Lawana Nani 88
88
LAWANA 88 (87)
Dawan, ¿dîa muni saura ai kulkisma?
Coré luhpia waitna nani aiwananka, lawana. Aiwani nani tâ bri ba wina, siknis ba pura sunra. Hemán Esdras wina ba smalki win naha aiwanaia.
1Dawan, Gâdki bara Sasakriki,
kakna ra bara tihmia ra hilpkam makabisni,
2¡puri sunra ba wals!,
¡makabanki ba kiamam pri tniki wals!
3Saura ba purira bal kauhan sa,
pruaia lamara kat ai brih wan sa;
4¡pruan nani tilara pat ai kulkan sa,
kan karniki sin âpu takan sa!
5Pruan nani tilara mahka bri si ai lulki swin;
yang na war ra pruri baku sna,
bara pat ai bikan sa;
man kaini kahbaika baku apia sma
bara yang na pat âiya mai tikri baku sa.
6Yang na unta kau pakni ba ra ai lulkram sa,
tihmia tara pliska ra bara kau tihu ba ra sin.
7Lawankam ba purira blikram sa,
¡ripkam nani wirhika mununhtara ai rungkram sa!
8Upliki nani ba ai lulki swiaia daukram sa;
witin nani dukiara sip kupi alki takaskras.
¡Yang na silak watla ra ai mangkan,
sip taki plapras ba baku sna!
9Uya inri bara sip diara kaikras takri.
Yu bani man ra winisni,
¡Dawan, man ra yang mihti nani ba bukisni!
10¿Ban pali kra sip sa pruan nani dukiara diara
aihka daukaia? ¿Ban sin sip sa pruan nani
ba tingki mai wiaia?
11¿Ban kra kasakkam lâka bara lamtwanka lâka
ba dukiara aisaia raiti ra prura king lâka ra?
12Prura distika nani ra,
bahara sika diara sut wan âuya tiwi ba,
¿bahara upla bâra kabia ki
wapnikam lâka bara diara pranakira daukisma ba kaikaia?#Job 10.21-22; Law 6.5; 115.17; Ais 38.18-19.
13Sakuna yang, Dawan, yang bui man ra winisni;
titan wina man ra puri sunisni.
14Dawan, ¿dîa kan bahki ai kulkisma?
¿Dîa kan yang wina yukuwisma?
15Wahma katna yua wina, sari man kapri,
prura lamara sin wataukri, pât saura nani sin
wauhri man wina, bara kau sip apia sna.
16Man lawankam tara ba purira balan,
bara puri luan.#Job 6.4.
17Awar bani kutbi kir ai brisa,
lisamra tara dingkan ba baku.
18Upliki nani bara pâinika nani wina
laihura ai sakram sa,
bara nanara tihmia ba baman wal upliki takan sa.
Currently Selected:
Lawana Nani 88: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
