Lawana Nani 90
90
LAWANA 90 (89)
LAWANA WAUHKATAYA WALHWAL
(Lawana 90—106)
Dawan ban kaia ra ba bara upla swapnika ba
Dawan uplika Moses pura sunra ba.
1Dawan, kan wina man wan yukuwaika watla ban sma,
piua nani sut tilara.
2Il nani ba kau paskras kan wina,
tasba na bara tasba aiska sin kau daukras kan ba ra,
piua nani sut wan kanra aula ba ra,
man ban wan Gâdka sma.
3Upla ba kli tasba yamhpuska daukisma,
man wisma bara:
“Ay, upla nani, tasba yamhpuska ra kli taws.”
4Kasak sa, mani tausin ba man mampara
nahwala yua lui wan ba baku sa,#2 Pi 3.8.
manka nani ba tihmia kum yapan lui ba baku sa.
5Man upla nani ra saura pali,
lisamra baku raski brih auma,
sim yaprisauhkan kum baku;#Ais 40.6-8.
6sin inta wahia ba baku urhwi takisa,
titan ra ai tangnika baiwisa,
sakuna tutni ra pat srawi pruisa.
7Kasak sa, man lawankam ba mita âpu wan daukisa,
¡bara wan sinska sin tanis dauki swisa!
8Wan saurka bara wan watawika nani ba,
man mamwanra kahbi swin sa.
9Kasak sa, wan rayaka nani sut ba lui auya,
man lawankam ba mita;
wan manka nani ba sin lui auya,
wingka puhbra kum baku.
10Yawan raya ba 70 mani;
upla kau dutki nani ba lika 80 mani kat kau raya sa;
sakuna kau wihka tasba ra raya kaia luki uplika ba,
trabil nani bara wark nani baman bri bal sa.
Mani nani ba pat lui auya ba baku,
yawan sin manka ba lui auya.#Job 14.1; Smas 2.23; 11.8.
11¿Ya kaikisa man lawankam karnika ba?
¿Ya kaikisa man kupiam baiwanka ba?
12Yui nani ba pain kulkaia,
yang nani ra ai smalks,
bara wan kupia ra sins lâka ba briaia.
13¡Dawan, yang nani ra kli tawi bal!
¿Nahki kau piua wihka tiwaisma?
¡Naha nampakan nani ra kupiam swapni ni kaiks!
14Lamtwanka lâka ni ai banhs yu bani ra,
bara liliakira aiwani kamni raya sna ba yua sut ra.
15Lilia yua nani ba manis aik
sim trabil nani manka briri ba baku.
16¡Man bui yas nampakan nani bara kiamka nani ra sin
kaikbia man warkkam bara pramna ba!
17Dawan, yawan wan Gâdka, kupiam yamnika ba
yang nani purira kabia.
¡Dawan, wan warkka nani ba aitani wisa!
¡Âu Dawan, wan warkka nani ba aitani wisa!
Currently Selected:
Lawana Nani 90: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
