Zaburi 67
67
Isengesho rusange nyuma y’isarura#67.0 . . . nyuma y’isarura: umuryango wa Israheli uratumirwa gushimira Uhoraho kubera umusaruro utubutse (7); ndetse n’abanyamahanga bagatumirirwa kuyoboka Imana imwe y’ukuri, no kuyiririmbira ibisingizo.
1Igenewe umuririmbisha; igaherekezwa n’inanga z’imirya. Ni zaburi igenewe kuririmbwa.
2Imana nitubabarire, maze iduhe umugisha,
itwereke uruhanga rwayo rubengerana,
3kugira ngo ku isi bazamenye ko ari wowe ugenga,
n’amahanga yose amenye ko ari wowe ukiza. (guceceka akanya gato)
4Mana yacu, imiryango yose nigusingize,
imiryango yose nigusingirize icyarimwe!
5Amoko yose niyishime, aririmbe,
kuko utegekana ubutabera ibihugu byose,
ukagenga amahanga yose y’isi. (guceceka akanya gato)
6Mana yacu, imiryango yose nigusingize,
imiryango yose nigusingirize icyarimwe!
7Ubutaka bwacu bweze imbuto,
Nyagasani, Imana yacu, aduhunda atyo imigisha.
8Imana niduhe umugisha,
kandi niyubahwe n’isi yose aho iva ikagera.
Currently Selected:
Zaburi 67: KBNT
Highlight
Share
Copy
Want to have your highlights saved across all your devices? Sign up or sign in
Kinyarwanda Bibiliya Ntagatifu, Verbum Bible © The Bible Society of Rwanda, Rép. Dém. du Congo, 2012.
