2 Timoti 4

1Gâd mawanra bara Jisas Kraist mawanra sin, witinka king baku bal pruan nani bara raya nani lâka daukaia ba, yang bui man ra kasak lâ maikuna, 2sturi yamni ba smalki kama, bara ban uya smalki bas, piua yamni brisma, bara âpu kama sin. Upla nani kupia alki bas, lawi dauki bas, bara tâ baiki bas, bara wihka bîla kaikaia lâka aiska ni upla nani ra smalks. 3Kan piu kum balbia ba ra upla nani ba smalkanka yamni ba kau lika walan daukbia apia, sakuna ai brinka karna nani nina blîkbia, bara smasmalkra ailal pliki bribia, witin nani dîa walaia want ba baman baha nani mita smalkbia dukiara. 4Kasak tânka ba wina tnaya ra tawbia, bara sturi bahki sât sât nani bîla wali nani kabia. 5Sakuna man lika sinskam ba ban yamni bri bas, pât nani wahwi bas, swaki sakan sturka yamni aisi smalkaia warkka ba dauki bas, napakan warkka brisma ba sin pain pali dauks.

6Yang lika sakripais ai daukan kaia piua ba pat aimakan sa; pruaiki awarka ba pat baila sa. 7Aiklabanka pain ba yang aiklabri, yabal ba aiska tnata kat plapri, kasak lukan lâka ba ban alki bri kapri. 8Bara nanara lika kasakka lâka prisantka ba, yang duki wisi sunan sa; bara baha ba Dawan mita, witinka lâ wihta kasakkira ba, baha yua ra aikbia. Bara yang ra baman lika aikbia apia, sakuna ani uplika nani latwan lâka wal witin balaia ba bîla kaiki nani ra sin.

Timoti ra kupia kraukanka nani yaban ba

9Man aihni pali muni yang ra bal ai kaiks, 10kan Dimas#Kol 4.14; Plm 24. ai lulki ai swih Tesalonaika ra wan, witin naha tasba dukia nani ba kau want kan bamna. Crescente lika Galesha tasbaya ra wan, bara Taitus ba#2 Ko 8.23; Gal 2.3; Tai 1.4. Dalmacia ra. 11Luk#Kol 4.14; Plm 24. baman yang wal sa. Mk#Ap St 12.12,25; 13.13; 15.37-39; Kol 4.10; Plm 24. ba pliki man wal bri bal, kan witin sip sa napakan warkka ra nâra hilp ai munaia. 12Tíquico#Ap St 20.4; Epe 6.21-22; Kol 4.7-8. lika Epesus tawanka ra blikri wan. 13Man balma ba ra, Troas tawanka ra#Ap St 20.6. Carpo watla ra prâika tara swiri ba sal aik, wauhtaiki nani ba sin, bara kau pali lika daiwan taya ra ulbri wauhkataya ba.

14Alejandro#1 Ti 1.20. bras warkka dadaukra ba, uya diara saura nani ai munan; Dawan mita witin ra dîa daukan ba kat ai mana yabia.#Law 62.12; Ro 2.6. 15Man lika witin ba aman kaiki bas, wan smalkanka ba mapara witin kasak buan sa bamna.

16Wihta nani mawanra yang pas pali daihra aisari ba ra, upla kumi sin hilp ai munras; sut ai swih plapan. Yang bui Gâd ra makabisna, baha ba witin nani mapara kulkan kabia apia. 17Sakuna Dawan hilp ai munan bara karnika sin aikan, bamna yang sip katna swaki sakan sturka yamni aiska ba aisi smalkaia, Ju apia nani ba sut walbia. Baku sika Dawan mita layan bîla ba wina swaki ai sakan, 18bara witin sin saurka sut wina dakbi ai sâkbia bara kasbrika purara ba ai kingka lâka bara swaki ai saki ai brih wabia. ¡Witin ra prana ba yaban kabia, ban kaia ban kaia ra! Baku kabia.

Prakaia lakula nani

19Priscila ra bara Áquila ra#Ap St 18.2,18. laikula blikisna, bara Onesíforo watla aiska ra sin.#2 Ti 1.16-17. 20Erasto#Ap St 19.22; Ro 16.23. lika Korint tawanka ra takaskan, bara Trófimo ba#Ap St 20.4; 21.29. siknis kan bamna, Mileto tawanka ra swiri. 21Trai kaiki lî piua kaina bal. Eubulo, Pudente, Lino, Claudia bara wan muihni nani sut mita, lamkula blikisa.

22Dawan Jisas Kraist man wal kabia, bara Gâd mita man nani sut ra yamnika maikbia. Baku kabia.

Currently Selected:

2 Timoti 4: MSKTU

Highlight

Copy