Oseas 7
7
1upliki nani sikniska ba sîka yuki rakaia lukuna ba ra,
Efraín bara Sameria ra,
witin nani saura dauki watawika nani ba,
baiwi param takisa.
Kan witin nani sut kunin aisaia lan takisa;
âimplikra nani baku, utla nani ra dimisa,
yabalka kat upla nani ra implikisa.
2Witin nani luki kaikras sa
watawika lâka nani dauki ba, yang kupi ra brisna.
Nanara witin nani ai daukanka nani daukan ba mita, ai tnaya kir kutbisa,
daukanka nani ba naikra ra ban bâra sa.
Wihta nani daukanka saura kan ba
3“Upliki nani watawika lâka dauki, kunin aisi ba,
king bara wihta nani sut baha wal lilia takisa.
4Witin nani sut ba ai maya lâka krakrikra atia:
brit angkaika kubuska baku sa,
pauta muki swin ba ra, pauta mamukra ba,
krauhni puskaia bîla kaiki ba baku sa.
5Yawan wan kingka kraunka mangkaia yua ra,
wihta nani mita, king ra wain dakaki
baha laptika mita, yan ban siknis takan.
¡Bara king ai lawaska kiki nani ba purara, witin ai mihta sakban!
6Ai lukanka ba marikras,
diara danh ba natka ra lapta daukisa,
kubus kum muki swin aswi ba baku;
brit âiangkra ba, tihmia aiska yapisa,
sakuna titan kat kubus ra pauta ba ban buki klauhisa.
7Âu, witin nani sut kubus baku aswi banhwisa,
ai wihtka tara nani ba langkan.
Ai kingka nani ba sut kauhan,
bara upla kumi sin âpu sa, yang ra ai pura suni ba.
Upla nani Dawan wina laihura wan ba
8“Efraín upla sât wala aikuki asla takan.
Efraín ba turtiya
tnaya kumi baman kiswan ba baku sa.
9Upla sât wala nani ba mita ai karnika ba implikan
witin ai dara walras pali kan.
¡Tâwa ba sut pihni daukan,
witin ai dara walras pali kan!
10Israel tara pali takan ba, ai daukanka ba mita,
ai mapara witniska aisisa.
Baha daukanka sut wal,
witin nani kli Dawan ra tawi balras,
Dawan ra sin plikras.
11Efraín ba, butku sinska tikan baku sa,
sins lâka âpu.
Idsip ra hilp makabisa,
Asiria ra sin hilp plikisa...
12Sakuna witin nani bahara wabia ba ra,
yang sin witin nani purara iliski lulkamni;
piawira nani alki baku, alki pâsa wina batakamna,
witin nani watawi daukan ba tâka, baku alkamna.
13“¡Witin nani sari pali takbia,
yang laima wina taki wan bamna!
Sauhki tikanka witin nani ra alkbia,
kan witin nani ba yang maipara buan bamna.
Yang bui witin nani swaki sakan ai daukisa,
sakuna witin nani, yang maipara kunin aisisa,
14witin nani ai krikrika ra aitniki karna winisa sakuna,
ai lukanka pali wina yang ra ai pura sunras.
Witin nani plawar, wain briaia dukiara
ai pura suni ba ra, ai lukanka ra insauhkisa;#Kli S 14.1; 1 Ki 18.28.
¡sakuna witin nani, yang maipara buan!
15Yang bui witin nani ra smalkri,
ai klahkla nani karnika sin yabri,
sakuna witin nani maipara saura daukaia luki kaikan.
16Witin nani aidul nani ra tawi wan;
witin nani trisba warha kum baku sa,
mark ra sabaia lulki ba kat sabras.
Upla ra swira dauki bîla nani aisin tâka,
wihta tara nani ba sut sord ra prubia,
bara Idsip uplika nani ai lawaska kikbia.
Currently Selected:
Oseas 7: MSKTU
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2010 Bible Society in Nicaragua