ba yama, holikira nani ra, bara ninam kulki nani ra sin, tara nani, apia kaka, sirpi nani kabia sin. Naha tasba sauhki uplika nani ra, sauhki tikaia katma piua ba balan sa.”

Bara yang mita witnis wâl blikamna daihra aisaia dukiara yu 1,260, bara witin nani sari kwalka sin dimi kabia.”

Sakuna yu yumhpa pura bakriki ba ningkara, Gâd mita kli rayaka yaban ba ra kli buan, bara witin nani ra kaikan uplika nani ba sut sibrin tara alkan.

Baha witniska nani mita kasbrika pura ba prakaia karnika brisa, bara Gâd dahra aisabia yua nani ra sin, yaka lî auhaia apia. Witin nani lî ba tala ra lakaia karnika brisa, bara pât saura sât sât ni tasba ra rausauhkaia sin, aima an witin nani want kabia ba kat.

Naha witniska wâl sika oliv dusa wâl ba, kiandil mina wâl ba sin, bara baha nani ba tasba Dawanka mawanra mangkan sa. Upla kum mita baha nani ra saura munaia lukbia kaka, witin nani ai bîlak pauta aswan saki ai waihla nani ba angki âpu pali daukisa; bara baku ya ya mita witin nani ra saura munaia lukbia ba, sut prubia.