မးသဲ 13

ပွဲၤပၢ်တဲၤခွံအကလဲၤ

(မၢ် ၄:၁-၉, လူၤ ၈:၄-၈)

1ဘ့အနဳၤတနံၤနဳၤ, ယ့ၣ်ရှူးဟဲးထာ်ဝှါရှံၣ် အချဳဒဳၣ်, စဆး နါအီၣ်ကဲၤဒဳပဲာ်လဲာ်ဝ့ၤနဳၤ. 2ကၱာ်ဒီ ပၠၤအပဳၤအဟီးလၤတ့ၢ်ပျဳာ်ခွဲ ဘးစဲာ်ဒဳၣ်, စခဲထာ်နံၢ်ချံ တဘဲာ်အပူၤ, ကၱာ်စဆးနါအီၣ်ကဲၤ, ကၱာ်ဒီပၠၤ သဒဲပဳၤ ဆီထဳးအီၣ်လဳပဲာ်လဲာ်ဝ့ၤ. 3စဒီဆးလၢ်ဝၤတဲၤ အီၣ်အဲမံၤ တဲၤကလဲၤအပူၤ.

စဒီၣ်, “စာ်ပီၢ်, အပၢ်တဲၤခွံတပွဲၤလ့ၤပၢ်ကဲၤတဲၤခွံ. 4ကၱာ်ဒီ စပၢ်ဒဳၣ်, တဲၤဖျဳးလၤတ့ၢ်ကျဲးအဧဳၢ်လီၤ တစီာ်, ကၱာ်ထဳၣ်ဖဳးတစီာ်လၤ စီး အၣ်လဳတပွဲး. 5တစီာ်စီာ်လၤတ့ၢ်လဳၤခြးကျဲ, ထဲၢ်ဟးဟၱးတအီၣ် အဲးနီး အလ့ၤနဳၤ. ကၱာ်ဒီအကဲာ်ထာ်တနၢ်တပွဲး. ပရၤဆါ, ဟးဖ့းတဓံနီၤ အစဲ, 6ဘ့လူၤမူၤထာ်နဳၤ, တဲၤကဳၤ ဆးဘဲာ်စဲာ်ကၱာ်ဒီအခၣ်ဝံၤ တအီၣ်နီးဒဳၣ်, အဝှ့သံတပွဲး. 7ကၱာ်ဒီတစီာ်စီာ်လၤတ့ၢ်တၤဆူးတဲၤ ဖၱအကျဲ, ကၱာ်တၤဆူးတဲၤဖၱပဲၤကဲၤစဲာ်ဒဳၣ်, အဘၱးဘိသံတပွဲးစဲာ်. 8ပရၤဆါ, တစီာ်စီာ်လၤတ့ၢ်ဟၣ်ဟၱးဝၱၤအခဳး, ကၱာ်ဒီအသဲာ်ထာ်နံၤကဲၤအပျာ်အကယဲၤအီၣ်, အပျာ်အၡံသါသိးအီၣ်, အပျာ်ဆဳၡံအီၣ်အီၣ်.

9“ပၠၤအနံၤကူၤအသၱာ်ဟဲအံာ်အီၣ်တပွဲၤ ကသၱာ်ဟဲဒီဧဲၤ.”

တဲၤကလဲၤအတဲၤသးအဲးဒီဆး

(မၢ် ၄:၁၀-၁၂, လူၤ ၈:၉-၁၀)

10စပျဲၢ်စဘီၣ်တစီာ်လ့ၤဘိးထၱးစဲာ်, ကၱာ်စဒီၣ်, “နယၱၢ် ဘဲာ် ထၱးမၤစဲာ်တစီာ်ဒဳတဲၤကလဲၤအကျဲနဲၢ်.”

11စဒီၣ်က့ၤလၢ်ဝၤအလံၢ်ကယဳၤ, “တဲၤအံာ်လၤ တပွဲးသံ အကသၱာ်ဟဲဘဲာ်မီၢ်ခဳးအထံအက့ၤ အတဲၤအီၣ် ဟူၣ်, ပရၤဆါတဲၤတအံာ်လၤစဲာ်တစီာ်နီး. 12မၤနဲၢ်ကဒီၣ်ဓဳၤဒဳၣ်, ပၠၤအတဲၤအီၣ်တပွဲၤ နဳၤ, တဲၤကအံာ်ဒဳၣ်ချဳကီစဲာ်ကၱာ်ဒီစအဲကအီၣ်ကဲအီၣ်အိး ကီ. ပရၤဆါအတဲၤတအီၣ်နီးတပွဲၤနဳၤ, တဲၤကဖၱး သံဝံၢ်ကီစဲာ် စအဲအအီၣ်တကၱာ်လီၤ နဳၤ. 13မဲၤကနဳၤဒဳၣ်, ယယၱၢ်ဘဲာ်ထၱးကီစဲာ် တဲၤကလဲၤအပူၤ နဳၤ မၱာ်အယဳၤအစဲ. မၤနဲၢ်ကဒီၣ်ဓဳၤဒဳၣ်, စစာ်နီၣ်သီ, စတကဲာ်ထၱးနီး. စဆီးခ့ န့းနီၣ်သီ, စတသၱာ်ဟဲနီး, ကၱာ်ဒီစတတီၤနံၤဖၱးနံၤနီးနီး. 14ကၱာ်ဒီ ဝံယၡါယၤ အတဲၤဒီၣ်တီၤလီၤတကျၤ ပ့ထာ်ဇီၤထာ်တပွဲးစလီၤ တစီာ်, အဒီၣ်,

‘သံကဆီးခ့န့း ကၱာ်ဆီးခ့န့းကီ, ပရၤဆါသံကတတီၤ နံၤဖၱးနံၤကီ နီး.

သံကစာ်ကၱာ်ကစာ်ကီ, ပရၤဆါသံကတစာ်ထၱး ကီနီး.

15မၤနဲၢ်ကဒီၣ်ဓဳၤဒဳၣ်, ပၠၤအယဳၤတစိၤ အသးဆးနံၤဓၤ အီၣ်ယၱၢ်ကဲၤ.

စနံၤကူၤထဳးအီၣ်ယၱၢ်ကဲၤ,

ကၱာ်ဒီ စဘံာ်လၤစကၢ်ဓူ,

စာ်ဘိထဲၢ်စကတစာ်ထၱးကၱာ်စကၢ်ဓူနီး,

တမၱာ်မၤနီးဒဳၣ်, စကၢ်ဓူကစာ်ထၱးဒီ,

စနံၤကူၤကသၱာ်ဟဲဒီ,

ကၱာ်ဒီစသးကဘါထာ်ဒီ,

ကၱာ်စကဒးဘးက့ၤဒီစန့ၤဒဳယအီၣ်နဳၤ,

ကၱာ်စကဘဲာ်မဲၤမှး က့ၤ ဒီ,

ကဘၱာ်စဲာ်ဒီၣ်ဓဳၤ.’

16“ပရၤဆါအဘဲာ်ဟိးဝၱၤမၱာ်သံကၢ်ဓူ, မၤနဲၢ် ကဒီၣ်ဓဳၤဒဳၣ်, အစာ်ထၱးတဲၤ. ကၱာ်သံနံၤကူၤဘဲာ် တဲၤဟိးဝၱၤ, မၤနဲၢ်ကဒီၣ်ဓဳၤဒဳၣ်, အသၱာ်ဟဲတဲၤ. 17ကၱာ်ဒီယဒီဆးသံ, ဝံကၱာ်ပၠၤအတၱၢ်အမှးအီၣ်အဲပွဲၤ သးအဲးစာ်ထၱးဆိးကဲၤတဲၤထဲၢ်သံစာ်ထၱးဘဲာ်တစီာ်နဳၤ, မၱာ်စတစာ်ထၱးဘဲာ် ကဲၤနီး. စသးအဲးသၱာ်ဟဲဆိးကဲၤတဲၤ ထဲၢ်သံသၱာ်ဟဲဘဲာ်တစီာ်နဳၤ, မၱာ်စတသၱာ်ဟဲဘဲာ်ကဲၤ နီး.

အပၢ်တဲၤခွံအကလဲၤ

(မၢ် ၄:၁၃-၂၀, လူၤ ၈:၁၁-၁၅)

18“မဲၤကနဳၤဒဳၣ်ဆီးခ့န့းပီၢ် ပၠၤအပၢ်တဲၤခွံတပွဲၤ အတဲၤကလဲၤခး. 19ဘ့ပၠၤတပွဲၤပွဲၤဆီးခ့န့းမီၢ်ခဳး ထံက့ၤအလ့ၢ်အဝှဲး, စတသၱာ်ဟဲအထာ်ပဳၤထာ်ဘါနီး နဳၤ, တဲၤကၱကဲာ်အမူၤပွ့ၤလ့ၤ, ကၱာ်ဖၱးကဲတပွဲး တဲၤထဲၢ် အအီၣ်ပၢ်လၤစသးပူၤနဳၤ, အယဳၤမၱာ်ပၠၤထဲၢ်အနံၤဘဲာ် တဲၤခွံအလၤတ့ၢ်ကျဲးဧဳၤလီၤတပွဲၤနဳၤ. 20ပၠၤထဲၢ် အနံၤဘဲာ်တဲၤခွံ အလၤ တ့ၢ်လဳၤခြးခဳးတပွဲၤနဳၤ မၱာ်ပၠၤ အဆီးခ့န့းတဲၤလ့ၢ်တဲၤဝှဲး ကၱာ်အတီၤနံၤ ပျာ်ပျါ တဲၤ သးလဳၢ်သးလၤအံာ်အပူၤတပွဲၤနဳၤ. 21ပရၤဆါ, အခၣ်ဝံၤတအီၣ်နီးကၱာ်အအီၣ်တဒဳးလီၤ, ဘ့တဲၤလ့ၢ် တဲၤဝှဲးအစဲ, တဲၤပၤ တဲၤဆဲ ကၱာ်တဲၤလိၤမဲၤဆဲးညဲ အီၣ်ထာ်နဳၤ, စတဲၤဘူၣ်ဟဲးကဲတနၢ်တပွဲး. 22ကၱာ်ဒီပၠၤအနံၤဘဲာ်တဲၤခွံထဲၢ်အလၤတ့ၢ်တၤဆူးတဲၤဖၱ ကျဲတပွဲၤနဳၤမၱာ်ပၠၤအသၱာ်ဟဲဘဲာ်နီၣ်သီတဲၤလ့ၢ် တဲၤဝှဲး နှီနူၤ, အီၣ်အံာ်တဲၤ ဘဲာ် ၡဳအံာ်လၢ်ခဳးအတဲၤကၱာ် ဝှိထဲ အတဲၤလှီးပျဲာ် ဘၱာ်ဘိသံတဲၤလ့ၢ် တဲၤဝှဲး ဒဳၣ်, အတဖီ ထာ်သဲာ်ထာ်နီးတပွဲၤနဳၤ. 23ပရၤဆါ ပၠၤအနံၤ ဘဲာ် တဲၤ ခွံထဲၢ်အလၤတ့ၢ်ဒဳဟၣ်ဟၱးအဝၱၤအခဳးတပွဲၤမၱာ် ပၠၤထဲၢ်အသၱာ်ဟဲ ဘဲာ် တဲၤလ့ၢ်တဲၤဝှဲးကၱာ် အတီၤနံၤဖၱး နံၤတပွဲၤနဳၤ, ပၠၤအယဳၤတပွဲၤကသဲာ်ထာ်ဖီထာ် တပွဲး အပျာ်တကယဲၤအီၣ်, အပျာ်အၡံသါသိးအီၣ်, ကၱာ် အပျာ်ဆဳၡံအီၣ်.”

မံၤနှဲးအကလဲၤ

24စဒီဆးလၢ်ဝၤတစီာ်တဲၤကလဲၤအလဝ့ၤ တဓဲ ကယဳၤ, “မီၢ်ခဳးအထံအက့ၤမဲၤအစာ်ဘိပၠၤအပၢ်တဲၤခွံ အဝၱၤဒဳဟူၣ်ကျဲပူၤတပွဲၤ နဳၤ. 25ပရၤဆါဘ့ပၠၤဆီး မံသဗ့နဳၤ, စဒ့ဒီၣ်တပွဲၤလ့ၢ်ပၢ်လၤ ကဲၤ မံၤနှဲးအခွံဒဳဘူၣ် အကျဲနဳၤ, ကၱာ်စဟဲးဖျီးမံတပွဲး. 26ကၱာ်ဒီဘ့အမူၤဓဳၤထာ်ကၱာ် ဒဳထာ်ပျီၢ်ထာ်ဝှါနဳၤ, မံၤနှဲးမၱာ်မၱာ် ဖီထာ်သဲာ်ထာ်ကိာ်ကဲၤ ကဲၤ. 27ကၱာ်ဒီဟူၣ်ကျဲအဘၱာ်စဲာ်အဇိၤအပွဲၤတစီာ်လ့ၤထၱးစဲာ်ကၱာ် စဒီၣ်လၢ်ဝၤကယဳၤ, ‘ဘၱာ်စဲာ်, ဒဳနဟူၣ်ကျဲပူၤနဳၤ, နတပၢ်လၤမဲၤတဲၤခွံ အဝၱၤလီၤနီးဧါ. မဲၤကနဳၤမံၤသဲာ်အီၣ်ကိာ်မၤနဲၢ်.’ 28စဒီၣ်က့ၤလၢ် ဝၤ, ‘အယဳၤမၱာ်သဲဒ့ဒီၣ်တပွဲၤမဲၤကဲၤလီၤ.’ ဇိၤဖဳးတစီာ်ဒဲစဲာ်, ‘နသးအဲးနံၤ ဝၤလ့ၤၡးကဲဧါ.’ 29ဒဳၣ်စဒီၣ်ၡံလၢ်ဝၤ, ‘နီး. ဘဲာ်ခဲသံကၡးကဲမံၤ သဲာ်ဒဳၣ်, သံကၡးကဲနံၤဒီဘူၣ်နှီနူၤ. 30အကဓဳၤထာ်ဒီဧဲၤ ကၠံၢ်ဓဲ လဳၢ်လဳၢ်ထိဘူၣ်မှံခဲနဳၤ. ကၱာ်ဘ့ဘူၣ်မှံခဲနဳၤယမှဲး လၤကီအကဲာ်ဘူၣ် တစီာ်ကယဳၤ. “ၡးဖျီးထာ်အူဆူးမံၤ နှဲး, ကၠၱၢ်ကျဳၤတဓိၤတဓိၤစာ်ဘိထဲၢ်ကဘိကဲၢ်ထာ်အံာ် မှၱးနဳၤ. မၱာ်ဘူၣ်နဳၤ, တီးနံၢ်က့ၤပီၢ်ယဖါပူၤ,” ယမှဲးလၤ ကီစဲာ်ဒဳၣ်,’ စဒီၣ်လၢ်ဝၤဒဳး.”

သပျဲာ်ဖျဳးအကလဲၤ

(မၢ် ၄:၃၀-၃၂, လူၤ ၁၃:၁၈-၁၉)

31စဒီဆးလၢ်ဝၤတဲၤကလဲၤအလဝ့ၤတဓဲဗ့ ကယဳၤ, “မီၢ်ခဳး အထံအက့ၤမဲၤအစာ်ဘိသပျဲာ်ဖျဳး တဖျဳး, ထဲၢ်ပၠၤတပွဲၤဖၱးကၱာ်ဆဳးလၤဒဳ စလၢ်ခဳးပူၤနဳၤ. 32တဲၤဖျဳးလဳစါစဲးအကျဲ စမၱာ်အၡံးဖဳးကဓူၤဟဳ. ပရၤဆါဘ့အဓဳၤထာ်နဳၤ, အဓဳၤလံတပွဲးမံၤနှဲးအလဝ့ၤ လဳစါစဲးကၱာ် အဖၱ ထာ်တပွဲးသဳာ်တဘီ ပွ့အစာ်ဘိ ထဳၣ်ဖဳးတစီာ်လ့ၤပြးကဲၤအပ့ၤဒဳအမ့ၢ်အဖါအကျဲနဳၤ.”

ကမံၤအကလဲၤ

(လူၤ ၁၃:၂၀-၂၁)

33စဒီဆးကဒီလၢ်ဝၤတဲၤကလဲၤအလဝ့ၤတဓဲ ဗ့ကယဳၤ, “မီၢ်ခဳးအထံ အက့ၤမဲၤအစာ်ဘိကမံၤ ထဲၢ်အမံၤမှူးတပွဲၤဖၱးဝှါ, စဘူလါ ဟူၣ်ဒဳတကဳာ်မှူး သဳတးအကျဲထိအဖဲးထာ်လဳတဓဲနဳၤ.”

ယ့ၣ်ရှူးဒီၣ်အံာ်တဲၤကလဲၤ

(မၢ် ၄:၃၃-၃၄)

34တဲၤအယဳၤလဳစါစဲးနဳၤယ့ၣ်ရှူးဒီၣ်အူဒီဆး ကဲၤပၠၤအပဳၤအဟီးတဲၤကလဲၤအပူၤ. ကတမၱာ်တဲၤ ကလဲၤအပူၤနီးစတဒီၣ်အူဒီဆးလၢ် ဝၤတစီာ်နီး. 35စာ်ဘိထဲၢ်ဝံဒီၣ်ကဲၤ တဲၤယၱၢ်ဘဲာ်တစီာ် ကပ့ထာ် ဇီၤ ထာ်ပီၢ်နဳၤ, စဒီၣ်,

“ယအါထာ်ယဧီၢ်ဗူ တဲၤကလဲၤအပူၤ,

ယဒီၣ်ဖျီထာ်ကီတဲၤထဲၢ်အအီၣ်ဟူၣ်ကဲၤ လှ့လၢ်ခဳးအကါထၱး တစီာ်နဳၤ.”#စဲာ်ထါထာ်အံာ် ၇၇:၂

ယ့ၣ်ရှူးဒီၣ်လှၱထာ်မံၤနှဲးအကလဲၤ

36ဘ့နဳၤ စဘါပျဲးက့ၤဝှါပၠၤအပဳၤအဟီး, စက့ၤ နံၢ်ကီရှံၣ်ပူၤ ကၱာ်စပျဲၢ်စဘီၣ်တစီာ်လ့ၤထၱးစဲာ်, “ဒီဆး ပီၢ်ဝၤမံၤနှဲးအအီၣ်ဟူၣ်ကျဲပူၤ အကလဲၤအထာ်ပဳၤ ထာ် ဘါတကၱာ်” စဒီၣ်လၢ်ဝၤဓဳၤ.

37စဒီဆးက့ၤလၢ်ဝၤကယဳၤ, “အပၢ်တဲၤခွံ အဝၱၤတပွဲၤမၱာ်ပၠၤ အဖဳး. 38ဟူၣ်ကျဲမၱာ်လၢ်ခဳး ယဳၤ. တဲၤခွံအဝၱၤမၱာ်ထံ က့ၤအဖဳးအလံၤ. မံၤနှဲးအခွံမၱာ် အကၱကဲာ်တပွဲၤအဖဳးအလံၤ. 39ဒ့ဒီၣ်ထဲၢ်အပၢ် စဲာ်တစီာ်မၱာ် မဳၤဒဲးလၱး. ဘူၣ်မှံခဲ မၱာ်မူၤနံၤလ့ၢ်ဓူၢ်, ကၱာ်ဒီအကဲာ်ဘူၣ် တစီာ်မၱာ်ပွဲၤဇဳၤတစီာ်. 40အစာ် ဘိပၠၤၡးကဲမံၤနှဲးကၱာ်ပၠၤရွှံးကဲကၱာ် မှၱးနဳၤ, ဒဳမူၤနံၤလ့ၢ် ဓူၢ်နဳၤ, တဲၤကမၱာ်ကီကနဳၤနဳၤ. 41ပၠၤအဖဳးကနှး ကီအမီၢ်ခဳးပွဲၤဇဳၤတစီာ်ကၱာ် စကဖၱးကဲကီတဲၤဒဲလၱၢ် ကျဲးအတအဲးနီး လဳစါစဲး, ကၱာ်ပၠၤ အမဲၤတဲၤကၱကဲာ် မဲၤလှီလဳစါစဲးဒဳစထံစက့ၤအပူၤနဳၤ. 42ကၱာ်ဒီ စကထၱးလၤတ့ၢ်နံၢ်ကီလၢ်ဝၤဒဳ မှၱးအပီၤပူၤနဳၤ, ဒဳနဳၤ တဲၤယဳၤတဲၤဟး, တဲၤအ့းတံၤသိအ့တံၤသဲကအီၣ် ကီ. 43ဘ့နဳၤ အခၠၱး ပၠၤအတၱၢ်အမှးတစီာ် ကလှၱ ကပြီၤကီအစာ်ဘိလူၤမူၤနဳၤ, ဒဳယပာ် အထံအက့ၤ အပူၤနဳၤ. ပၠၤအနံၤကူၤအသၱာ်ဟဲအံာ်အီၣ်တပွဲၤ, ကသၱာ်ဟဲ ဒီဧဲၤ.

တဲၤလံၢ်ဓဳၤပွၱၤသဲကၱာ်လဳၤအဝၱၤ

44“မီၢ်ခဳးအထံအက့ၤမဲၤအစာ်ဘိတဲၤအလံၢ်ဓဳၤ ပွၱၤသဲတဓဲ အအီၣ်ဟူၣ်ဒဳလၢ်ခဳးတကျးဝးအပူၤနဳၤ, ထဲၢ် ပၠၤတပွဲၤပးနံၤဝှါ, စလဲၢ် ဟူၣ်တစဲဒီနဳၤ. ကၱာ်ဒီစသး ကနၢ်အံာ်အစဲ, စက့ၤဆဲလဳစတဲၤ ကၱာ်စပွၱၤ ကဲၤလၢ်ခဳး အနဳၤတကျးဝးနဳၤ.

လဳၤအဝၱၤအကလဲၤ

45“တပျာ်ပ့ၤ, မီၢ်ခဳးအထံအက့ၤ အမဲၤအစာ် ဘိ ပၠၤအကွၢ် အၣ်တဲၤ, အဟဲးဝၢ်လှဲးလဳၤအဝၱၤ တပွဲၤ နဳၤ. 46စပးနံၤဝှါလဳၤအပွၱၤဆိးတမဲဒဳၣ်, စက့ၤဆဲ ကဲစတဲၤလဳ စါစဲး, ကၱာ်စပွၱၤကဲၤလဳၤအဝၱၤအနဳၤတမဲ နဳၤ.

ဓွံၢ်အကလဲၤ

47“တပျာ်ပ့ၤ, မီၢ်ခဳးအထံအက့ၤမဲၤစာ်ဘိဓွံၢ် ပၠၤပၢ်လၤဒဳပဲာ် လဲာ်ပူၤကၱာ် အပိာ်နံၤဓၢ်ဖဳးကိၢ်မဳၤကိၢ်ဖဲ တပျာ်လီၤတခဳးနဳၤ. 48ဘ့ဓွံၢ်ပ့ထာ်နဳၤ ပၠၤစွံးထာ် က့ၤခီခဳးကၱာ်စဆးနါလါဝှါပဲာ်လဲာ်ဝ့ၤ, စရိၤလှဲး က့ၤဓၢ် ဖဳးအဝၱၤအဝၱၤကၱာ်စဘဲနံၢ်က့ၤတဲၤပူၤတဲၤကၱၢ်အပူၤ. ပရၤဆါအတဝၱၤနီၤတစီာ်နဳၤ, စပၢ်ဖျီးမံတပွဲးအခီဖး နဳၤ. 49ကနဳၤအခီဖး, ဘ့မူၤနံၤလ့ၢ်ဓူၢ်နဳၤ, တဲၤကမဲၤကီအန့ၤကနဳၤနဳၤ. မီၢ်ခဳးပွဲၤဇဳၤတစီာ်ကဟဲးထာ်ကၱာ် ဖၱးထာ်ကဲကီပၠၤအကၱကဲာ် ဒဳပၠၤအတၱၢ်အမှးအကျဲနဳၤ. 50ကၱာ်စထၱးလၤဓ့ၢ်နံၢ်ကီလၢ်ဝၤတစီာ်ဒဳမှၱးအပီၤ ပူၤ. ဒဳနဳၤ, တဲၤယဳၤ တဲၤဟး ကၱာ်တဲၤအ့းတံၤသိအ့းတံၤ သဲကအီၣ်ကီ.”

51ယ့ၣ်ရှူးဒဲစာ်စဲာ်တစီာ်, “သံသၱာ်ဟဲလဳထဳ တဲၤအယဳၤတစီာ် ယဳၤနဳၤဧါ.”

“အဳၣ်, ဘၱာ်စဲာ်.” စဒီၣ်ၡံက့ၤလၢ်ဝၤဓဳၤ.

52စဒီၣ်လၢ်ဝၤတစီာ်, “မဲၤကနဳၤ, ပၠၤသၱာ်တဲၤ သိၣ်တဲၤသီ အရါ, အထၱနံၤကိၢ်နံၤ နံၤမီၢ်ခဳးအထံ အက့ၤအဝၱၤအကဲတပွဲၤမၱာ် အစာ် ဘိ ရှံၣ်အဘၱာ်စဲာ် ထဲၢ်အဖၱးထာ်တဲၤအသဲသဲ, အလံၤလံၤ, ဒဳအတဲၤ လံၢ်ဓဳၤပွၱၤသဲအကလီၤပူၤတပွဲၤအခီဖးနဳၤ.”

ယ့ၣ်ရှူးဒဳနၤစရ့းအူးပူၤ

(မၢ် ၆:၁-၆, လူၤ ၄:၁၆-၃၀)

53ကၱာ်ဒီဘ့ယ့ၣ်ရှူးဒီဆးဝှါတဲၤကလဲၤအယဳၤ တစီာ်နဳၤ, စဟဲးထာ်ကဲၤဘ့နဳၤ. 54ကၱာ်စဓဳၤနံၢ် က့ၤစဒဳစဖါအပူၤဒဳၣ်, စဒီၣ်အူ ဒီဆးကဲၤပၠၤဒဳ လၢ်ဝၤအဘူၣ်ဘျီၣ်အပူၤနဳၤ. ဒဳၣ်စဲာ်တစီာ် ထဲးတမိၢ်တမှါကၱာ် လၤဒဲလှဲးလၢ်ဝၤ, “ပၠၤအယဳၤတပွဲၤအတဲၤသၱာ်ဟဲ အီၣ်မၤ, ကၱာ် မဲၤကဲာ်ထာ်မၤတဲၤစီးကျၱးပွ့ကနဳၤနဲၢ်. 55အယဳၤတပွဲၤတမၱာ် ပွဲၤစူး ပဳၢ်ခၣ်ယီၤအဖဳးနီးဧါ. စမဳၤအမံၤတမၱာ် နီၢ်မၤရၱနီးဧါ. ကၱာ်စပူၤစဝ့ၤတမၱာ် စီၤယၤကိာ်, စီၤယိၤစ့, စီၤၡံမိၣ် ကၱာ်စီၤယူဒၤနီးဧါ. 56ကၱာ်ဒီစသဲ ပူၤဝ့ၤအမံၤမှူးလဳစါစဲး တဘဲာ်ပီၢ်အအီၣ်ဘိးထၱးဝၤတစီာ်နဳၤနီးဧါ. မဲၤကနဳၤစဖၱးနံၤတဲၤအယဳၤလဳစါစဲးဒီၣ်လဲၢ်.” 57ကၱာ်ဒီစသးပျဲၢ်ကဲၤလၢ်ဝၤအခဳး အစဲတစီာ်.

ယ့ၣ်ရှူးဒီၣ်စဲာ်တစီာ်ကယဳၤ, “ဝံတနံၤဘဲာ်တဲၤဒဳ တဲၤယးနီးမၱာ် ဒဳစထံစက့ၤပူၤကၱာ်စရှံၣ်ပူၤနဳၤလီၤ.” 58ကၱာ်ဒီပၠၤအတဲၤဘူၣ်တအီၣ်နီးအခဳးအစဲ, စတမဲၤ အီၣ်အဲးကဲၤတဲၤပီၤတဲၤပၤဒဳနဳၤနီး.

Currently Selected:

မးသဲ 13: GBA

Highlight

Copy