Zaburi 70
70
Isengesho ryo gutabaza Uhoraho#70.0 . . . gutabaza Uhoraho: iyi zaburi umuririmbyi atabarizamo Imana ngo imukize abanzi, ibiyikubiyemo ni kimwe rwose n’ibivugwa muri Z 40,14–18.
1Igenewe umuririmbisha. Iri mu zo bitirira Dawudi. Ni iyo kwibuka.
2Mana, ngwino unyikirize,
Uhoraho, banguka, undengere!
3Nibakorwe n’ikimwaro,
abanyifuriza urupfu bose!
Nibasubire inyuma, kandi bakozwe isoni,
abanyifuriza nabi bose;
4abirirwaga banseka, nibatahane ikimwaro!
5Ahubwo nibaguhimbarirwemo,
abagushakashaka bose;
kandi abakunda agakiza kawe,
bavuge ubudahwema bati «Imana ni igihangange!»
6Naho jyewe, w’umukene n’imbabare,
Mana, ubanguke untabare!
Ni wowe buvunyi bwanjye n’umukiza wanjye,
Uhoraho, ntutindiganye!
Currently Selected:
Zaburi 70: KBNT
Highlight
Share
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.
