1 Korint 8
8
Aidul nani ra sakripais dauki yan pata ba
1Bara nanara, aidul nani ra sakripais dauki yan pata ba tânka aisisni. Kasak sa baha aisi ba: yawan sut tânka brisa; baha tânka kaikaia lâka ba wan munisa yawan na tara sa, sakuna latwan lâka mita lika spirit tani wankan pâwisa. 2Ani uplika diara tânka manis kaikisa luki ba, witin lika dîa tânka briaia lan kaia kan ba, kau lan âpu sa. 3Sakuna ani uplika Gâd ra latwan kaiki ba, Gâd mita witin ra kaikisa.
4Baku bamna, aidul nani ra sakripais dauki yan pata ba piaia, yawan kaikisa aidul ba naha tasba ra diara bahki pali sa, bara Gâd kumi baman sa, wala âpu. 5Bamna, kasbrika purara kra, tasba ra kra, gâd nani wi ba bâra kabia kra, bara baha tânka ra gâd ailal, dawan nani sin ailal bâra sa; 6ban sakuna, yawan mapa ra lika Gâd kumi baman sa, baha sika wan Aisa. Bara Aisa ba diara sut paskan, yawan na lika witin dukiara raya iwisa. Dawan sin kumi baman sa, baha sika Jisas Kraist. Witin mita diara sut ba bâra sa, bara witin bâk yawan raya iwisa.
7Sakuna upla sut naha tânka na kaikras sa. Upla tila nani aidul nani ra ai pura suni mayunra yabaia lâka ban dauki kan ba, naiwa yua kat ban baha pata nani ba pîsa, aidul nani ra sakripais dauki yan kan baku; witin nani kupia dara walra ba swapni sa, bara aidul ba mita tâski daukuya luki banhwisa.#Mal 2.10; Jn 1.3; Ro 11.36; Epe 4.6; Kol 1.16. 8Ban sakuna, plun ba mita Gâd lama pali ra lika wan brih wabia apia; bamna yawan na plun pibia ba mita kau pain nani lika takbia apia, bara plun piras ba mita kau saura nani sin takbia apia. 9Sakuna, aman kaiki bas, baha pri lâka bri banhwisma ba mita, yarka witinka nani ai kasak lukan lâka mapa ra swapni ba saura lâka ra batakbiara. 10Kan man, naha diara nani tânka kakaira sma ba, aidul kum tempelka ra iwi plun pima, bara sinska swapan uplika kum mita mai kaikbia kaka, baha uplika ba sin ai kupia dara walra sibrin âpu brih gâd bahki ra plun yan ba piaia sip sa. 11Bara baku, naha uplika swapan na, witinka ba muihkam bara witin dukiara sin Kraist pruan ba, man diara tânka kakaira sma ba mita tanis tiwbia. 12Baku bamna, wan muihni nani ai kasak lukan lâka mapa ra swapni banhwi ba kupia dara walra sauhkisma kaka, man nani ba Kraist pali mapara saura daukisma.#Mt 25.45. 13Baha mita, yang plun pisna ba mita muihki ra saura daukisa kaka, yang kli pali wîna pimna apia, muihki ba saura lâka ra batakaia apia dukiara.
Currently Selected:
1 Korint 8: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
