Zaburi 112
112
Amahirwe y’umuntu wubaha Imana#112.0 . . . umuntu wubaha Imana: iyi ni imwe muri za zaburi zigenewe kwigisha, ikaba ishimagiza umuntu w’intungane. Ni koko: Imana iha umugisha umuntu wese wihatira gukurikiza amategeko yayo, naho umugiranabi akarimbuka. Iyi nyigisho ni kimwe rwose n’iyo dusanga muri Z 1.
1Alleluya!
Alefu
Hahirwa umuntu utinya Uhoraho,
Beti
agahimbazwa n’amategeko ye!
Gimeli
2Urubyaro rwe ruzagira amaboko mu gihugu,
Daleti
ubwoko bw’abantu b’intungane bugire umugisha.
He
3Ubukungu n’umunezero bibarizwa iwe,
Vawu
n’ubutungane bwe buhoraho iteka.
Zayini
4Mu gihe cy’umwijima, yaka nk’urumuri,
rumurikira abantu b’intagorama.
Heti
Koko impuhwe, ineza n’ubutungane,
ni byo bimuranga.
Teti
5Hahirwa umuntu ugira impuhwe, kandi akaguriza abandi,
Yodi
ibintu bye aba abigengana ubutungane.
Kafu
6Nta bwo azigera ahungabana bibaho,
Lamedi
azasiga urwibutso rudasibangana.
Memu
7Ntakangaranywa n’ibihuha bibi,
Nuni
akomeza umutima akiringira Uhoraho,
Sameki
8umutima we uhora mu gitereko, ntagire icyo yikanga,
Ayini
agashobora kwirebera uko abanzi be bigorerwa.
Pe
9Agira ubuntu, agaha abakene ataziganya;
Tsade
ubutungane bwe bugahoraho iteka,
Kofu
akagendana ishema n’ubwemarare.
Reshi
10Umugomeramana, iyo amubonye, arajiginywa,
Shini
agahekenya amenyo, agashenguka;
Tawu
ibyifuzo by’abagomeramana biburiramo.
Currently Selected:
Zaburi 112: KBNT
Highlight
Share
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.