Oseas 11
11
Dawan bui upla nani ai mapara babura ba, ban latwan kaikisa
1“Israel luhpia nani ba kau tuktan kan ba ra,
yang bui witin ra latwan kaiki katna;
witin, yang luhpi waitna sa,
Idsip ra kan yang winri.#Imp St 4.22; Mt 2.15.
2Sakuna yang bui witin ra kau ban wini kapri ba ra,
witin ba yang wina kau laihura wan.
Yang upliki nani ba gâd bahki nani ra sakripais dauki yabi kan,
aidul nani ra dus taya kîa yamni angki yaban.
3Witin nani baku dauki kan sakuna,
Efraín kiamka nani ba, yang ban tapahki kapri.
Bara yang smalkri nahki wapaia ba;
sakuna witin nani tânka briras kan
yang bui witin nani ra main kaiki kapri ba.
4Witin nani ra sturi swapni aisi, latwan kaikisna lâka awa ni wilki,
yang laimara balaia raskri
mawan ba maiwan kat prakaia;
tuktan lupia nani kau tiala di kan ra klâki ba baku;
witin nani ra bawri plun dakakaia dukiara,
5sakuna witin nani kli, yang ra tawi balaia lukras.
Baha mita witin nani kli Idsip ra waia sa,
bara Asiria witin purara king aimakbia.
6Tawanka tara nani ba purara sord ba kauhbia,
bara ai kan kahbaika pliska nani mâkan ba âpu daukbia,
witin nani baku daukaia luki daukan ba mita, kli slingwi tiwbia.
7Upliki nani yang wina tnaya ra tawan ba baku, ban kaia lukisa;
purara ba ra karna wini kabia,
sakuna upla kumi sin witin nani ra hilp yabia apia.
8“Efraín, ¿yang nahki man mai swimna ki?
Israel, ¿yang nahki man mai lulki mai swimna ki?
¿Adma tawanka tara sauhkri ba baku, mai sauhkamna ki,
apia kaka Seboím ra daukri ba baku, mai munamna ki?#Kli S 29.23.
¡Yang kupi na wirha pali takisa,
latwan pali mai kaikisna ba mita!
9Yang kupi baiwan laptika ni, diara daukamna apia:
Efraín ba kli sauhki tikamna apia,
kan yang sika Gâd, yang lika upla baku apia.
Yang sika holi sna, yang lika man nani tilamra sna,
bara mai sauhki tikaia yang balras.”
10Witin nani lika Dawan nina blîkbia,
bara witin layan kumi baku ihbi kabia.
Ihbi kabia, bara ai uplika nani ba
tatatwi kira muna tani wina taki balbia.
11“Daiwan tnawira nani baku,
Idsip wina tatatwi balbia;
butku nani baku, Asiria wina balbia;
bara daukrika witin nani kli bal ai watla nani ra iwbia.
Yang, Dawan, kasak aisisna.
Dawan uplika nani watawika lâka ba
12 #Naha borska nani 11.12—12.14 na bors. wala 12.1-15 ra kli baku ulban sa, baku Hibru nani ulbanka baku sa. “Efraín kuninka lâka nani ba mita kutbi kir ai brisa;
Israel luhpia nani kunin aisi ba, kuninka mita ai kutban sa.
Juda ba Dawan wina dakwi takan,
bara nanara aidul nani aikuki lika wapni pali sa.
Currently Selected:
Oseas 11: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua